John 6:22 Cross References - Wycliffe

²² On `the tother dai the puple, that stood ouer the see, say, that ther was noon other boot there but oon, and that Jhesu entride not with hise disciplis in to the boot, but hise disciplis aloone wenten.

²² And anoon Jhesus compellide the disciplis to go vp in to a boot, and go bifor hym ouer the see, while he lefte the puple.

⁴⁵ And anoon he maad hise disciplis to go up in to a boot, to passe bifor hym ouer the se to Bethsaida, the while he lefte the puple.

² And a greet multitude suede hym; for thei sayn the tokenes, that he dide on hem that weren sijke.

¹⁵ And whanne Jhesus hadde knowun, that thei weren to come to take hym, and make hym kyng, he fleiy `aloone eft in to an hille. ¹⁶ And whanne euentid was comun, his disciplis wenten doun to the see. ¹⁷ And thei wenten vp in to a boot, and thei camen ouer the see in to Cafarnaum. And derknessis weren maad thanne, and Jhesus was not come to hem. ¹⁸ And for a greet wynde blew, the see roos vp. ¹⁹ Therfor whanne thei hadden rowid as fyue and twenti furlongis or thretti, thei seen Jhesus walkynge on the see, and to be neiy the boot; and thei dredden. ²⁰ And he seide to hem, Y am; nyle ye drede. ²¹ Therfor thei wolden take hym in to the boot, and anoon the boot was at the loond, to which thei wenten.