Mark 15:2 Cross References - Wycliffe

² And Pilat axide hym, Art thou kynge of Jewis? And Jhesus answeride, and seide to hym, Thou seist.

² and seiden, Where is he, that is borun king of Jewis? for we han seyn his sterre in the eest, and we comen to worschipe him.

¹¹ And Jhesus stood bifor the domesman; and the iustice axide him, and seide, Art thou king of Jewis? ¹² Jhesus seith to hym, Thou seist. And whanne he was accusid of the princis of prestis, and of the eldere men of the puple, he answeride no thing. ¹³ Thanne Pilat seith to him, Herist thou not, hou many witnessyngis thei seien ayens thee? ¹⁴ And he answeride not `to hym ony word, so that the iustice wondride greetli.

⁹ And Pilat answeride `to hem, and seide, Wolen ye Y leeue to you the kyng of Jewis?

¹² And eftsoone Pilat answerde, and seide to hem, What thanne wolen ye that Y schal do to the kyng of Jewis?

¹⁸ And thei bigunnen to grete hym, and seiden, Heile, thou kyng of Jewis.

²⁶ And the titil of his cause was writun, Kyng of Jewis.

² And thei bigunnen to accuse hym, and seiden, We han foundun this turnynge vpsodoun oure folk, and forbedynge tributis to be youun to the emperour, and seiynge that hym silf is Crist and kyng. ³ And Pilat axide hym, and seide, Art thou kyng of Jewis? And he answeride, and seide, Thou seist.

²⁹ Therfor Pilat wente out with outforth to hem, and seide, What accusyng brynge ye ayens this man? ³⁰ Thei answeriden, and seiden to hym, If this were not a mysdoere, we hadden not bitakun hym to thee. ³¹ Thanne Pilat seith to hem, Take ye hym, and deme ye him, after youre lawe. And the Jewis seiden to hym, It is not leueful to vs to sle ony man; ³² that the word of Jhesu schulde be fulfillid, whiche he seide, signifiynge bi what deth he schulde die. ³³ Therfor eftsoone Pilat entride in to the moot halle, and clepide Jhesu, and seide to hym, Art thou kyng of Jewis? ³⁴ Jhesus answerde, and seide to hym, Seist thou this thing of thi silf, ether othere han seid to thee of me? ³⁵ Pilat answeride, Whether Y am a Jewe? Thi folc and bischops bitoken thee to me; what hast thou don? ³⁶ Jhesus answeride, My kingdom is not of this world; if my kingdom were of this world, my mynystris schulden stryue, that Y schulde not be takun to the Jewis; but now my kingdom is not here. ³⁷ And so Pilat seide to hym, Thanne `thou art a king. Jhesus answeride, Thou seist, that Y am a king. To this thing Y am borun, and to this Y `am comun in to the world, to bere witnessing to treuthe. Eche that is of treuthe, herith my vois. ³⁸ Pilat seith to hym, What is treuthe? And whanne he hadde seid this thing, eft he wente out to the Jewis, and seide to hem, Y fynde no cause in hym.

¹⁹ And Pilat wroot a title, and sette on the cros; and it was writun, Jhesu of Nazareth, king of Jewis. ²⁰ Therfor manye of the Jewis redden this title, for the place where Jhesus was crucified, was niy the citee, and it was writun in Ebreu, Greek, and Latyn. ²¹ Therfor the bischops of the Jewis seiden to Pilat, Nyle thou write kyng of Jewis, but for he seide, Y am king of Jewis. ²² Pilat answeride, That that Y haue writun, Y haue writun.

¹³ I comaunde to thee bifor God, that quikeneth alle thingis, and bifor Crist Jhesu, that yeldide a witnessing vnder Pilat of Pounce, a good confessioun,