Malachi 1:14 Cross References - Wycliffe

¹⁴ Cursid is the gileful, that hath in his floc a male beeste, and `he makynge a vow offrith a feble to the Lord; for Y am a greet kyng, seith the Lord of oostis, and my name is dredeful `in folkis.

¹² Y drede lest he gesse that Y wolde scorne him, and lest he brynge in cursyng on me for blessyng.

¹⁹ it schal be a male without wem, of oxen, and of scheep, and of geet; if it hath a wem, ²⁰ ye schulen not offre, nether it schal be acceptable. ²¹ A man that offrith a sacrifice of pesyble thingis to the Lord, and ethir paieth auowis, ethir offrith bi fre wille, as wel of oxun as of scheep, he schal offre a beeste without wem, that it be acceptable; ech wem schal not be ther ynne.

⁵⁸ No but thou schalt kepe and do alle the wordis of this lawe, that ben writun in this volym, `ether book, and schalt drede his gloriouse name and ferdful, that is thi Lord God,

¹¹ Israel synnede, and brak my couenaunt; and thei token of the halewid thing, and thei han stole, and lieden, and hidden among her vessels. ¹² And Israel may not stonde bifore hise enemyes, and Israel schal fle hem, for it is defoulid with cursyng; Y schal no more be with you, til ye al to breke hym which is gilti of this trespas.

² The Lord is greet, and worthi to be preisid ful myche; in the citee of oure God, in the hooli hil of hym.

² Alle ye folkis, here these thingis; alle ye that dwellen in the world, perseyue with eeris.

³⁵ Heuenes and erthe, herye hym; the se, and alle crepynge bestis in tho, herye hym.

¹² I hadde mynde on the werkis of the Lord; for Y schal haue mynde fro the bigynnyng of thi merueilis.

³ Telle ye his glorie among hethene men; hise merueilis among alle puplis.

¹⁵ For the Lord hiy, and enhaunsid, seith these thingis, that dwellith in euerlastyngnesse, and his hooli name in hiy place, and that dwellith in hooli, and with a contrite and meke spirit, that he quykene the spirit of meke men, and quykene the herte of contrit men.

¹⁰ Forsothe the Lord is veri God; he is God lyuynge, and a kyng euerlastynge; the erthe schal be mouyd togidere of his indignacioun, and hethene men schulen not suffre the manaassing of hym.

¹⁰ He is cursid, that doith the werk of God gilefuli; and he is cursid, that forbedith his swerd fro blood.

⁴ And Y preiede my Lord God, and Y knoulechide, and seide, Y biseche, thou Lord God, greet and ferdful, kepynge couenaunt and mercy to hem that louen thee, and kepen thi comaundementis.

⁹ And the Lord schal be kyng on al erthe; in that dai there schal be o Lord, and his name schal be oon.

⁸ If ye offren a blynd beest to be sacrifisid, whether it is not yuel? And if ye offren a crokid and sike beeste, whether it is not yuel? Offre thou it to thi duyk, if it schal plese hym, ether if he schal resseyue thi face, seith the Lord of oostis.

¹¹ For fro rysyng of the sunne til to goyng doun, my name is greet in hethene men; and in ech place a cleene offring is sacrifisid, and offrid to my name; for my name is greet in hethene men, seith the Lord of oostis.

⁹ and ye ben cursid in nedynesse, and alle ye folc disseyuen me, and `togidere fitchen.

³⁵ nether bi the erthe, for it is the stole of his feet; nether bi Jerusalem, for it is the citee of a greet kyng; nether thou shalt not swere bi thin heed,

⁴¹ And Jhesus sittynge ayens the tresorie, bihelde hou the puple castide monei in to the tresorie; and many riche men castiden many thingis. ⁴² But whanne a pore widewe was comun, sche keste two mynutis, that is, a ferthing. ⁴³ And he clepide togidere hise disciplis, and seide to hem, Treuli Y seie to you, that this pore widewe keste more thanne alle, that kesten in to the tresorie. ⁴⁴ For alle kesten of that thing that thei hadden plente of; but this of her pouert keste alle thingis that sche hadde, al hir lyuelode.

⁸ Sche dide that that sche hadde; sche cam bifore to anoynte my bodi in to biriyng.

¹ And whanne myche puple stood aboute, so that thei treden ech on othir, he bigan to seie to hise disciplis, Be ye war of the sourdouy of the Farisees, that is ypocrisie. ² For no thing is hilid, that schal not be schewid; nether hid, that schal not be wist.

⁴⁶ the lord of that seruaunt schal come, in the dai that he hopith not, and the our that he woot not; and schal departe hym, and putte his part with vnfeithful men.

¹ But a man, Anany bi name, with Safira, his wijf, ² seelde a feeld, and defraudide of the prijs of the feeld; and his wijf was witinge. And he brouyte a part, and leide bifor the feet of the apostlis. ³ And Petre seide to hym, Anany, whi hath Sathanas temptid thin herte, that thou lye to the Hooli Goost, and to defraude of the prijs of the feeld? ⁴ Whethir it vnseld was not thin; and whanne it was seld, it was in thi power? Whi hast thou put this thing in thin herte? Thou hast not lied to men, but to God. ⁵ Anany herde these wordis, and felde doun, and was deed. And greet drede was maad on alle that herden. ⁶ And yonge men risen, and mouyden hym awei, and baren hym out, and birieden. ⁷ And ther was maad as a space of thre ouris, and his wijf knewe not that thing that was don, and entride. ⁸ And Petre answerde to hir, Womman, seie to me, whether ye seelden the feeld for so mych? And sche seide, Yhe, for so mych. ⁹ And Petre seide to hyr, What bifelde to you, to tempte the spirit of the Lord? Lo! the feet of hem that han birieden thin hosebonde ben at the dore, and thei schulen bere thee out. ¹⁰ Anoon sche felde doun at hise feet, and diede. And the yonge men entriden, and founden hir deed, and thei baren hir out, and birieden to hir hosebonde.

¹² For if the wille be redi, it is acceptid aftir that that it hath, not aftir that that it hath not.

¹⁵ whom the blessid and aloone miyti king of kyngis and Lord of lordis schal schewe in his tymes.

²⁹ For oure God is fier that wastith.

⁴ Lord, who schal not drede thee, and magnyfie thi name? for thou aloone art merciful; for alle folkis schulen come, and worschipe in thi siyt, for thi domes ben open.

⁸ But to ferdful men, and vnbileueful, and cursid, and manquelleris, and fornycatouris, and to witchis, and worschiperis of idols, and to alle lieris, the part of hem shal be in the pool brennynge with fier and brymstoon, that is the secounde deth.