Luke 6:35 Cross References - Wycliffe

³⁵ Netheles loue ye youre enemyes, and do ye wel, and leene ye, hopinge no thing therof, and youre mede schal be myche, and ye schulen be the sones of the Heyest, for he is benygne on vnkynde men and yuele men.

³⁵ If thi brother is maad pore, and feble in power, and thou resseyuest hym as a comelyng and pilgrym, and he lyueth with thee, ³⁶ take thou not vsuris of hym, nether more than thou hast youe; drede thou thi God, that thi brothir mai lyue anentis thee. ³⁷ Thou schalt not yyue to hym thi money to vsure, and thou schalt not axe ouer `aboundaunce, ether encrees ouer of fruytis;

⁵ Who is as oure Lord God, that dwellith in hiye thingis;

⁹ The Lord kepith comelyngis, he schal take vp a modirles child, and widewe; and he schal distrie the weies of synners.

¹⁷ He that hath mercy on a pore man, leeneth to the Lord; and he schal yelde his while to hym.

⁹ He that is redi to merci, schal be blessid; for of his looues he yaf to a pore man. He that yyueth yiftis, schal gete victorie and onour; forsothe he takith awei the soule of the takeris.

⁴⁴ But Y seie to you, loue ye youre enemyes, do ye wel to hem that hatiden you, and preye ye for hem that pursuen, and sclaundren you; ⁴⁵ that ye be the sones of your fadir that is in heuenes, that makith his sunne to rise vpon goode `and yuele men, and reyneth on iust men and vniuste.

⁷ And he criede with greet voice, and seide, What to me and to thee, thou Jhesu, the sone of the hiyest God? Y coniure thee bi God, that thou turmente me not.

³² This schal be greet, and he schal be clepid the sone of the Hiyeste; and the Lord God schal yeue to hym the seete of Dauid, his fadir, and he schal regne in the hous of Jacob with outen ende,

²⁷ But Y seie to you that heren, loue ye youre enemyes, do ye wel to hem that hatiden you; ²⁸ blesse ye men that cursen you, preye ye for men that defamen you. ²⁹ And to him that smytith thee on o cheeke, schewe also the tothir; and fro hym that takith awei fro thee a cloth, nyle thou forbede the coote. ³⁰ And yyue to eche that axith thee, and if a man takith awei tho thingis that ben thine, axe thou not ayen. ³¹ And as ye wolen that men do to you, do ye also to hem in lijk maner.

³⁵ In this thing alle men schulen knowe, that ye ben my disciplis, if ye han loue togidere.

⁸ In this thing my fadir is clarified, that ye brynge forth ful myche fruyt, and that ye be maad my disciplis.

¹⁷ And thei seiynge these thingis, vnnethis swagiden the puple, that thei offriden not to hem.

⁸ But God comendith his charite in vs; for if whanne we weren yit synneris, ⁹ aftir the tyme Crist was deed for vs, thanne myche more now we iustified in his blood, schulen be saaf fro wraththe bi him. ¹⁰ For if whanne we weren enemyes, we ben recounselid to God bi the deth of his sone, myche more we recounselid schulen be saaf in the lijf of hym.

⁹ And ye witen the grace of oure Lord Jhesu Crist, for he was maad nedi for you, whanne he was riche, that ye schulden be maad riche bi his nedynesse.

¹⁰ In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir. ¹¹ For this is the tellyng, that ye herden at the bigynnyng, that ye loue ech othere; ¹² not as Caym, that was of the yuele, and slouy his brother. And for what thing slouy he him? for hise werkis weren yuele, and hise brotheris iust. ¹³ Britheren, nyle ye wondre, if the world hatith you. ¹⁴ We witen, that we ben translatid fro deeth to lijf, for we louen britheren. He that loueth not, dwellith in deth.

⁷ Moost dere britheren, loue we togidere, for charite is of God; and ech that loueth his brother, is borun of God, and knowith God. ⁸ He that loueth not, knowith not God; for God is charite. ⁹ In this thing the charite of God apperide in vs, for God sente hise oon bigetun sone in to the world, that we lyue bi hym. ¹⁰ In this thing is charite, not as we hadden loued God, but for he firste louede vs, and sente hise sone foryyuenesse for oure synnes. ¹¹ Ye moost dere britheren, if God louede vs, we owen to loue ech other.