John 3:34 Cross References - Wycliffe

³⁴ But he whom God hath sent, spekith the wordis of God; for not to mesure God yyueth the spirit.

²⁵ And the Lord cam doun bi a cloude, and spak to Moises, and took a weye of the spirit that was in Moises, and yaf to the seuenti men; and whanne the spirit hadde restid in hem, thei profesieden, and ceessiden not `aftirward.

⁹ And whanne thei hadden passid, Elie seide to Elisee, Axe thou that, that thou wolt that Y do to thee, bifor that Y be takun awey fro thee. And Elisee seide, Y biseche, that thi double spirit be `maad in me.

⁷ Hethene men weren disturblid togidere, and rewmes weren bowid doun; God yaf his vois, the erthe was moued.

² And the Spirit of the Lord schal reste on hym, the spirit of wisdom and of vndurstondyng, the spirit of counsel and of strengthe, the spirit of kunnyng and of pitee; ³ and the spirit of the drede of the Lord schal fille him. He schal deme not bi the siyt of iyen, nether he schal repreue bi the heryng of eeris; ⁴ but he schal deme in riytfulnesse pore men, and he schal repreue in equyte, for the mylde men of erthe. And he schal smyte the lond with the yerde of his mouth, and bi the spirit of his lippis he schal sle the wickid man. ⁵ And riytfulnesse schal be the girdil of hise leendis, and feith schal be the girdyng of hise reynes.

²¹ This is my boond of pees with hem, seith the Lord; My spirit which is in thee, and my wordis whiche Y haue set in thi mouth, schulen not go awei fro thi mouth, and fro the mouth of thi seed, seith the Lord, fro hennus forth and til into with outen ende.

¹ For Sion Y schal not be stille, and for Jerusalem Y schal not reste, til the iust man therof go out as schynyng, and the sauyour therof be teendid as a laumpe. ² And hethene men schulen se thi iust man, and alle kyngis schulen se thi noble man; and a newe name, which the mouth of the Lord nemyde, schal be clepid to thee. ³ And thou schalt be a coroun of glorie in the hond of the Lord, and a diademe of the rewme in the hond of thi God.

¹⁸ my child, whom Y haue chosun, my derling, in whom it hath wel plesid to my soule; Y shal put my spirit on him, and he shal telle dom to hethen men.

¹⁸ The Spirit of the Lord on me, for which thing he anoyntide me; he sente me to preche to pore men, to hele contrite men in herte,

¹⁶ and of the plente of hym we alle han takun, and grace for grace.

¹⁷ For God sente not his sone in to the world, that he iuge the world, but that the world be saued bi him.

²⁶ For as the fadir hath lijf in hym silf, so he yaf to the sone, to haue lijf in him silf;

¹⁶ Jhesus answerde to hem, and seide, My doctryne is not myn, but his that sente me.

³⁷ But in the laste dai of the greet feeste, Jhesus stood, and criede, and seide, If ony man thirstith, come he to me, and drynke. ³⁸ He that bileueth in me, as the scripture seith, Floodis of quyk watir schulen flowe fro his wombe. ³⁹ But he seide this thing of the Spirit, whom men that bileueden in hym schulden take; for the Spirit was not yit youun, for Jhesus was not yit glorified.

²⁶ Y haue many thingis to speke, and deme of you, but he that sente me is sothefast; and Y speke in the world these thingis, that Y herde of hym. ²⁷ And thei knewen not, that he clepide his fadir God. ²⁸ Therfor Jhesus seith to hem, Whanne ye han areisid mannus sone, thanne ye schulen knowe, that Y am, and of my silf Y do no thing; but as my fadir tauyte me, Y speke these thingis.

⁴⁰ But now ye seken to sle `me, a man that haue spoken to you treuthe, that Y herde of God; Abraham dide not this thing.

⁴⁷ He that is of God, herith the wordis of God; therfor ye heren not, for ye ben not of God.

²⁶ But whanne the coumfortour schal come, which Y schal sende to you fro the fadir, a spirit of treuthe, which cometh of the fadir, he schal bere witnessyng of me; and ye schulen bere witnessyng, for ye ben with me fro the bigynnyng.

⁷ But Y seie to you treuthe, it spedith to you, that Y go; for if Y go not forth, the coumfortour schal not come to you; but if Y go forth, Y schal sende hym to you.

³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

² For the lawe of the spirit of lijf in Crist Jhesu hath delyuerid me fro the lawe of synne, and of deth.

⁸ To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men,

⁷ But to ech of vs grace is youun bi the mesure of the yyuyng of Crist; ⁸ for which thing he seith, He stiynge an hiy, ledde caitifte caitif, he yaf yiftis to men. ⁹ But what is it, that he stiede vp, no but that also he cam doun first in to the lowere partis of the erthe? ¹⁰ He it is that cam doun, and that stiede on alle heuenes, that he schulde fille alle thingis. ¹¹ And he yaf summe apostlis, summe prophetis, othere euangelistis, othere scheepherdis and techeris, ¹² to the ful endyng of seyntis, in to the werk of mynystrie, in to edificacioun of Cristis bodi, ¹³ til we rennen alle, in to vnyte of feith and of knowyng of Goddis sone, in to a parfit man, aftir the mesure of age of the plente of Crist;

¹⁹ For in hym it pleside al plente to inhabite,

⁹ For in hym dwellith bodilich al the fulnesse of the Godhed.

⁶ And he seide to me, It is don; I am alpha and oo, the bigynnyng and ende. Y schal yyue freli of the welle of quic watir to hym that thirsteth.

¹ And he schewide to me a flood of quic watir, schinynge as cristal, comynge forth of the seete of God, and of the lomb,

¹⁶ I Jhesus sente myn aungel, to witnesse to you these thingis in chirchis. Y am the roote and kyn of Dauid, and the schynynge morewe sterre. ¹⁷ And the spirit and the spousesse seien, Come thou. And he that herith, seie, Come thou; and he that thirstith, come; and he that wole, take he freli the watir of lijf.