Matthew 13:17 Cross References - Wycliffe

¹⁷ Forsothe Y seie to you, that manye profetis and iust men coueitiden to se tho thingis that ye seen, and thei sayn not, and to heere tho thingis that ye heren, and thei herden not.

²⁴ For Y seie to you, that many prophetis and kyngis wolden haue seie tho thingis, that ye seen, and thei sayn not; and here tho thingis, that ye heren, and thei herden not.

⁵⁶ Abraham, youre fadir, gladide to se my dai; and he saiy, and ioyede.

⁵ Which was not knowun to othere generaciouns to the sones of men, as it is now schewid to his hooli apostlis and prophetis in the spirit, ⁶ that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie;

¹³ Bi feith alle these ben deed, whanne the biheestis weren not takun, but thei bihelden hem afer, and gretynge hem wel, and knoulechide that thei weren pilgryms, and herboryd men on the erthe.

³⁹ And alle these, preued bi witnessing of feith, token not repromyssioun; ⁴⁰ for God purueiede sum betere thing for vs, that thei schulden not be maad perfit with outen vs.

¹⁰ Of which helthe profetis souyten, and enserchiden, that profecieden of the grace to comyng in you, ¹¹ and souyten which euer what maner tyme the spirit of Crist signyfiede in hem, and bifor telde tho passiouns, that ben in Crist, and the latere glories. ¹² To which it was schewid, for not to hem silf, but to you thei mynystriden tho thingis, that now ben teld to you bi hem that prechiden to you bi the Hooli Goost sent fro heuene, in to whom aungelis desiren to biholde.