Luke 24:20 Cross References - Wycliffe

²⁰ and hou the heiyest preestis of oure princis bitoken hym in to dampnacioun of deeth, and crucifieden hym.

¹ But whanne the morowtid was comun, alle the princis of prestis, and the eldre men of the puple token counsel ayens Jhesu, that thei schulden take hym to the deeth. ² And thei ledden him boundun, and bitoken to Pilat of Pounce, iustice.

²⁰ Forsothe the prince of prestis, and the eldere men counseiliden the puple, that thei schulden axe Barabas, but thei schulden distrye Jhesu.

¹ And anoon in the morewtid the hiyeste prestis maden a counsel with the elder men, and the scribis, and with al the counsel, and bounden Jhesu and ledden, and bitoken hym to Pilat.

⁶⁶ And as the day was come, the eldre men of the puple, and the princis of prestis, and the scribis camen togidir, and ledden hym in to her councel,

¹³ And Pilat clepide togider the princis of prestis and the maiestratis of the puple, and seide to hem,

¹³ God of Abraham, and God of Ysaac, and God of Jacob, God of oure fadris, hath glorified his sone Jhesu, whom ye bitraieden, and denyeden bifor the face of Pilat, whanne he demede hym to be delyuered. ¹⁴ But ye denyeden the hooli and the riytful, and axiden a mansleer to be youun to you. ¹⁵ And ye slowen the maker of lijf, whom God reiside fro deth, of whom we ben witnessis.

⁸ Thanne Petre was fillid with the Hooli Goost, and seide to hem, Ye pryncis of the puple, and ye eldre men, here ye. ⁹ If we to dai be demyd in the good dede of a sijk man, in whom this man is maad saaf, ¹⁰ be it knowun to you alle, and to al the puple of Israel, that in the name of Jhesu Crist of Nazareth, whom ye crucifieden, whom God reiside fro deth, in this this man stondith hool bifor you.

²⁷ For verili Eroude and Pounce Pilat, with hethene men, and puplis of Israel, camen togidre in this citee ayens thin hooli child Jhesu, ²⁸ whom thou anoyntidist, to do the thingis, that thin hoond and thi counsel demyden to be don.

³⁰ God of oure fadris reiside Jhesu, whom ye slowen, hangynge in a tre. ³¹ God enhaunside with his riythond this prince and sauyour, that penaunce were yyue to Israel, and remyssioun of synnes.

²⁷ For thei that dwelliden at Jerusalem, and princis of it, that knewen not this Jhesu, and the voicis of prophetis, that by euery sabat ben red, demyden, and filliden; ²⁸ and thei founden in hym no cause of deth, and axiden of Pilat, that thei schulden sle hym. ²⁹ And whanne thei hadden endid alle thingis that weren writun of hym, thei token hym doun of the tre, and leiden hym in a graue.