Joshua 10:42 Cross References - Wycliffe

⁴² and wastide with o fersnesse alle the kyngis, and `cuntreis of hem; for the Lord God of Israel fauyt for hym.

¹⁴ the Lord schal fiyte for you, and ye schulen be stille.

²⁵ and tho weren borun in to the depthe. Therfor Egipcians seiden, Fle we Israel; for the Lord fiytith for hem ayenus vs.

⁴ for youre Lord God is in the myddis of you, and he schal fiyte for you ayens aduersaries, that he delyuere you fro perel.

¹⁴ for the Lord obeiede to the vois of man, and fauyt for Israel.

³ Crist, thou art fairer in schap than the sones of men; grace is spred abrood in thi lippis; therfor God blessid thee withouten ende. ⁴ Be thou gird with thi swerd; on thi hipe most myytili. ⁵ Biholde thou in thi schaplynesse and thi fairnesse; come thou forth with prosperite, and regne thou. For treuthe, and myldenesse, and riytfulnesse; and thi riyt hond schal lede forth thee wondurfuli. ⁶ Thi scharpe arowis schulen falle in to the hertis of the enemyes of the kyng; puplis schulen be vndur thee. ⁷ God, thi seete is in to the world of world; the yerde of thi rewme is a yerde of riyt reulyng, `ethir of equite. ⁸ Thou louedist riytfulnesse, and hatidist wickidnesse; therfor thou, God, thi God, anoyntide thee with the oile of gladnesse, more than thi felowis.

¹ The title of the sixte and fourtithe salm. To victorie, a salm to the sones of Chore.

⁷ Synge ye to oure God, synge ye; synge ye to oure kyng, synge ye.

³ Take ye a salm, and yyue ye a tympan; a myrie sautere with an harpe.

⁶ Thanne Y schal not be schent; whanne Y schal biholde perfitli in alle thin heestis.

⁹ Puplis, be ye gaderid togidere, and be ye ouercomun; and alle londis afer, here ye. Be ye coumfortid, and be ye ouercomun; gird ye you, and be ye ouercomun; ¹⁰ take ye councel, and it schal be destried; speke ye a word, and it schal not be doon, for God is with vs.

⁴ Sithen thou art maad onourable, and gloriouse in myn iyen; Y louyde thee, and Y schal yyue men for thee, and puplis for thi soule.

³¹ What thanne schulen we seie to these thingis? If God for vs, who is ayens vs? ³² The which also sparide not his owne sone, but `for vs alle bitook hym, hou also yaf he not to vs alle thingis with hym? ³³ Who schal accuse ayens the chosun men of God? It is God that iustifieth, ³⁴ who is it that condempneth? It is Jhesus Crist that was deed, yhe, the which roos ayen, the which is on the riyt half of God, and the which preieth for vs. ³⁵ Who thanne schal departe vs fro the charite of Crist? tribulacioun, or anguysch, or hungur, or nakidnesse, or persecucioun, or perel, or swerd? ³⁶ As it is writun, For we ben slayn al dai for thee; we ben gessid as scheep of slauytir. ³⁷ But in alle these thingis we ouercomen, for hym that louyde vs.