John 6:40 Cross References - Wycliffe

⁴⁰ And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.

²¹ Telle ye, and come ye, and take ye councel togidere. Who made this herd fro the bigynnyng? fro that tyme Y bifor seide it. Whether Y am not the Lord, and no God is ferthere with out me? God riytful and sauynge is noon, outakun me. ²² Alle the coostis of erthe, be ye conuertid to me, and ye schulen be saaf; for Y am the Lord, and noon other is.

¹⁰ The Lord hath maad redi his hooli arm in the iyen of alle folkis, and alle the endis of the erthe schulen se the helthe of oure God.

² And he schal stie as a yerde bifore hym, and as a roote fro thirsti lond. And nether schap nether fairnesse was to hym; and we sien hym, and no biholdyng was;

¹⁶ Who that bileueth, and is baptisid, schal be saaf; but he that bileueth not, schal be dampned.

³⁰ for myn iyen han seyn thin helthe,

¹⁴ And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe.

¹⁵ that ech man that bileueth in hym, perische not, but haue euerlastynge lijf. ¹⁶ For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf. <sup>17</sup> For God sente not his sone in to the world, that he iuge the world, but that the world be saued bi him. <sup>18</sup> He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God.

³⁶ He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

¹⁴ schal be maad in hym a welle `of watir, spryngynge vp in to euerlastynge lijf.

²⁴ Treuli, treuli, Y seie to you, that he that herith my word, and bileueth to hym that sente me, hath euerlastynge lijf, and he cometh not in to doom, but passith fro deeth in to lijf.

²⁷ Worche ye not mete that perischith, but that dwellith in to euerlastynge lijf, which mete mannys sone schal yyue to you; for God the fadir hath markid hym.

³⁵ And Jhesus seide to hem, Y am breed of lijf; he that cometh to me, schal not hungur; he that bileueth in me, schal neuere thirste. ³⁶ But Y seid to you, that ye han seyn me, and ye bileueden not. ³⁷ Al thing, that the fadir yyueth to me, schal come to me; and Y schal not caste hym out, that cometh to me.

⁵⁴ Therfor Jhesus seith to hem, Treuli, treuli, Y seie to you, but ye eten the fleisch of mannus sone, and drenken his blood, ye schulen not haue lijf in you.

⁵⁶ Abraham, youre fadir, gladide to se my dai; and he saiy, and ioyede.

²⁸ And Y yyue to hem euerelastynge lijf, and thei schulen not perische with outen ende, and noon schal rauysche hem fro myn hoond.

²⁵ Jhesus seith to hir, Y am ayen risyng and lijf; he that bileueth in me, yhe, thouy he be deed,

⁴⁵ He that seeth me, seeth hym that sente me.

⁵⁰ And Y woot, that his maundement is euerlastynge lijf; therfor tho thingis that Y speke, as the fadir seide to me, so Y speke.

¹⁷ the spirit of treuthe, to dwelle with you with outen ende; which spirit the world may not take, for it seeth hym not, nether knowith hym. But ye schulen knowe hym, for he schal dwelle with you, and he schal be in you.

¹⁹ Yit a litil, and the world seeth not now me; but ye schulen se me, for Y lyue, and ye schulen lyue.

² As thou hast youun to hym power on ech fleisch, that al thing that thou hast youun to hym, he yyue to hem euerlastynge lijf.

²¹ grace was more plenteuouse. That as synne regnede in to deth, so grace regne bi riytwisnesse in to euerlastynge lijf, bi `Crist Jhesu oure Lord.

⁶ For God, that seide liyt to schyne of derknessis, he hath youe liyt in oure hertis, to the liytnyng of the science of the clerenesse of God, in the face of Jhesu Crist.

¹ But feith is the substaunce of thingis that ben to be hopid, and an argument of thingis not apperynge.

²⁷ Bi feith he forsook Egipt, and dredde not the hardynesse of the king; for he abood, as seinge hym that was vnuysible.

⁸ Whom whanne ye han not seyn, ye louen; in to whom also now ye not seynge, bileuen; but ye that bileuen schulen haue ioye, and gladnesse that may not be teld out,

¹ That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid. ² And we sayn, and we witnessen, and tellen to you the euerlastynge lijf, that was anentis the fadir, and apperide to vs. ³ Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.

²⁵ And this is the biheeste, that he bihiyte to vs euerlastinge lijf.

¹¹ And this is the witnessyng, for God yaf to you euerlastinge lijf, and this lijf is in his sone. ¹² He that hath the sone of God, hath also lijf; he that hath not the sone of God, hath not lijf. ¹³ I write to you these thingis, that ye wite, that ye han euerlastynge lijf, which bileuen in the name of Goddis sone.

²¹ and kepe you silf in the loue of God, and abide ye the merci of oure Lord Jhesu Crist in to lijf euerlastynge.