Matthew 12:35 Cross References - Wycliffe

³⁵ A good man bryngith forth good thingis of good tresoure, and an yuel man bringith forth yuel thingis of yuel tresoure.

²⁰ Chosun siluer is the tunge of a iust man; the herte of wickid men is for nouyt. ²¹ The lippis of a iust man techen ful manye men; but thei that ben vnlerned, schulen die in nedinesse of herte.

⁶ The wordis of wickid men setten tresoun to blood; the mouth of iust men schal delyuere hem.

¹⁷ He that spekith that, that he knowith, is a iuge of riytfulnesse; but he that lieth, is a gileful witnesse. ¹⁸ A man is that bihetith, and he is prickid as with the swerd of conscience; but the tunge of wise men is helthe. ¹⁹ The lippe of treuthe schal be stidfast with outen ende; but he that is a sudeyn witnesse, makith redi the tunge of leesyng.

⁴ A plesaunt tunge is the tre of lijf; but the tunge which is vnmesurable, schal defoule the spirit.

²³ A man is glad in the sentence of his mouth; and a couenable word is best.

²⁸ The soule of a iust man bithenkith obedience; the mouth of wickid men is ful of yuelis.

²¹ He that is wijs in herte, schal be clepid prudent; and he that is swete in speche, schal fynde grettere thingis. ²² The welle of lijf is the lernyng of him that weldith; the techyng of foolis is foli. ²³ The herte of a wijs man schal teche his mouth; and schal encreesse grace to hise lippis.

¹¹ A goldun pomel in beddis of siluer is he, that spekith a word in his time. ¹² A goldun eere ryng, and a schinynge peerle is he, that repreueth a wijs man, and an eere obeiynge.

³⁴ Ye generacioun of eddris, hou moun ye speke goode thingis, whanne ye ben yuele? For the mouth spekith of plente of the herte.

⁵² He seith to hem, Therfor euery wise man of lawe in the kyngdom of heuenes, is lijk to an hosebonde man, that bryngith forth of his tresoure newe thingis and elde.

²⁹ Ech yuel word go not of youre mouth; but if ony is good to the edificacioun of feith, that it yyue grace to men that heren.

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

⁶ Youre word be sauered in salt eueremore in grace; that ye wite, hou it bihoueth you to answere to ech man.