Luke 12:19 Cross References - Wycliffe

¹⁹ And Y schal seie to my soule, Soule, thou hast many goodis kept in to ful many yeeris; rest thou, ete, drynke, and make feeste.

¹¹ housis fulle of alle richessis, whiche thou madist not, and cisternes, which thou diggedist not, `places of vynes, and `places of olyues, whiche thou plauntidist not, ¹² and thou hast ete, and art fillid,

¹² lest aftir that thou hast ete, and art fillid, hast bildid faire housis, and hast dwellid in tho, ¹³ and hast droues of oxun, and flockis of scheep, and plente of siluer, and of gold, and of alle thingis, thine herte be reisid, ¹⁴ and thenke not on thi Lord God, that ledde thee out of the lond of Egipt, and fro the hous of seruage,

¹ A man is borun of a womman, and lyueth schort tyme, and is fillid with many wretchidnessis.

¹¹ Her litle children goen out as flockis; and her yonge children `maken fulli ioye with pleies. ¹² Thei holden tympan, and harpe; and ioien at the soun of orgun. ¹³ Thei leden in goodis her daies; and in a point thei goen doun to hellis.

²⁴ If Y gesside gold my strengthe, and if Y seide to purid gold, Thou art my trist; ²⁵ if Y was glad on my many ritchessis, and for myn hond foond ful many thingis;

⁵ Gadere ye to hym hise seyntis; that ordeynen his testament aboue sacrifices. ⁶ `And heuenes schulen schewe his riytfulnesse; for God is the iuge. ⁷ Mi puple, here thou, and Y schal speke to Israel; and Y schal witnesse to thee, Y am God, thi God. ⁸ I schal not repreue thee in thi sacrifices; and thi brent sacrifices ben euere bifor me. ⁹ I schal not take calues of thin hows; nethir geet buckis of thi flockis. ¹⁰ For alle the wyelde beestis of wodis ben myne; werk beestis, and oxis in hillis. ¹¹ I haue knowe alle the volatils of heuene; and the fairnesse of the feeld is with me. ¹² If Y schal be hungry, Y schal not seie to thee; for the world and the fulnesse therof is myn. ¹³ Whether Y schal eete the fleischis of boolis? ethir schal Y drynke the blood of geet buckis?

¹⁸ If thou siyest a theef, thou `hast runne with hym; and thou settidist thi part with avowtreris.

⁵ Whether alle men, that worchen wickidnesse, schulen not wite; whiche deuouren my puple as the mete of breed? ⁶ Thei clepiden not God; there thei trembliden for drede, where no drede was. For God hath scaterid the boones of hem, that plesen men; thei ben schent, for God hath forsake hem. ⁷ Who schal yyue fro Syon helthe to Israel? whanne the Lord hath turned the caitifte of his puple, Jacob schal `ful out make ioie, and Israel schal be glad.

¹⁰ Forsothe thei souyten in veyn my lijf, thei schulen entre in to the lower thingis of erthe;

¹¹ The catel of a riche man is the citee of his strengthe; and as a stronge wal cumpassinge hym.

⁵ Reise not thin iyen to richessis, whiche thou maist not haue; for tho schulen make to hem silf pennes, as of an egle, and tho schulen flee in to heuene.

¹ Haue thou not glorie on the morewe, `not knowynge what thing the dai to comynge schal bringe forth.

⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom.

⁸ Wo to you that ioynen hows to hous, and couplen feeld to feeld, `til to the ende of place. Whether ye aloone schulen dwelle in the myddis of the lond?

¹¹ Wo to you that risen togidere eerli to sue drunkennesse, and to drinke `til to euentid, that ye brenne with wyn.

¹³ ioie and gladnesse is to sle caluys, and to strangle wetheris, to ete fleisch, and to drynke wyn; ete we, and drynke we, for we schulen die to morewe.

⁸ And Effraym seide, Netheles Y am maad riche, Y haue founde an idol to me; alle my trauelis schulen not fynde to me the wickidnesse, whiche Y synnede.

³ And ye ben departid in to yuel dai, and neiyen to the seete of wickidnesse; ⁴ and ye slepen in beddis of yuer, and doen letcherie in youre beddis; and ye eten a lomb of the flok, and calues of the myddil of droue; ⁵ and ye syngen at vois of sautree. As Dauid thei gessiden hem for to haue instrumentis of song, and drynken wyn in viols; ⁶ and with beste oynement thei weren anoynted; and in no thing thei hadden compassioun on the sorewe, ether defoulyng, of Joseph.

¹⁶ Therfore he schal offere to his greet net, and schal make sacrifice to his net; for in hem his part is maad fat, and his mete is chosun.

¹⁹ Nile ye tresoure to you tresouris in erthe, where ruste and mouyte destrieth, and where theues deluen out and stelen; ²⁰ but gadere to you tresouris in heuene, where nether ruste ne mouyte distrieth, and where theues deluen not out, ne stelen. ²¹ For where thi tresoure is, there also thin herte is.

¹⁹ There was a riche man, and was clothid in purpur, and whit silk, and eete euery dai schynyngli.

³⁴ But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men,

³² If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe.

¹⁹ who ende is deth, whos god is the wombe, and the glorie in confusioun of hem, that saueren ertheli thingis.

⁶ For sche that is lyuynge in delicis, is deed.

¹⁷ Amen. Comaunde thou to the riche men of this world, that thei vndurstonde not hiyli, nether that thei hope in vncerteynte of richessis, but in the lyuynge God, that yyueth to vs alle thingis plenteuously to vse;

⁴ with out benygnyte, traitouris, ouerthwert, bollun with proude thouytis, blynde, loueris of lustis more than of God,

¹³ And who art thou, that demest thi neiybore? Lo! now ye, that seien, To dai ethir to morewe we schulen go in to thilke citee, and there we schulen dwelle a yeer, and we schulen make marchaundise, and we schulen make wynning; ¹⁴ whiche witen not, what is to you in the morewe. ¹⁵ For what is youre lijf? A smoke apperinge at a litil, and aftirward it schal be wastid. Therfor that ye seie, If the Lord wole, and if we liuen, we schulen do this thing, ether that thing.

¹ Do now, ye riche men, wepe ye, yellinge in youre wretchidnessis that schulen come to you. ² Youre richessis ben rotun, and youre clothis ben etun of mouytis. ³ Youre gold and siluer hath rustid, and the rust of hem schal be to you in to witnessyng, and schal ete youre fleischis, as fier. Ye han tresourid to you wraththe in the last daies.

⁵ Ye han ete on the erthe, and in youre letcheries ye han nurschid youre hertis. In the dai of sleyng ye brouyten,

³ For the time that is passid is ynow to the wille of hethene men to be endid, whiche walkiden in letcheries, and lustis, in myche drinking of wyn, in vnmesurable etyngis, and drynkyngis, and vnleueful worschiping of mawmetis.

⁷ As myche as sche glorifiede hir silf, and was in delicis, so myche turment yyue to hir, and weilyng; for in hir herte sche seith, Y sitte a queen, and Y am not a widewe, and Y schal not se weiling.