John 6:63 Cross References - Wycliffe

⁶³ Therfor if ye seen mannus sone stiynge, where he was bifor?

⁷ Therfor the Lord God formede man of the sliym of erthe, and brethide in to his face the brething of lijf; and man was maad in to a lyuynge soule.

⁴⁷ for not in veyn tho ben comaundid to you, but that alle men schulden lyue in tho; whiche wordis ye schulen do, and schulen contynue in long tyme in the lond, to which ye schulen entre to welde, whanne Jordan is passid.

⁷ The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris. ⁸ Thes in charis, and these in horsis; but we schulen inwardli clepe in the name of oure Lord God. ⁹ Thei ben boundun, and felden doun; but we han rise, and ben reisid. ¹⁰ Lord, make thou saaf the kyng; and here thou vs in the dai in which we inwardli clepen thee.

⁶⁸ Therfor Jhesus seide to the twelue, Whether ye wolen also go awei?

⁴⁹ For Y haue not spokun of my silf, but thilke fadir that sente me, yaf to me a maundement, what Y schal seie, and what Y schal speke. ⁵⁰ And Y woot, that his maundement is euerlastynge lijf; therfor tho thingis that Y speke, as the fadir seide to me, so Y speke.

²⁵ For circumcisioun profitith, if thou kepe the lawe; but if thou be a trespassour ayens the lawe, thi circumsicioun is maad prepucie.

¹ What thanne is more to a Jew, or what profit of circumcisioun? ² Myche bi al wise; first, for the spekyngis of God `weren bitakun to hem.

² For the lawe of the spirit of lijf in Crist Jhesu hath delyuerid me fro the lawe of synne, and of deth.

⁸ But what seith the scripture? The word is nyy in thi mouth, and in thin herte; this is the word of bileue, which we prechen. ⁹ That if thou knoulechist in thi mouth the Lord Jhesu Crist, and bileuest in thin herte, that God reiside hym fro deth, thou schalt be saaf. ¹⁰ For bi herte me bileueth to riytwisnesse, but bi mouth knowleching is maad to helthe.

¹⁷ Therfor feith is of heryng, but heryng bi the word of Crist.

⁹ But as it is writun, That iye say not, ne eere herde, nether it stiede in to herte of man, what thingis God arayede to hem that louen hym; ¹⁰ but God schewide to vs bi his spirit. For whi the spirit serchith alle thingis, yhe, the depe thingis of God. ¹¹ And who of men woot, what thingis ben of man, but the spirit of man that is in hym? So what thingis ben of God, no man knowith, but the spirit of God. ¹² And we han not resseiued the spirit of this world, but the spirit that is of God, that we wite what thingis ben youun to vs of God. ¹³ Whiche thingis we speken also, not in wise wordis of mannus wisdom, but in the doctryn of the spirit, and maken a liknesse of spiritual thingis to goostli men. ¹⁴ For a beestli man perseyueth not tho thingis that ben of the spirit of God; for it is foli to hym, and he may not vndurstonde, for it is examyned goostli.

²⁷ Therfor who euere etith the breed, or drynkith the cuppe of the Lord vnworthili, he schal be gilti of the bodi and of the blood of the Lord. ²⁸ But preue a man hym silf, and so ete he of `the ilke breed, and drynke of the cuppe. ²⁹ For he that etith and drinkith vnworthili, etith and drinkith doom to hym, not wiseli demyng the bodi of the Lord.

⁴⁵ as it is writun, The firste man Adam was maad in to a soule lyuynge, the laste Adam in to a spirit quykenynge.

⁶ Which also made vs able mynystris of the newe testament, not bi lettre, but bi spirit; for the lettre sleeth, but the spirit quykeneth. ⁷ And if the mynystracioun of deth write bi lettris in stoonys was in glorie, so that the children of Israel myyten not biholde in to the face of Moises, for the glorie of his cheer, which is auoidid, ⁸ hou schal not the mynystracioun of the spirit be more in glorie?

⁶ For in Jhesu Crist nether circumcisioun is ony thing worth, nether prepucie, but the bileue that worchith bi charite.

²⁵ If we lyuen bi spirit, walke we bi spirit; be we not made coueytouse of veyn glorie, stirynge ech othere to wraththe, or hauynge enuye ech to othere.

¹⁵ For in Jhesu Crist nether circumcisioun is ony thing worth, ne prepucie, but a newe creature.

¹³ Therfor we doon thankingis to God with outen ceessyng. For whanne ye hadden take of vs the word `of the heryng of God, ye token it not as the word of men, but as `it is verili, the word of God, that worchith in you that han bileued.

⁸ For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come.

¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis.

⁹ Nyle ye be led awei with dyuerse `techingis, and straunge. For it is best to stable the herte with grace, not with metis, whiche profitiden not to men wandringe in hem.

¹⁸ For wilfulli he bigat vs bi the word of treuthe, that we be a bigynnyng of his creature.

²³ And be ye borun ayen, not of corruptible seed, `but vncorruptible, bi the word of lyuynge God, and dwellynge in to with outen ende.

¹⁸ For also Crist onys diede for oure synnes, he iust for vniust, that he schulde offre to God vs, maad deed in fleisch, but maad quik in spirit.

²¹ And so baptym of lijk forme makith vs saaf; not the puttyng awei of the filthis of fleisch, but the axyng of a good conscience in God, bi the ayenrysyng of oure Lord Jhesu Crist, that is in the riyt half of God,