John 5:26 Cross References - Wycliffe

²⁶ For as the fadir hath lijf in hym silf, so he yaf to the sone, to haue lijf in him silf;

¹⁴ The Lord seide to Moises, Y am that am. The Lord seide, Thus thou schalt seie to the sones of Israel, He that is sente me to you.

⁹ For thei, that doen wickidli, schulen be distried; but thei that suffren the Lord, schulen enerite the lond.

² He schal seie to the Lord, Thou art myn vptaker, and my refuit; my God, Y schal hope in him.

¹⁰ Forsothe the Lord is veri God; he is God lyuynge, and a kyng euerlastynge; the erthe schal be mouyd togidere of his indignacioun, and hethene men schulen not suffre the manaassing of hym.

⁴ In hym was lijf, and the lijf was the liyt of men; and the liyt schyneth in derknessis,

¹⁰ Jhesus answerde, and seide to hir, If thou wistist the yifte of God, and who `he is, that seith to thee, Yyue me drynk, thou perauenture woldist haue axid of hym, and he schulde haue youun to thee quyk watir.

⁵⁷ He that etith my fleisch, and drynkith my blood, dwellith in me, and Y in hym.

³⁷ But in the laste dai of the greet feeste, Jhesus stood, and criede, and seide, If ony man thirstith, come he to me, and drynke. ³⁸ He that bileueth in me, as the scripture seith, Floodis of quyk watir schulen flowe fro his wombe.

⁵¹ Treuli, treuli, Y seie to you, if ony man kepe my word, he schal not taste deth with outen ende.

²⁶ he schal lyue; and ech that lyueth, and bileueth in me, schal not die with outen ende. Bileuest thou this thing?

⁶ Jhesus seith to hym, Y am weie, treuthe, and lijf; no man cometh to the fadir, but bi me.

¹⁹ Yit a litil, and the world seeth not now me; but ye schulen se me, for Y lyue, and ye schulen lyue.

² As thou hast youun to hym power on ech fleisch, that al thing that thou hast youun to hym, he yyue to hem euerlastynge lijf. ³ And this is euerlastynge lijf, that thei knowe thee very God aloone, and whom thou hast sent, Jhesu Crist.

²⁵ nethir is worschipid bi mannus hoondis, nether hath nede of ony thing, for he yyueth lijf to alle men, and brethinge, and alle thingis;

⁴⁵ as it is writun, The firste man Adam was maad in to a soule lyuynge, the laste Adam in to a spirit quykenynge.

³ For ye ben deed, and youre lijf is hid with Crist in God. ⁴ For whanne Crist schal appere, youre lijf, thanne also ye schulen appere with hym in glorie.

¹⁷ And to the king of worldis, vndeedli and vnvysible God aloone, be onour and glorie in to worldis of worldis. Amen.

¹⁶ Which aloone hath vndeedlynesse, and dwellith in liyt, to which no man may come; whom no man say, nether may se; to whom glorie, and honour, and empire be with out ende.

¹ That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid. ² And we sayn, and we witnessen, and tellen to you the euerlastynge lijf, that was anentis the fadir, and apperide to vs. ³ Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.

¹⁷ For the lomb, that is in the myddil of the trone, schal gouerne hem, and schal lede forth hem to the wellis of watris of lijf; and God schal wipe awei ech teer fro the iyen of hem.

⁶ And he seide to me, It is don; I am alpha and oo, the bigynnyng and ende. Y schal yyue freli of the welle of quic watir to hym that thirsteth.

¹ And he schewide to me a flood of quic watir, schinynge as cristal, comynge forth of the seete of God, and of the lomb,

¹⁷ And the spirit and the spousesse seien, Come thou. And he that herith, seie, Come thou; and he that thirstith, come; and he that wole, take he freli the watir of lijf.