Matthew 17:27 Cross References - Wycliffe

²⁸ And God blesside hem, and seide, Encreesse ye, and be ye multiplied, and fille ye the erthe, and make ye it suget, and be ye lordis to fischis of the see, and to volatilis of heuene, and to alle lyuynge beestis that ben moued on erthe.

⁴ and there thou schalt drynke of the stronde; and Y comaundide to crowis, that thei feede thee there.

⁸ Thou hast maad suget alle thingis vndur hise feet; alle scheep and oxis, ferthermore and the beestis of the feeld;

⁸ and the Lord dwellith with outen ende. He made redi his trone in doom; and he schal deme the world in equite,

⁸ He sittith in aspies with ryche men in priuytees; to sle the innocent man.

¹⁰ But Y in vois of heriyng schal offre to thee; what euer thingis Y vowide, Y schal yelde to the Lord, for myn helthe.

¹² Thanne hise disciplis camen, and seiden to hym, Thou knowist, that, if this word be herd, the Farisees ben sclaundrid? ¹³ And he answeride, and seide, Eueri plauntyng, that my fadir of heuene hath not plauntid, shal be drawun vp by the roote. ¹⁴ Suffre ye hem; thei ben blynde, and leederis of blynde men. And if a blynd man lede a blynd man, bothe fallen doun in to the diche.

⁶¹ Therfor many of hise disciplis herynge, seiden, This word is hard, who may here it?

²¹ It is good to not ete fleisch, and to not drynke wyn, nethir in what thing thi brother offendith, or is sclaundrid, or is maad sijk.

¹ But we saddere men owen to susteyne the feblenesses of sijke men, and not plese to vs silf. ² Eche of vs plese to his neiybore in good, to edificacioun. ³ For Crist pleside not to hym silf, as it is writun, The repreues of men dispisynge thee, felden on me.

⁹ But se ye, lest perauenture this your leeue be maad hurtyng to sijke men.

¹³ Wherfor if mete sclaundrith my brother, Y schal neuere ete fleisch, lest Y sclaundre my brothir.

¹⁹ Forwhi whanne Y was fre of alle men, Y made me seruaunt of alle men, to wynne the mo men. ²⁰ And to Jewis Y am maad as a Jew, to wynne the Jewis; to hem that ben vndur the lawe, ²¹ as Y were vndur the lawe, whanne Y was not vndur the lawe, to wynne hem that weren vndur the lawe; to hem that weren with out lawe, as Y were with out lawe, whanne Y was not with out the lawe of God, but Y was in the lawe of Crist, to wynne hem that weren with out lawe. ²² Y am maad sijk to sike men, to wynne sike men; to alle men Y am maad alle thingis, to make alle men saaf.

³² Be ye with outen sclaundre to Jewis, and to hethene men, and to the chirche of God; ³³ as Y bi alle thingis plese to alle men, not sekynge that that is profitable to me, but that that is profitable to manye men, that thei be maad saaf.

³ Yyue we to no man ony offencioun, that oure seruyce be not repreued;

⁹ And ye witen the grace of oure Lord Jhesu Crist, for he was maad nedi for you, whanne he was riche, that ye schulden be maad riche bi his nedynesse.

²² Absteyne you fro al yuel spice.

⁷ In alle thingis yyue thi silf ensaumple of good werkis, in teching, in hoolnesse, in sadnesse. ⁸ An hoolsum word, and vnrepreuable; that he that is of the contrarie side, be aschamed, hauynge noon yuel thing to seie of you.

⁷ Thou hast maad hym a litil lesse than aungels; thou hast corowned hym with glorie and onour; and thou hast ordeyned him on the werkis of thin hondis. ⁸ Thou hast maad alle thingis suget vndur hise feet. And in that that he sugetide alle thingis to hym, he lefte no thing vnsuget to him. But now we seen not yit alle thingis suget to hym;

⁵ Heere ye, my moost dereworthe britheren, whethir God chees not pore men in this world, riche in feith, and eiris of the kyngdom, that God bihiyte to men that louen him?