John 6:10 Cross References - Wycliffe

¹⁰ Therfor Jhesus seith, Make ye hem sitte to the mete. And there was myche hey in the place. And so men saten to the mete, as `fyue thousynde in noumbre.

¹⁸ And he seide to hem, Brynge ye hem hidur to me. ¹⁹ And whanne he hadde comaundid the puple to sitte to meete on the heye, he took fyue looues and twei fischis, and he bihelde in to heuene, and blesside, and brak, and yaf to hise disciplis; and the disciplis yauen to the puple.

³⁵ And he comaundide to the puple, to sitte to mete on the erthe. ³⁶ And he took seuene looues and fyue fischis, and dide thankyngis, and brak, and yaf to hise disciplis; and the disciplis yauen to the puple.

³⁹ And he comaundide to hem, that thei schulden make alle men sitte to mete bi cumpanyes, on greene heye. ⁴⁰ And thei saten doun bi parties, bi hundridis, and bi fifties. ⁴¹ And whanne he hadde take the fyue looues, and twei fischis, he biheelde in to heuene, and blesside, and brak looues, and yaf to hise disciplis, that thei schulden sette bifor hem. And he departide twei fischis to alle;

⁶ Whiche seiden, Seuene. And he comaundide the puple to sitte doun on the erthe. And he took the seuene looues, and dide thankyngis, and brak, and yaf to hise disciplis, that thei schulden sette forth. And thei settiden forth to the puple. ⁷ And thei hadden a few smale fischis; and he blesside hem, and comaundide, that thei weren sette forth.

¹⁴ And the men weren almost fyue thousynde. And he seide to hise disciplis, Make ye hem sitte to mete bi cumpanyes, a fifti to gidir. ¹⁵ And thei diden so, and thei maden alle men sitte to mete. ¹⁶ And whanne he hadde take the fyue looues and twei fischis, he biheeld in to heuene, and blesside hem, and brak, and delide to hise disciplis, that thei schulden sette forth bifor the cumpanyes.