Matthew 14:5 Cross References - Wycliffe

⁵ And he willynge to sle hym, dredde the puple; for thei hadden hym as a prophete.

⁹ But what thing wenten ye out to se? a prophete? Yhe, Y seie to you, and more than a prophete.

²⁶ seiynge, If we seien of heuene, he schal seie to vs, Whi thanne bileuen ye not to hym? If we seien of men, we dreden the puple, for alle hadden Joon as a prophete.

³² For Joon cam to you in the weie of riytwisnesse, and ye bileueden not to him; but pupplicans and hooris bileueden to hym. But ye sayn, and hadden no forthenkyng aftir, that ye bileueden to hym.

¹⁹ And Erodias leide aspies to hym, and wolde sle hym, and myyte not. ²⁰ And Eroude dredde Joon, and knewe hym a iust man and hooli, and kepte hym. And Eroude herde hym, and he dide many thingis, and gladli herde hym.

³⁰ Whether was the baptym of Joon of heuene, or of men? answere ye to me. ³¹ And thei thouyten with ynne hem silf, seiynge, If we seien of heuene, he schal seie to vs, Whi thanne bileuen ye not to him; ³² if we seien of men, we dreden the puple; for alle men hadden Joon, that he was verili a prophete.

¹ Pask and the feest of therf looues was after twei daies. And the hiyest preestis and scribis souyten, hou thei schulden holde hym with gile, and sle. ² But thei seiden, Not in the feeste dai, lest perauenture a noyse were maad among the puple.

⁶ and if we seien, Of men, al the puple schal stoone vs; for thei ben certeyn, that Joon is a prophete.

²¹ And thei manassiden, and leften hem, and foundun not hou thei schulden punische hem, for the puple; for alle men clarifieden that thing that was don in that that was bifalle.

²⁶ Thanne the magistrat wente with the mynystris, and brouyte hem with out violence; for thei dredden the puple, lest thei schulden be stonyd.