John 7:23 Cross References - Wycliffe

²³ If a man take circumcicioun in the sabat, that the lawe of Moises be not brokun, han ye indignacioun to me, for Y made al a man hool in the sabat?

² And Fariseis, seynge, seiden to hym, Lo! thi disciplis don that thing that is not leueful to hem to do in sabatis.

⁵ Or whether ye han not red in the lawe, that in sabotis prestis in the temple defoulen the sabotis, and thei ben with oute blame?

⁸ Jhesus seith to hym, Rise vp, take thi bed, and go. ⁹ And anoon the man was maad hool, and took vp his bed, and wente forth. And it was sabat in that dai.

¹⁴ Aftirward Jhesus foond hym in the temple, and seide to hym, Lo! thou art maad hool; now nyle thou do synne, lest any worse thing bifalle to thee. ¹⁵ Thilke man wente, and telde to the Jewis, that it was Jhesu that made hym hool. ¹⁶ Therfor the Jewis pursueden Jhesu, for he dide this thing in the sabat.