Matthew 24:5 Cross References - Wycliffe

⁵ For many schulen come in my name, and schulen seie, Y am Crist; and thei schulen disseyue manye.

¹⁴ And the Lord seide to me, The profetis profesien falsli in my name; Y sente not hem, and Y comaundide not to hem, nether Y spak to hem; thei profesien to you a fals reuelacioun, and a gileful dyuynyng, and the disseyuyng of her herte.

²¹ Y sente not the profetis, and thei runnen; Y spak not to hem, and thei profesieden.

²⁵ Y herde what thingis the profetis seiden, profesiynge a leesyng in my name, and seiynge, Y dremede dremes.

¹¹ And many false prophetis schulen rise, and disseyue manye.

²⁴ For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done.

⁴³ Y cam in the name of my fadir, and ye token not me. If another come in his owne name, ye schulen resseyue hym.

³⁶ For bifore these daies Teodas, that seide hym silf to be sum man, to whom a noumbre of men consentiden, aboute foure hundrid; which was slayn, and alle that bileueden to hym, weren disparplit, and brouyt to nouyt. ³⁷ Aftir this, Judas of Galilee was in the daies of professioun, and turnyde awei the puple aftir hym; and alle hou manye euere consentiden to hym, weren scatered, and he perischide.

⁹ Therfor greet ioye was maad in that citee. But there was a man in that citee, whos name was Symount, a witche, that hadde disseyued the folc of Samarie, seiynge, that him silf was sum greet man. ¹⁰ Whom alle herkeneden, fro the leest to the moost, and seiden, This is the vertu of God, which is clepid greet.

¹⁸ My litle sones, the laste our is; and as ye han herd, that antecrist cometh, now many antecristis ben maad; wherfor we witen, that it is the laste our.

⁸ And alle men worschipiden it, that dwellen in erthe, whos names ben not writun in the book of lijf of the lomb, that was slayn fro the bigynnyng of the world.