John 21 Cross References - Wycliffe

¹ Afterward Jhesus eftsoone schewide hym to hise disciplis, at the see of Tiberias. ² And he schewide him thus. There weren togidere Symount Petre, and Thomas, that is seid Didimus, and Nathanael, that was of the Cane of Galilee, and the sones of Zebedee, and tweyne othere of hise disciplis. ³ Symount Petre seith to hem, Y go to fische. Thei seyn to hym, And we comen with thee. And `thei wenten out, `and wenten in to a boot. And in that niyt thei token no thing. ⁴ But whanne the morewe was comun, Jhesus stood in the brenke; netheles the disciplis knewen not, that it was Jhesus. ⁵ Therfor Jhesus seith to hem, Children, whethir ye han ony souping thing? Thei answeriden to hym, Nay. He seide to hem, ⁶ Putte ye the nett in to the riyt half of the rowing, and ye schulen fynde. And thei puttiden the nett; and thanne thei miyten not drawe it for multitude of fischis. ⁷ Therfor thilke disciple, whom Jhesus louede, seide to Petre, It is the Lord. Symount Petre, whanne he hadde herd that it is the Lord, girte hym with a coote, for he was nakid, and wente in to the see. ⁸ But the othere disciplis camen bi boot, for thei weren not fer fro the lond, but as a two hundrid cubitis, drawinge the nett of fischis. ⁹ And as thei camen doun in to the lond, thei sayn coolis liynge, and a fisch leid on, and breed. ¹⁰ Jhesus seith to hem, Bringe ye of the fyschis, whiche ye han takun now. ¹¹ Symount Petre wente vp, and drowy the nett in to the lond, ful of grete fischis, an hundrid fifti and thre; and whanne thei weren so manye, the nett was not brokun. ¹² Jhesus seith to hem, Come ye, ete ye. And no man of hem that saten at the mete, durste axe hym, Who art thou, witinge that it is the Lord. ¹³ And Jhesus cam, and took breed, an yaf to hem, and fisch also. ¹⁴ Now this thridde tyme Jhesus was schewid to hise disciplis, whanne he hadde risun ayen fro deth. ¹⁵ And whanne thei hadde etun, Jhesus seith to Simount Petre, Symount of Joon, louest thou me more than these? He seith to him, Yhe, Lord, thou woost that Y loue thee. Jhesus seith to hym, Fede thou my lambren. ¹⁶ Eft he seith to hym, Symount of Joon, louest thou me? He seith to him, Yhe, Lord, thou woost that Y loue thee. He seith to him, Fede thou my lambren. ¹⁷ He seith to him the thridde tyme, Simount of Joon, louest thou me? Petre was heuy, for he seith to hym the thridde tyme, Louest thou me, and he seith to him, Lord, thou knowist alle thingis; thou woost that Y loue thee. Jhesus seith to hym, Fede my scheep. ¹⁸ Treuli, treuli, Y seie to thee, whanne thou were yongere, thou girdidist thee, and wandridist where thou woldist; but whanne thou schalt waxe eldere, thou schalt holde forth thin hondis, and another schal girde thee, and schal lede thee whidur thou wolt not. ¹⁹ He seide this thing, signifynge bi what deth he schulde glorifie God. And whanne he hadde seid these thingis, he seith to hym, Sue thou me. ²⁰ Petre turnede, and say thilke disciple suynge, whom Jhesus louede, which also restid in the soper on his brest, and he seide to hym, Lord, who is it, that schal bitraie thee? ²¹ Therfor whanne Petre hadde seyn this, he seith to Jhesu, Lord, but what this? ²² Jhesus seith to him, So I wole that he dwelle til that Y come, what to thee? sue thou me. ²³ Therfor this word wente out among the britheren, that thilke disciple dieth not. And Jhesus seide not to hym, that he dieth not, but, So Y wole that he dwelle til Y come, what to thee? ²⁴ This is thilke disciple, that berith witnessyng of these thingis, and wroot hem; and we witen, that his witnessyng is trewe. ²⁵ And ther ben also manye othere thingis that Jhesus dide, whiche if thei ben writun bi ech bi hym silf, Y deme that the world hym silf schal not take tho bookis, that ben to be writun.

²⁹ Jacob axide him, Seie thou to me bi what name thou art clepid? He answerde, Whi axist thou my name, whiche is wondirful? And he blesside Jacob in the same place. ³⁰ And Jacob clepide the name of that place Fanuel, and seide, Y siy the Lord face to face, and my lijf is maad saaf.

¹³ And Jacob seide, My lord, thou knowist that Y haue litle children tendre, and scheep, and kien with calue with me, and if Y schal make hem for to trauele more in goynge, alle the flockis schulen die in o dai;

²⁴ Y schal lede my seruaunt Caleph, that was ful of anothir spirit, and suede me, in to this lond, which he cumpasside, and his seed schal welde it.

¹¹ For Og aloone, kyng of Basan, was left of the generacioun of giauntis; and his yrun bed is schewid, which is in Rabath, of the sones of Amon, and hath nyne cubitis of lengthe, and foure cubitis of breede, at the mesure of a cubit of mannus hond.

²⁹ Thingis ben hid of oure Lord God, `that is, in his biforknowing, whiche thingis ben schewid to us, and to oure sones with outen ende, that we do alle the wordis of this lawe.

²⁸ and Acran, and Roob, and Omynon, and Chane, `til to grete Sidon;

²² The strongeste Lord God hym silf of Israel knowith, and Israel schal vndirstonde togidere; if we bildiden this auter for entent of trespassyng, `that is, of ydolatrye, he kepe not vs, but punysche in present time;

²⁰ Forsothe Samuel seide to the puple, `Nyle ye drede; ye han do al this yuel; netheles `nyle ye go awey fro the bak of the Lord, but serue ye the Lord in al youre herte;

²⁰ what therfor may Dauid adde yit, that he speke to thee? For thou, Lord God, knowist thi seruaunt; thou hast do alle these grete thingis,

¹⁸ Therfor sche seide to Elie, What to me and to thee, thou man of God? Entridist thou to me, that my wickidnessis schulden be remembrid, and that thou schuldist sle my sone?

⁵ And he castide forth hym silf, and slepte in the schadewe of the iunypere tree. And lo! the aungel of the Lord touchide hym, and seide to hym, Rise thou, and ete. ⁶ He bihelde, and, lo! at his heed was a loof bakun vndur aischis, and a vessel of watir. Therfor he ete, and drank, and slepte eft.

¹ Forsothe the sones of prophetis seiden to Elisee, Lo! the place in which we dwellen bifor thee, is streiyt to vs; ² go we `til to Jordan, and ech man take of the wode `a mater for hym silf, that we bild to vs here a place to dwelle. ³ Which Elisee seide, Go ye. And oon of hem seide, Therfor `and thou come with thi seruauntis. He answeride, Y schal come. And he yede with hem. <sup>4</sup> And whanne thei `hadden come to Jordan, thei hewiden trees. ⁵ Sotheli it bifelde, that whanne `o man hadde kit doun mater, the yrun of the axe felde in to the watir; and he criede, and seide, Alas! alas! alas! my lord, and Y hadde take this same thing bi borewing. ⁶ Sotheli the man of God seide, Where felde it? And he schewide to hym the place. Therfor he kittide doun a tree, and sente thidur; and the yrun fletide. ⁷ And he seide, Take thou. Which helde forth the hond, and took it.

³ and seide, Y biseche, Lord, haue mynde, hou Y yede bifor thee in treuthe, and in a parfit herte, and Y dide that, that was plesaunt bifor thee. Therfor Ezechie wepte bi greet wepyng.

¹⁷ My God, Y woot, that thou preuest hertis, and louest symplenesse of herte; wherfor and Y, in the symplenesse of myn herte, haue offrid gladli alle these thingis; and Y siy with greet ioye thi puple, which is foundun here, offre yiftis to thee.

¹⁴ Lo! these thingis ben seid in partie of `hise weyes; and whanne we han herd vnnethis a litil drope of his word, who may se the thundur of his greetnesse?

²⁸ And he seide to man, Lo! the drede of the Lord, thilke is wisdom; and to go awei fro yuel, is vndurstondyng.

⁴ Whether he biholdith not my weies, and noumbrith alle my goyngis? ⁵ If Y yede in vanyte, and my foot hastide in gile, ⁶ God weie me in a iust balaunce, and knowe my symplenesse.

¹³ Thou stryuest ayenus God, that not at alle wordis he answeride to thee.

⁸ And, my Lord God, rise thou in the comaundement, which thou `hast comaundid; and the synagoge of puplis schal cumpasse thee. ⁹ And for this go thou ayen an hiy; the Lord demeth puplis. Lord, deme thou me bi my riytfulnesse; and bi myn innocence on me.

⁸ Thou hast maad suget alle thingis vndur hise feet; alle scheep and oxis, ferthermore and the beestis of the feeld;

⁸ and the Lord dwellith with outen ende. He made redi his trone in doom; and he schal deme the world in equite,

⁸ He sittith in aspies with ryche men in priuytees; to sle the innocent man.

³ Mi God is myn helpere; and Y schal hope in to hym. My defendere, and the horn of myn helthe; and myn vptakere.

³ For thin arowis ben fitchid in me; and thou hast confermed thin hond on me.

⁵ I seide, Lord, haue thou mercy on me; heele thou my soule, for Y synnede ayens thee.

¹⁵ And he schal lyue, and me schal yyue to hym of the gold of Arabie; and thei schulen euere worschipe of hym, al dai thei schulen blesse hym.

⁷ Ye cuntrees of hethene men, brynge to the Lord, bringe ye glorye and onour to the Lord;

³ I settide not forth bifore myn iyen an vniust thing; Y hatide hem that maden trespassyngis.

²³ For whi princis saten, and spaken ayens me; but thi seruaunt was exercisid in thi iustifiyngis.

¹² My sone, seke thou no more than these; noon ende is to make many bookis, and ofte thenkyng is turment of fleisch.

⁷ Many watris moun not quenche charite, nether floodis schulen oppresse it. Thouy a man yyue al the catel of his hous for loue, he schal dispise `that catel as nouyt.

¹¹ As a scheepherd he schal fede his flok, he schal gadere lambreen in his arm, and he schal reise in his bosom; he schal bere scheep `with lomb.

¹⁵ and Y schal yyue to you scheepherdis after myn herte, and thei schulen feede you with kunnyng and teching.

¹⁰ Y am the Lord sekynge the herte, and preuynge the reynes, and Y yyue to ech man after his weye, and aftir the fruyt of his fyndyngis.

⁴ And Y schal reise schepherdis on hem, and thei schulen feede hem; thei schulen no more drede, and schulen not be aferd; and noon schal be souyt of the noumbre seith the Lord.

³³ Caph. For he makide not low of his herte; and castide not awei the sones of men. Lameth.

² and he seide, Sone of man, profesie thou of the schepherdis of Israel, profesie thou; and thou schalt seie to the schepherdis, The Lord God seith these thingis, Wo to the schepherdis of Israel, that fedden hym silf; whether flockis ben not fed of schepherdis? ³ Ye eeten mylk, and weren hilid with wollis, and ye killiden that that was fat; but ye fedden not my floc. ⁴ Ye maden not sad that that was vnstidfast, and ye maden not hool that that was sijk; ye bounden not that that was brokun, and ye brouyten not ayen that that was cast awei, and ye souyten not that that perischide; but ye comaundiden to hem with sturnenesse, and with power. ⁵ And my scheep weren scaterid, for no sheepherde was; and thei weren maad in to deuouryng of alle beestis of the feeld, and thei weren scaterid. ⁶ My flockis erriden in alle mounteyns, and in ech hiy hil, and my flockis weren scaterid on al the face of erthe, and noon was that souyte. ⁷ Therfor, scheepherdis, here ye the word of the Lord; ⁸ Y lyue, seith the Lord God, for whi for that that my flockis ben maad in to raueyn, and my scheep in to deuouryng of alle beestis of the feeld, for that that no scheepherde was, for the scheepherdis souyten not my floc, but the scheepherdis fedden hem silf, and fedden not my flockis; therfor, ⁹ scheepherdis, here ye the word of the Lord, ¹⁰ The Lord God seith these thingis, Lo! Y my silf am ouer scheepherdis; Y schal seke my floc of the hond of hem, and Y schal make hem to ceesse, that thei fede no more my flok, and that the scheepherdis feede no more hem silf. And Y schal delyuere my floc fro the mouth of hem, and it schal no more be in to mete to hem.

²³ and Y schal reise on tho o sheepherde, my seruaunt Dauid, that schal fede tho; he schal fede tho, and he schal be `in to a sheepherde to hem.

¹⁰ And Amasie, prest of Bethel, sente to Jeroboam, kyng of Israel, and seide, Amos rebellide ayens thee, in the myddil of the hous of Israel; the lond mai not susteyne alle hise wordis.

⁷ Swerd, be thou reisid on my scheepherde, and on a man cleuynge to me, seith the Lord of oostis; smyte thou the scheepherde, and scheep of the floc schulen be scaterid. And Y schal turne myn hond to the litle.

⁶ And thou, Bethleem, the lond of Juda, art not the leest among the prynces of Juda; for of thee a duyk schal go out, that schal gouerne my puple of Israel.

¹¹ Thanne the feend lafte hym; and lo! aungels camen nyy, and serueden to hym.

¹⁸ And Jhesus walkide bisidis the see of Galilee, and saye twei britheren, Symount, that is clepid Petre, and Andrewe, his brothir, castynge nettis in to the see; for thei weren fischeris. ¹⁹ And he seide to hem, Come ye aftir me, and Y shal make you to be maad fisscheris of men. ²⁰ And anoon thei leften the nettis, and sueden hym. ²¹ And he yede forth fro that place, and saie tweyne othere britheren, James of Zebede, and Joon, his brother, in a schip with Zebede, her fadir, amendynge her nettis, and he clepide hem. ²² And anoon thei leften the nettis and the fadir, and sueden hym.

²⁷ And reyn cam doun, and floodis camen, and wyndis blewen, and thei hurliden ayen that hous; and it felde doun, and the fallyng doun therof was greet.

³⁷ He that loueth fadir or modir more than me, is not worthi to me. And he that loueth sone or douyter ouer me, is not worthi to me. ³⁸ And he that takith not his croos, and sueth me, is not worthi to me.

⁵ Blynde men seen, crokid men goon, meselis ben maad clene, deefe men heren, deed men rysen ayen, pore men ben takun to `prechyng of the gospel.

²⁸ And Petre answeride, and seide, Lord, if thou art, comaunde me to come to thee on the watris. ²⁹ And he seide, Come thou. And Petre yede doun fro the boot, and walkide on the watris to come to Jhesu.

¹⁷ Jhesus answeride, and seide to him, Blessid art thou, Symount Bariona; for fleisch and blood schewide not to thee, but my fadir that is in heuenes.

²¹ Fro that tyme Jhesus bigan to schewe to hise disciplis, that it bihofte hym go to Jerusalem, and suffre many thingis, of the eldere men, and of scribis, and princis of prestis; and be slayn, and the thridde dai to rise ayen. ²² And Petre took hym, and bigan to blame him, and seide, Fer be it fro thee, Lord; this thing schal not be to thee. ²³ And he turnede, and seide to Petre, Sathanas, go after me; thou art a sclaundre to me; for thou sauerist not tho thingis that ben of God, but tho thingis that ben of men. ²⁴ Thanne Jhesus seide to his disciplis, If ony man wole come after me, denye he hym silf, and take his cros, and sue me; for he that wole make his lijf saaf, ²⁵ shal leese it; and he that schal leese his lijf for me, schal fynde it.

²⁷ For mannes sone schal come in glorie of his fader, with his aungels, and thanne he schal yelde to ech man after his werkis. ²⁸ Treuli Y seie to you, `ther ben summe of hem that stonden here, whiche schulen not taste deth, til thei seen mannus sone comynge in his kyngdom.

¹⁰ Se ye, that ye dispise not oon of these litle. For Y seie to you, that the aungels of hem in heuenes seen euermore the face of my fadir that is in heuenes.

²⁴ And eftsoone Y seie to you, it is liyter a camel to passe thorou a needlis iye, thanne a riche man to entre in to the kyngdom of heuens.

²⁸ Jhesus seide to hem, Truli I seie to you, that ye that han forsake alle thingis, and han sued me, in the regeneracioun whanne mannus sone schal sitte in the sete of his maieste, ye schulen sitte on twelue setis, demynge the twelue kynredis of Israel.

³ And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world.

³ And whanne he satte on the hille of Olyuete, hise disciplis camen to hym priueli, and seiden, Seie vs, whanne these thingis schulen be, and what token of thi comyng, and of the ending of the world. ⁴ And Jhesus answeride, and seide to hem, Loke ye, that no man disseyue you.

²⁷ For as leit goith out fro the eest, and apperith in to the weste, so schal be also the coming of mannus sone.

⁴⁴ And therfor be ye redi, for in what our ye gessen not, mannus sone schal come.

³¹ Whanne mannus sone schal come in his maieste, and alle hise aungels with hym, thanne he schal sitte on the sege of his maieste; ³² and alle folkis schulen be gaderid bifor hym,

³⁴ Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world. ³⁵ For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me; ³⁶ nakid, and ye hiliden me; sijk, and ye visitiden me; Y was in prisoun, and ye camen to me. ³⁷ Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk? ³⁸ and whanne sayn we thee herborles, and we herboreden thee; or nakid, and we hiliden thee? ³⁹ or whanne sayn we thee sijk, or in prisoun, and we camen to thee? ⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me. ⁴¹ Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels. ⁴² For Y hungride, and ye yauen not me to ete; Y thristide, and ye yauen not me to drynke; ⁴³ Y was herborles, and ye herberden not me; nakid, and ye keuerden not me; sijk, and in prisoun, and ye visitiden not me. ⁴⁴ Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee? ⁴⁵ Thanne he schal answere to hem, and seie, Treuli Y seie to you, `hou longe ye diden not to oon of these leeste, nether ye diden to me.

³² But aftir that Y schal rise ayen, Y schal go bifore you in to Galilee. ³³ Petre answeride, and seide to hym, Thouy alle schulen be sclaundrid in thee, Y schal neuer be sclaundrid.

³⁵ Peter seide to him, Yhe, thouy it bihoue that Y die with thee, Y schal not denye thee. Also alle the disciplis seiden.

⁷² And eftsoone he denyede with an ooth, For I knewe not the man. ⁷³ And a litil aftir, thei that stooden camen, and seiden to Petir, Treuli thou art of hem; for thi speche makith thee knowun. ⁷⁴ Thanne he bigan to warie and to swere, that he knewe not the man. And anoon the cok crewe. ⁷⁵ And Petir bithouyte on the word of Jhesu, that he hadde seid, Bifore the cok crowe, thries thou schalt denye me. And he yede out, and wepte bitterli.

⁷ And go ye soone, and seie ye to his disciplis, that he is risun. And lo! he schal go bifore you in to Galilee; there ye schulen se hym.

¹⁶ And the enleuen disciplis wenten in to Galilee, in to an hille, where Jhesus hadde ordeyned to hem.

³ and if Y leeue hem fastynge in to her hous, thei schulen faile in the weie; for summe of hem camen fro fer.

³³ And he turnede, and saiy hise disciplis, and manasside Petir, and seide, Go after me, Satanas; for thou sauerist not tho thingis that ben of God, but tho thingis that ben of men. ³⁴ And whanne the puple was clepid togidere, with hise disciplis, he seide to hem, If ony man wole come after me, denye he hym silf, and take his cros, and sue he me. ³⁵ For he that wole make saaf his lijf, schal leese it; and he that leesith his lijf for me, and for the gospel, schal make it saaf. ³⁶ For what profitith it to a man, if he wynne al the world, and do peiryng to his soule? ³⁷ or what chaunging schal a man yyue for his soule? ³⁸ But who that knoulechith me and my wordis in this generacioun avowtresse and synful, also mannus sone schal knouleche him, whanne he schal come in the glorie of his fadir, with his aungels.

¹ And aftir sixe daies Jhesus took Petre, and James, and Joon, and ledde hem bi hem silf aloone in to an hiy hille; and he was transfigurid bifor hem.

³² And thei camen to Cafarnaum. And whanne thei weren in the hous, he axide hem, What tretiden ye in the weie?

³ And if ony man seye ony thing to you, What doen ye? seie ye, that he is nedeful to the Lord, and anoon he schal leeue hym hidir.

²⁹ And Petir seide to hym, Thouy alle schulen be sclaundrid, but not Y.

⁷² And anoon eftsoones the cok crew. And Petir bithouyte on the word that Jhesus hadde seide to hym, Bifor the cok crowe twies, thries thou schalt denye me. And he bigan to wepe.

⁷ But go ye, and seie ye to hise disciplis, and to Petir, that he schal go bifor you in to Galilee; there ye schulen se hym, as he seide to you.

¹² But after these thingis whanne tweyne of hem wandriden, he was schewid in anothir liknesse to hem goynge in to a toun.

¹¹ For a sauyoure is borun to dai to you, that is Crist the Lord, in the citee of Dauid.

⁴ And as he ceesside to speke, he seide to Symount, Lede thou in to the depthe, and slake youre nettis to take fisch. ⁵ And Symount answeride, and seide to hym, Comaundoure, we traueliden al the nyyt, and token no thing, but in thi word Y schal leye out the net.

⁵ And Symount answeride, and seide to hym, Comaundoure, we traueliden al the nyyt, and token no thing, but in thi word Y schal leye out the net. ⁶ And whanne thei hadden do this thing, thei closiden togidir a greet multitude of fischis; and her net was brokun.

⁶ And whanne thei hadden do this thing, thei closiden togidir a greet multitude of fischis; and her net was brokun. ⁷ And thei bikenyden to felawis, that weren in anothir boot, that thei schulden come, and helpe hem. And thei camen, and filliden bothe the bootis, so that thei weren almost drenchid.

⁷ And thei bikenyden to felawis, that weren in anothir boot, that thei schulden come, and helpe hem. And thei camen, and filliden bothe the bootis, so that thei weren almost drenchid. ⁸ And whanne Symount Petir saiy this thing, he felde doun to the knees of Jhesu, and seide, Lord, go fro me, for Y am a synful man.

¹⁰ Sotheli in lijk maner James and Joon, the sones of Zebedee, that weren felowis of Symount Petre. And Jhesus seide to Symount, Nyle thou drede; now fro this tyme thou schalt take men.

¹⁰ Sotheli in lijk maner James and Joon, the sones of Zebedee, that weren felowis of Symount Petre. And Jhesus seide to Symount, Nyle thou drede; now fro this tyme thou schalt take men. ¹¹ And whanne the bootis weren led vp to the loond, thei leften alle thingis, and thei sueden hym.

⁴⁷ For the which thing Y seie to thee, many synnes ben foryouun to hir, for sche hath loued myche; and to whom is lesse foryouun, he loueth lesse.

²² and seide these thingis, For it bihoueth mannus sone to suffre many thingis, and to be repreued of the elder men, and of the princis of prestis, and of scribis, and to be slayn, and the thridde dai to rise ayen. ²³ And he seide to alle, If ony wole come aftir me, denye he hym silf, and take he his cross euery dai, and sue he me. ²⁴ For he that wole make his lijf saaf schal leese it; and he that leesith his lijf for me, schal make it saaf. ²⁵ And what profitith it to a man, if he wynne al the world, and leese hymsilf, and do peiryng of him silf. ²⁶ For who so schameth me and my wordis, mannus sone schal schame hym, whanne he cometh in his maieste, and of the fadris, and of the hooli aungels.

⁴⁵ And thei knewen not this word, and it was hid bifor hem, that thei feeliden it not; and thei dredden to axe hym of this word.

²⁹ And nyle ye seke, what ye schulen ete, or what ye schulen drynke; and nyle ye be reisid an hiy. ³⁰ For folkis of the world seken alle these thingis; `and your fadir woot, that ye neden alle these thingis. ³¹ Netheles seke ye first the kyngdom of God, and alle these thingis schulen be caste to you. ³² Nile ye, litil flok, drede, for it pleside to youre fadir to yyue you a kyngdom.

²³ And a man seide to hym, Lord, if there ben fewe, that ben saued? And he seide to hem, ²⁴ Stryue ye to entre bi the streite yate; for Y seie to you, many seken to entre, and thei schulen not mowe.

³ And he spak to hem this parable, ⁴ and seide, What man of you that hath an hundrith scheep, and if he hath lost oon of hem, whethir he leeueth not nynti and nyne in desert, and goith to it that perischide, til he fynde it? ⁵ And whanne he hath foundun it, he ioieth, and leyith it on hise schuldris; and he cometh hoom, ⁶ and clepith togidir hise freendis and neiyboris, and seith to hem, Be ye glad with me, for Y haue founde my scheep, that hadde perischid. ⁷ And Y seie to you, so ioye schal be in heuene on o synful man doynge penaunce, more than on nynti and nyne iuste, that han no nede to penaunce.

¹⁰ for mannus sone cam to seke, and make saaf that thing that perischide.

³² that thi feith faile not; and thou sum tyme conuertid, conferme thi britheren.

⁶¹ And the Lord turnede ayen, and bihelde Petre; and Petre hadde mynde on the word of Jhesu, as he hadde seid, For bifor that the cok crowe, thries thou schalt denye me. ⁶² And Petre yede out, and wepte bittirli.

¹⁵ And it was don, the while thei talkiden, and souyten bi hem silf, Jhesus hym silf neiyede, and wente with hem. ¹⁶ But her iyen weren holdun, that thei knewen him not.

³¹ And the iyen of hem weren openyd, and thei knewen hym; and he vanyschide fro her iyen.

⁴¹ And yit while thei bileueden not, and wondriden for ioye, he seide, Han ye here ony thing that schal be etun? ⁴² And thei proferden hym a part of a fisch rostid, and an hony combe. ⁴³ And whanne he hadde etun bifore hem, he took that that lefte, and yaf to hem;

⁴² And Jhesus bihelde hym, and seide, Thou art Symount, the sone of Johanna; thou schalt be clepid Cefas, that is to seie, Petre.

⁴⁵ Filip foond Nathanael, and seide to hym, We han foundun Jhesu, the sone of Joseph, of Nazareth, whom Moyses wroot in the lawe and profetis.

⁵ His modir seith to the mynystris, What euere thing he seie to you, do ye.

¹¹ Jhesus dide this the bigynnyng of signes in the Cane of Galilee, and schewide his glorie; and hise disciplis bileueden in hym.

²⁴ But Jhesus trowide not hym silf to hem, for he knewe alle men; ²⁵ and for it was not nede to hym, that ony man schulde bere witnessyng, for he wiste, what was in man.

²⁷ And anoon hise disciplis camen, and wondriden, that he spak with the womman; netheles no man seide to hym, What sekist thou, or, What spekist thou with hir?

⁴⁶ Therfor he cam eftsoone in to the Cane of Galile, where he made the watir wiyn. And `a litil kyng was, whos sone was sijk at Cafarnaum.

¹ Aftir these thingis Jhesus wente ouere the see of Galilee, that is Tiberias.

²³ But othere bootis camen fro Tiberias bisidis the place, where thei hadden eetun breed, and diden thankyngis to God.

⁴² But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.

¹¹ I am a good scheepherde; a good scheepherde yyueth his lijf for hise scheep. ¹² But an hirid hyne, and that is not the scheepherde, whos ben not the scheep his owne, seeth a wolf comynge, and he leeueth the scheep, and fleeth; and the wolf rauyschith, and disparplith the scheep. ¹³ And the hirid hyne fleeth, for he is an hirid hyne, and it parteyneth not to hym of the scheep. ¹⁴ Y am a good scheepherde, and Y knowe my scheep, and my scheep knowen me. ¹⁵ As the fadir hath knowun me, Y knowe the fadir; and Y putte my lijf for my scheep. ¹⁶ Y haue othere scheep, that ben not of this foolde, and it bihoueth me to brynge hem togidir, and thei schulen here my vois; and it schal be maad o foolde and o scheepherde.

²⁶ But ye bileuen not, for ye ben not of my scheep. ²⁷ My scheep heren my vois, and Y knowe hem, and thei suen me.

¹⁶ Therfor Thomas, that is seid Didymus, seide to euen disciplis, Go we also, that we dien with hym.

⁸ for ye schulen euermore haue pore men with you, but ye schulen not euermore haue me.

²⁶ If ony man serue me, sue he me; and where Y am, there my mynystre schal be. If ony man serue me, my fadir schal worschipe hym. ²⁷ Now my soule is troublid, and what schal Y seie? Fadir, saue me fro this our; but therfor Y cam in to this our; ²⁸ fadir, clarifie thi name. And a vois cam fro heuene, and seide, And Y haue clarified, and eft Y schal clarifie.

³³ And he seide this thing, signifiynge bi what deth he `was to die.

²³ And so oon of hise disciplis was restynge in the bosum of Jhesu, whom Jhesu louede.

²³ And so oon of hise disciplis was restynge in the bosum of Jhesu, whom Jhesu louede. ²⁴ Therfor Symount Petre bikeneth to hym, `and seith to hym, Who is it, of whom he seith? ²⁵ And so whanne he hadde restid ayen on the brest of Jhesu, he seith to hym, Lord, who is it? ²⁶ Jhesus answerde, He it is, to whom Y schal areche a sop of breed. And whanne he hadde wet breed, he yaf to Judas of Symount Scarioth.

³⁶ Symount Petre seith to hym, Lord, whidur goist thou? Jhesus answeride, Whidur Y go, thou mayst not sue me now, but thou schalt sue afterward.

³⁶ Symount Petre seith to hym, Lord, whidur goist thou? Jhesus answeride, Whidur Y go, thou mayst not sue me now, but thou schalt sue afterward. ³⁷ Petre seith to hym, Whi may Y not sue thee now? Y schal putte my lijf for thee.

³⁷ Petre seith to hym, Whi may Y not sue thee now? Y schal putte my lijf for thee. ³⁸ Jhesus answeride, Thou schalt putte thi lijf for me? Treuli, treuli, Y seie to thee, the cok schal not crowe, til thou schalt denye me thries. And he seith to hise disciplis.

¹⁵ If ye louen me, kepe ye my comaundementis.

¹⁵ If ye louen me, kepe ye my comaundementis. ¹⁶ And Y schal preye the fadir, and he schal yyue to you another coumfortour, ¹⁷ the spirit of treuthe, to dwelle with you with outen ende; which spirit the world may not take, for it seeth hym not, nether knowith hym. But ye schulen knowe hym, for he schal dwelle with you, and he schal be in you. ¹⁸ Y schal not leeue you fadirles, Y schal come to you. ¹⁹ Yit a litil, and the world seeth not now me; but ye schulen se me, for Y lyue, and ye schulen lyue. ²⁰ In that dai ye schulen knowe, that Y am in my fadir, and ye in me, and Y in you. ²¹ He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf. ²² Judas seith to hym, not he of Scarioth, Lord, what is don, that thou schalt schewe thi silf to vs, and not to the world? ²³ Jhesus answerde, and seide `to hym, If ony man loueth me, he schal kepe my word; and my fadir schal loue hym, and we schulen come to hym, and we schulen dwelle with hym. ²⁴ He that loueth me not, kepith not my wordis; and the word which ye han herd, is not myn, but the fadris, that sente me.

¹⁰ If ye kepen my comaundementis, ye schulen dwelle in my loue; as Y haue kept the comaundementis of my fadir, and Y dwelle in his loue.

¹⁹ And Jhesus knew, that thei wolden axe hym, and he seide to hem, Of this thing ye seken among you, for Y seide, A litil, and ye schulen not se me; and eftsoone a litil, and ye schulen se me.

²⁷ for the fadir hym silf loueth you, for ye han loued me, and han bileued, that Y wente out fro God.

³⁰ Now we witen, that thou wost alle thingis; and it is not nede to thee, that ony man axe thee. In this thing we bileuen, that thou wentist out fro God.

⁴ And so Jhesus witynge alle thingis that weren to come on hym, wente forth, and seide to hem, Whom seken ye?

¹⁷ And the damysel, kepere of the dore, seide to Petre, Whether thou art also of this mannys disciplis? He seide, Y am not. ¹⁸ And the seruantis and mynystris stooden at the coolis, for it was coold, and thei warmyden hem; and Petre was with hem, stondynge and warmynge hym.

²⁵ And Symount Petre stood, and warmyde him; and thei seiden to hym, Whether also thou art his disciple? He denyede, and seide, Y am not.

²⁷ And Petre eftsoone denyede, and anoon the cok crew.

³² that the word of Jhesu schulde be fulfillid, whiche he seide, signifiynge bi what deth he schulde die.

²⁶ Therfor whanne Jhesu hadde seyn his modir, and the disciple stondynge, whom he louyde, he seith to hise modir, Womman, lo thi sone.

³⁵ And he that saiy, bare witnessyng, and his witnessing is trewe; and he woot that he seith trewe thingis, that ye bileue.

² Therfor sche ran, and cam to Symount Petre, and to another disciple, whom Jhesus louede, and seith to hem, Thei han takun the Lord fro the graue, and we witen not, where thei han leid hym.

¹⁴ Whanne sche hadde seid these thingis, sche turnede bacward, and sai Jhesu stondinge, and wiste not that it was Jhesu.

¹⁹ Therfor whanne it was eue in that dai, oon of the sabatis, and the yatis weren schit, where the disciplis weren gaderid, for drede of the Jewis, Jhesus cam, and stood in the myddil of the disciplis, and he seith to hem, Pees to you.

¹⁹ Therfor whanne it was eue in that dai, oon of the sabatis, and the yatis weren schit, where the disciplis weren gaderid, for drede of the Jewis, Jhesus cam, and stood in the myddil of the disciplis, and he seith to hem, Pees to you. ²⁰ And whanne he hadde seid this, he schewide to hem hondis and side; therfor the disciplis ioieden, for the Lord was seyn.

²⁰ And whanne he hadde seid this, he schewide to hem hondis and side; therfor the disciplis ioieden, for the Lord was seyn. ²¹ And he seith to hem eft, Pees to you; as the fadir sente me, Y sende you. ²² Whanne he had seid this, he blewe on hem, and seide, Take ye the Hooli Goost; ²³ whos synnes ye foryyuen, tho ben foryouun to hem; and whos ye withholden, tho ben withholdun. ²⁴ But Thomas, oon of the twelue, that is seid Didimus, was not with hem, whanne Jhesus cam. ²⁵ Therfor the othere disciplis seiden, We han seyn the Lord. And he seide to hem, But Y se in hise hondis the fitchinge of the nailis, and putte my fyngur in to the places of the nailis, and putte myn hond in to his side, Y schal not bileue. ²⁶ And after eiyte daies eftsoone hise disciplis weren with ynne, and Thomas with hem. Jhesus cam, while the yatis weren schit, and stood in the myddil, and seide, Pees to you.

²⁶ And after eiyte daies eftsoone hise disciplis weren with ynne, and Thomas with hem. Jhesus cam, while the yatis weren schit, and stood in the myddil, and seide, Pees to you. ²⁷ Afterward he seith to Thomas, Putte in here thi fyngur, and se myn hondis, and putte hidur thin hond, and putte in to my side, and nyle thou be vnbileueful, but feithful. ²⁸ Thomas answeride, and seide to him, My Lord and my God.

²⁸ Thomas answeride, and seide to him, My Lord and my God. ²⁹ Jhesus seith to him, Thomas, for thou hast seyn me, thou bileuedist; blessid ben thei, that seyn not, and han bileued. ³⁰ And Jhesus dide many othere signes in the siyt of hise disciplis, whiche ben not writun in this book. ³¹ But these ben writun, that ye bileue, that Jhesus `is Crist, the sone of God, and that ye bileuynge haue lijf in his name.

⁷ Therfor thilke disciple, whom Jhesus louede, seide to Petre, It is the Lord. Symount Petre, whanne he hadde herd that it is the Lord, girte hym with a coote, for he was nakid, and wente in to the see.

⁹ And as thei camen doun in to the lond, thei sayn coolis liynge, and a fisch leid on, and breed. ¹⁰ Jhesus seith to hem, Bringe ye of the fyschis, whiche ye han takun now.

¹² Jhesus seith to hem, Come ye, ete ye. And no man of hem that saten at the mete, durste axe hym, Who art thou, witinge that it is the Lord. ¹³ And Jhesus cam, and took breed, an yaf to hem, and fisch also. ¹⁴ Now this thridde tyme Jhesus was schewid to hise disciplis, whanne he hadde risun ayen fro deth. ¹⁵ And whanne thei hadde etun, Jhesus seith to Simount Petre, Symount of Joon, louest thou me more than these? He seith to him, Yhe, Lord, thou woost that Y loue thee. Jhesus seith to hym, Fede thou my lambren.

¹⁵ And whanne thei hadde etun, Jhesus seith to Simount Petre, Symount of Joon, louest thou me more than these? He seith to him, Yhe, Lord, thou woost that Y loue thee. Jhesus seith to hym, Fede thou my lambren. ¹⁶ Eft he seith to hym, Symount of Joon, louest thou me? He seith to him, Yhe, Lord, thou woost that Y loue thee. He seith to him, Fede thou my lambren.

¹⁶ Eft he seith to hym, Symount of Joon, louest thou me? He seith to him, Yhe, Lord, thou woost that Y loue thee. He seith to him, Fede thou my lambren. ¹⁷ He seith to him the thridde tyme, Simount of Joon, louest thou me? Petre was heuy, for he seith to hym the thridde tyme, Louest thou me, and he seith to him, Lord, thou knowist alle thingis; thou woost that Y loue thee. Jhesus seith to hym, Fede my scheep.

¹⁹ He seide this thing, signifynge bi what deth he schulde glorifie God. And whanne he hadde seid these thingis, he seith to hym, Sue thou me. ²⁰ Petre turnede, and say thilke disciple suynge, whom Jhesus louede, which also restid in the soper on his brest, and he seide to hym, Lord, who is it, that schal bitraie thee?

²² Jhesus seith to him, So I wole that he dwelle til that Y come, what to thee? sue thou me.

²⁴ This is thilke disciple, that berith witnessyng of these thingis, and wroot hem; and we witen, that his witnessyng is trewe.

⁶ Therfor thei that weren come to gidere, axiden hym, and seiden, Lord, whether in this time thou schalt restore the kingdom of Israel? ⁷ And he seide to hem, It is not youre to knowe the tymes ether momentis, whiche the fadir hath put in his power;

¹⁵ In tho daies Petre roos vp in the myddil of the britheren, and seide; and ther was a company of men togidere, almest an hundrid and twenti;

²⁴ And thei preieden, and seiden, Thou, Lord, that knowist the hertis of alle men, schewe whom thou hast chosun of these tweyne,

³⁶ Therfor moost certeynli wite al the hous of Israel, that God made hym bothe Lord and Crist, this Jhesu, whom ye crucefieden.

⁴¹ Thanne thei that resseyueden his word weren baptisid, and in that dai soulis weren encreesid, aboute thre thousinde;

⁴ But manye of hem that hadden herd the word, bileueden; and the noumbre of men was maad fyue thousyndis.

³⁶ God sente a word to the children of Israel, schewinge pees bi Jhesu Crist; this is Lord of alle thingis.

³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

⁴¹ not to al puple, but to witnessis bifor ordeyned of God; to vs that eeten and drunken with hym, after that he roos ayen fro deth.

³ And he siy that it pleside to Jewis, and keste to take also Petre; and the daies of therf looues weren. ⁴ And whanne he hadde cauyte Petre, he sente hym in to prisoun; and bitook to foure quaternyouns of knyytis, to kepe hym, and wolde aftir pask bringe hym forth to the puple.

⁸ and God, that knewe hertis, bar witnessing, and yaf to hem the Hooli Goost, as also to vs;

³ And for he was of the same craft, he dwellide with hem, and wrouyte; and thei weren of roopmakeris craft.

²⁸ Take ye tente to you, and to al the flocke, in which the Hooli Goost hath set you bischops, to reule the chirche of God, which he purchaside with his blood.

³⁴ for to tho thingis that weren nedeful to me, and to these that ben with me, these hoondis mynystriden. ³⁵ Alle these thingis Y schewide to you, for so it bihoueth men trauelinge to resseyue sike men, and to haue mynde of the `word of the Lord Jhesu; for he seide, It is more blesful to yyue, than to resseyue.

¹¹ This whanne he cam to vs, took the girdil of Poul, and boond togidere hise feet and hoondis, and seide, The Hooli Goost seith these thingis, Thus Jewis schulen bynde in Jerusalem the man, whos is this girdil; and thei schulen bytake into hethene mennys hoondis.

¹ But take ye a sijk man in bileue, not in demyngis of thouytis.

¹ But we saddere men owen to susteyne the feblenesses of sijke men, and not plese to vs silf.

¹ And Y, britheren, myyte not speke to you as to spiritual men, but as to fleischli men; ² as to litle children in Crist, Y yaf to you mylk drynke, not mete; for ye myyten not yit, nether ye moun now, for yit ye ben fleischli. ³ For while strijf is among you, whether ye ben not fleischli, and ye gon aftir man?

⁷ Therfor nether he that plauntith is ony thing, nethir he that moistith, but God that yiueth encreessyng.

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

¹¹ And the sijk brothir, for whom Crist diede, schal perische in thi kunnyng.

⁶ Or Y aloone and Barnabas han not power to worche these thingis?

²⁶ For as ofte as ye schulen ete this breed, and schulen drynke the cuppe, ye schulen telle the deth of the Lord, til that he come.

⁴⁷ The firste man of erthe is ertheli; the secounde man of heuene is heuenelich.

²¹ My gretyng bi Poulis hoond. ²² If ony man loueth not oure Lord Jhesu Crist, be he cursid, Maranatha.

¹² For oure glorie is this, the witnessyng of oure conscience, that in symplenesse and clennesse of God, and not in fleischli wisdom, but in the grace of God, we lyueden in this world, but more plenteuousli to you.

⁴ For of myche tribulacioun and angwisch of herte Y wroot to you by many teeris, not that ye be sori, but that ye wite what charite Y haue more plenteuously in you. ⁵ For if ony man hath maad me soreuful, he hath not maad me sorewful but a parti, that Y charge not you alle. ⁶ This blamyng that ys maad of manye, suffisith to hym, that is sich oon; ⁷ so that ayenward ye rathir foryyuen and coumfort, lest perauenture he that is suche a maner man, be sopun vp bi more grete heuynesse.

⁴ For whi and we that ben in this tabernacle, sorewen with ynne, and ben heuyed, for that we wolen not be spuylid, but be clothid aboue; that the ilke thing that is deedli, be sopun vp of lijf.

¹⁴ For the charite of Crist dryueth vs; gessynge this thing, that if oon died for alle, thanne alle weren deed.

¹⁴ For the charite of Crist dryueth vs; gessynge this thing, that if oon died for alle, thanne alle weren deed. ¹⁵ And Crist diede for alle, that thei that lyuen, lyue not now to hem silf, but to hym that diede for hem, and roos ayen.

⁸ For thouy Y made you sorie in a pistle, it rewith me not; thouy it rewide, seynge that thouy thilke pistle made you sori at an our, now Y haue ioie; ⁹ not for ye weren maad soreuful, but for ye weren maad soreuful to penaunce. For whi ye ben maad sori aftir God, that in no thing ye suffre peirement of vs. ¹⁰ For the sorewe that is aftir God, worchith penaunce in to stidfast heelthe; but sorewe of the world worchith deth. ¹¹ For lo! this same thing, that ye ben soreuful aftir God, hou myche bisynesse it worchith in you; but defendyng, but indignacioun, but drede, but desire, but loue, but veniaunce. In alle thingis ye han youun you silf to be vndefoulid in the cause.

⁸ Y seie not as comaundinge, but bi the bisynesse of othere men appreuynge also the good wit of youre charite. ⁹ And ye witen the grace of oure Lord Jhesu Crist, for he was maad nedi for you, whanne he was riche, that ye schulden be maad riche bi his nedynesse.

⁶ For in Jhesu Crist nether circumcisioun is ony thing worth, nether prepucie, but the bileue that worchith bi charite.

¹⁴ that we be not now litle children, mouynge as wawis, and be not borun aboute with ech wynd of teching, in the weiwardnesse of men, in sutil wit, to the disseyuyng of errour.

³⁰ And nyle ye make the Hooli Goost of God sori, in which ye ben markid in the dai of redempcioun.

²⁴ Grace with alle men that louen oure Lord Jhesu Crist in vncorrupcioun. Amen, `that is, So be it.

²⁰ For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth.

¹¹ for Y haue lerud to be sufficient in whiche thingis Y am. ¹² And Y can also be lowid, Y can also haue plentee. Euery where and in alle thingis Y am tauyt to be fillid, and to hungur, and to abounde, and to suffre myseiste. ¹³ Y may alle thingis in hym that coumfortith me.

¹⁹ And my God fil alle youre desire, by hise richessis in glorie in Crist Jhesu.

⁹ For, britheren, ye ben myndeful of oure trauel and werynesse; we worchiden nyyt and day, that we schulden not greue ony of you, and prechiden to you the euangelie of God.

⁷ For `ye silf witen, hou it bihoueth to sue vs. For we weren not vnpesible among you, ⁸ nethir with outen oure owne trauel we eeten breed of ony man, but in trauel and werynesse worchiden niyt and dai, that we greuyden noon of you. ⁹ Not as we hadden not power, but that we schulden yyue vs silf ensaumple to you to sue vs.

¹⁵ Thenke thou these thingis, in these be thou, that thi profiting be schewid to alle men. ¹⁶ Take tent to thi silf and to doctryn; be bisi in hem. For thou doynge these thingis, schalt `make bothe thi silf saaf, and hem that heren thee.

⁶ But sum man witnesside in a place, and seide, What thing is man, that thou art myndeful of hym, or mannus sone, for thou visitist hym? ⁷ Thou hast maad hym a litil lesse than aungels; thou hast corowned hym with glorie and onour; and thou hast ordeyned him on the werkis of thin hondis. ⁸ Thou hast maad alle thingis suget vndur hise feet. And in that that he sugetide alle thingis to hym, he lefte no thing vnsuget to him. But now we seen not yit alle thingis suget to hym; ⁹ but we seen hym that was maad a litil lesse than aungels, Jhesu, for the passioun of deth crowned with glorie and onour, that he thorouy grace of God schulde taste deth for alle men.

¹³ And no creature is vnuisible in the siyt of God. For alle thingis ben nakid and opyn to hise iyen, to whom a word to vs.

³² And what yit schal Y seie? For tyme schal faile to me tellynge of Gedeon, Barak, Sampson, Jepte, Dauid, and Samuel, and of othere prophetis;

¹² For whiche thing reise ye slowe hondis, ¹³ and knees vnboundun, and make ye riytful steppis to youre feet; that no man haltinge erre, but more be heelid.

⁵ Be youre maneres withoute coueitise, apaied with present thingis; for he seide, Y schal not leeue thee,

²⁰ And God of pees, that ladde out fro deth the greet scheepherd of scheep, in the blood of euerlastinge testament, oure Lord Jhesu Crist,

¹ Mi britheren, nyle ye haue the feith of oure Lord Jhesu Crist of glorie, in accepcioun of persoones.

⁷ Therfor, britheren, be ye pacient, til to the comyng of the Lord. Lo! an erthetilier abidith preciouse fruyt of the erthe, paciently suffrynge, til he resseyue `tymeful and lateful fruyt.

⁶ In which ye schulen make ioye, thouy it bihoueth now a litil to be sori in dyuerse temptaciouns;

⁸ Whom whanne ye han not seyn, ye louen; in to whom also now ye not seynge, bileuen; but ye that bileuen schulen haue ioye, and gladnesse that may not be teld out,

² as now borun yonge children, resonable, with out gile, coueite ye mylk, that in it ye wexe in to helthe; if netheles ye han tastid,

²⁵ For ye weren as scheep errynge, but ye ben now turned to the schipherde, and bischop of youre soulis.

¹¹ If ony man spekith, speke he as the wordis of God; if ony man mynystrith, as of the vertu which God mynystrith; that God be onourid in alle thingis bi Jhesu Crist oure Lord, to whom is glorie and lordschip in to worldis `of worldis. ¹² Amen. Moost dere brytheren, nyle ye go in pilgrymage in feruour, that is maad to you to temptacioun, as if ony newe thing bifalle to you; ¹³ but comyne ye with the passiouns of Crist, and haue ye ioye, that also ye be glad, and haue ioye in the reuelacioun of his glorie. ¹⁴ If ye ben dispisid for the name of Crist, ye schulen be blessid; for that that is of the onour, and of the glorie, and of the vertu of God, and the spirit that is his, schal reste on you.

¹ Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men, ² that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng,

² that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng, ³ but wilfulli, nether as hauynge lordschip in the clergie, but that ye ben maad ensaumple of the floc, of wille. ⁴ And whanne the prince of scheepherdis schal appere, ye schulen resseyue the coroun of glorie, that may neuere fade.

¹² For which thing Y schal bigynne to moneste you euere more of these thingis; and Y wole that ye be kunnynge, and confermyd in this present treuthe. ¹³ Forsothe Y deme iustli, as long as Y am in this tabernacle, to reise you in monesting; and Y am certeyn, ¹⁴ that the putting awei of my tabernacle is swift, bi this that oure Lord Jhesu Crist hath schewid to me.

¹⁴ that the putting awei of my tabernacle is swift, bi this that oure Lord Jhesu Crist hath schewid to me. ¹⁵ But Y schal yyue bisynesse, and ofte after my deth ye haue mynde of these thingis.

¹ Lo! ye moost dereworth britheren, Y write to you this secounde epistle, in which Y stire youre clere soule bi monesting togidere,

¹ That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid. ² And we sayn, and we witnessen, and tellen to you the euerlastynge lijf, that was anentis the fadir, and apperide to vs.

¹³ Fadris, Y write to you, for ye han knowun hym, that is fro the bigynnyng. Yonge men, Y write to you, for ye han ouercomun the wickid.

¹⁸ My litle sones, the laste our is; and as ye han herd, that antecrist cometh, now many antecristis ben maad; wherfor we witen, that it is the laste our.

¹⁶ In this thing we han knowe the charite of God, for he puttide his lijf for vs, and we owen to putte oure lyues for oure britheren. ¹⁷ He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym? ¹⁸ Mi litle sones, loue we not in word, nethir in tunge, but in werk and treuthe. ¹⁹ In this thing we knowen, that we ben of treuthe, and in his siyt we monesten oure hertis. ²⁰ For if oure herte repreueth vs, God is more than oure hert, and knowith alle thingis. ²¹ Moost dere britheren, if oure herte repreueth not vs, we han trust to God; ²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym. ²³ And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs. ²⁴ And he that kepith hise comaundementis, dwellith in hym, and he in hym. And in this thing we witen, that he dwellith in vs, bi the spirit, whom he yaf to vs.

¹⁹ Therfor loue we God, for he louede vs bifore.

¹ Ech man that bileueth that Jhesus is Crist, is borun of God; and ech man that loueth hym that gendride, loueth hym that is borun of hym.

⁶ This is Jhesus Crist, that cam bi watir and blood; not in water oonli, but in watir and blood. And the spirit is he that witnessith, that Crist is treuthe.

⁷ For thei wenten forth for his name, and token no thing of hethene men. ⁸ Therfor we owen to resseyue siche, that we be euen worcheris of treuthe.

¹² Witnessing is yoldun to Demetrie of alle men, and of treuthe it silf; but also we beren witnessing, and thou knowist, that oure witnessing is trewe.

⁷ Amen. Lo! he cometh with clowdis, and ech iye schal se hym, and thei that prickiden hym; and alle the kynredis of the erthe schulen beweile hem silf on hym.

²³ And Y schal slee hir sones in to deth, and alle chirchis schulen wite, that Y am serchinge reynes and hertis; and Y schal yyue to ech man of you after hise werkis.

²⁵ til Y come.

¹¹ Lo! Y come soone; holde thou that that thou hast, that no man take thi coroun.

¹⁹ Y repreue, and chastise whom Y loue; therfor sue thou goode men, and do penaunce.

¹⁷ For the lomb, that is in the myddil of the trone, schal gouerne hem, and schal lede forth hem to the wellis of watris of lijf; and God schal wipe awei ech teer fro the iyen of hem.

⁷ `And lo! Y come swiftli. Blessid is he, that kepith the wordis of prophesie of this book.

²⁰ He seith, that berith witnessyng of these thingis, Yhe, amen. I come soone. Amen. Come thou, Lord Jhesu.