Luke 8:52 Cross References - Wycliffe

⁵² And alle wepten, and biweileden hir. And he seide, Nyle ye wepe, for the damysel is not deed, but slepith.

² and diede in the citee of Arbee, which is Ebron, in the lond of Chanaan; and Abraham cam to biweyle and biwepe hir.

³⁴ Whanne the wordis of the fadir weren herd, Esau rorid with a greet cry, and was astonyed, and seide, My fadir, blesse thou also me. ³⁵ Which seide, Thy brother cam prudentli, and took thi blessyng.

¹⁷ was as fier brennynge on the cop of the hil in the siyt of the sones of Israel.

³³ Therfor the kyng was sory, and stiede in to the soler of the yate, and wepte, and spak thus goynge, My sone, Absolon! Absolon, my sone! who yyueth to me, that Y die for thee? Absolon, my sone! my sone, Absolon!

¹⁷ The Lord of oostis, God of Israel, seith these thingis, Biholde ye, and clepe ye wymmen `that weilen, and come thei; and sende ye to tho wymmen that ben wise, and haste thei. ¹⁸ Haste thei, and take thei weilynge on you; youre iyen brynge doun teeris, and youre iyelidis flowe with watris; ¹⁹ for the vois of weilyng is herd fro Sion. Hou ben we distried, and schent greetli? for we han forsake the lond, for oure tabernaclis ben forsakun. ²⁰ Therfor, wymmen, here ye the word of the Lord, and youre eeris take the word of his mouth; and teche ye youre douytris weilyng, and ech womman teche hir neiybore mournyng. ²¹ For whi deth stiede bi youre wyndows, it entride in to youre housis, to leese litle children with outforth, and yonge men fro the stretis.

¹⁰ And Y schal helde out on the hous of Dauid, and on dwelleris of Jerusalem, the spirit of grace, and of preieris; and thei schulen biholde to me, whom thei `fitchiden togidere. And thei schulen biweile hym with weilyng, as on `the oon bigetun; and thei schulen sorewe on hym, as it is wont `for to be sorewid in the deth of the firste bigetun.

¹⁷ and seien, We han songun to you, and ye han not daunsid; we han morned to you, and ye han not weilid.

³⁸ And thei camen in to the hous of the prince of the synagoge. And he saie noyse, and men wepynge and weilynge myche. ³⁹ And he yede ynne, and seide to hem, What ben ye troublid, and wepen? The damesel is not deed, but slepith.

²⁷ And there suede hym myche puple, and wymmen that weiliden, and bymorneden hym.

⁴ And Jhesus herde, and seide to hem, This syknesse is not to the deth, but for the glorie of God, that mannus sone be glorified bi hym.

¹¹ He seith these thingis, and aftir these thingis he seith to hem, Lazarus, oure freend, slepith, but Y go to reise hym fro sleep. ¹² Therfor hise disciplis seiden, Lord, if he slepith, he schal be saaf. ¹³ But Jhesus hadde seid of his deth; but thei gessiden, that he seide of slepyng of sleep.