John 1:17 Cross References - Wycliffe

¹⁷ For the lawe was youun bi Moises; but grace and treuthe `is maad bi Jhesu Crist.

¹⁵ Y schal sette enemytees bitwixe thee and the womman, and bitwixe thi seed and hir seed; sche schal breke thin heed, and thou schalt sette aspies to hir heele.

¹⁸ and alle the folkis of erthe schulen be blessid in thi seed, for thou obeiedist to my vois.

¹ And the Lord spak alle these wordis, Y am thi Lord God, ² that ladde thee out of the lond of Egipt, fro the hous of seruage. ³ Thou schalt not haue alien goddis bifore me. ⁴ Thou schalt not make to thee a grauun ymage, nethir ony licnesse of thing which is in heuene aboue, and which is in erthe bynethe, nether of tho thingis, that ben in watris vndur erthe; thou schalt not `herie tho, <sup>5</sup> nether `thou schalt worschipe; for Y am thi Lord God, a stronge gelouse louyere; and Y visite the wickidnesse of fadris in to the thridde and the fourthe generacioun of hem that haten me, ⁶ and Y do mercy in to `a thousynde, to hem that louen me, and kepen myn heestis. <sup>7</sup> Thou schalt not take in veyn the name of thi Lord God, for the Lord schal not haue hym giltles, that takith in veyn the name of his Lord God. <sup>8</sup> Haue thou mynde, that thou halowe the `dai of the sabat; ⁹ in sixe daies thou schalt worche and schalt do alle thi werkis; ¹⁰ forsothe in the seuenthe day is the sabat of thi Lord God; thou schalt not do ony werk, thou, and thi sone, and thi douytir, and thi seruaunt, and thin handmaide, thi werk beeste, and the comelyng which is withynne thi yatis; ¹¹ for in sixe dayes God made heuene and erthe, the see, and alle thingis that ben in tho, and restide in the seuenthe dai; herfor the Lord blesside the `dai of the sabat, and halewide it. <sup>12</sup> Onoure thi fadir and thi moder, that thou be long lyuyng on the lond, which thi Lord God schal yyue to thee. <sup>13</sup> Thou schalt not sle. <sup>14</sup> Thou schalt `do no letcherie. ¹⁵ Thou schalt `do no theft. <sup>16</sup> Thou schalt not speke fals witnessyng ayens thi neiybore. <sup>17</sup> Thou schalt not coueyte `the hous of thi neiybore, nether thou schalt desyre his wijf, not seruaunt, not handmaide, not oxe, not asse, nether alle thingis that ben hise.

⁴⁴ This is the lawe which Moises `settide forth bifor the sones of Israel,

¹ And Moises clepide al Israel, and seide to hym, Here, thou Israel, the cerymonyes and domes, whiche Y speke to dai in youre eeris; lerne ye tho, and `fille ye in werk.

⁴ Moisis comaundide lawe `to vs, eritage of the multitude of Jacob.

¹⁰ For thou art ful greet, and makinge merueils; thou art God aloone.

¹ The title of the nyne and eiytetithe salm. The preier of Moises, the man of God. Lord, thou art maad help to vs; fro generacioun in to generacioun. ² Bifore that hillis weren maad, ether the erthe and the world was formed; fro the world and in to the world thou art God.

³ Knouleche thei to thi greet name, for it is ferdful and hooli;

²⁰ Thou schalt yyue treuthe to Jacob, merci to Abraham, whiche thou sworist to oure fadris fro elde daies.

⁵⁴ He, hauynge mynde of his mercy, took Israel, his child; ⁵⁵ as he hath spokun to oure fadris, to Abraham and to his seed, in to worldis.

⁶⁸ and seide, Blessid be the Lord God of Israel, for he hath visitid, and maad redempcioun of his puple. ⁶⁹ And he hath rerid to vs an horn of heelthe in the hous of Dauid, his child. ⁷⁰ As he spak bi the mouth of hise hooli prophetis, that weren fro the world. ⁷¹ Helthe fro oure enemyes, and fro the hoond of alle men that hatiden vs. ⁷² To do merci with oure fadris, and to haue mynde of his hooli testament. ⁷³ The greet ooth that he swoor to Abraham, oure fadir, to yyue hym silf to vs. ⁷⁴ That we with out drede delyuered fro the hoond of oure enemyes, ⁷⁵ serue to hym, in hoolynesse and riytwisnesse bifor hym in alle oure daies. ⁷⁶ And thou, child, schalt be clepid the prophete of the Hiyest; for thou schalt go bifor the face of the Lord, to make redi hise weies. ⁷⁷ To yyue scyence of helthe to his puple, in to remyssioun of her synnes; ⁷⁸ bi the inwardnesse of the merci of oure God, in the whiche he spryngynge vp fro an hiy hath visitid vs. ⁷⁹ To yyue liyt to hem that sitten in derknessis and in schadewe of deeth; to dresse oure feet in to the weie of pees.

¹⁴ And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe.

⁴⁵ Nyle ye gesse, that Y am to accuse you anentis the fadir; it is Moises that accusith you, in whom ye hopen.

¹⁹ Whether Moises yaf not to you a lawe, and noon of you doith the lawe?

³² and ye schulen knowe the treuthe, and the treuthe schal make you fre.

²⁹ We witen, that God spak to Moises; but we knowen not this, of whennus he is.

⁶ Jhesus seith to hym, Y am weie, treuthe, and lijf; no man cometh to the fadir, but bi me.

³⁸ This it is, that was in the chirche in wildirnesse, with the aungel that spak to hym in the mount of Syna, and with oure fadris; which took words of lijf to yyue to vs.

³⁴ And he ayenreiside hym fro deth, that he schulde not turne ayen in to corrupcioun, seide thus, For Y schal yyue to you the hooli trewe thingis of Dauid. ³⁵ And therfor and on an othere stide he seith, Thou schalt not yyue thin hooli to se corrupcioun. ³⁶ But Dauid in his generacioun, whanne he hadde mynstrid to the wille of God, diede, and was leid with hise fadris, and say corrupcioun; ³⁷ but he whom God reiside fro deth, say not corrupcioun. ³⁸ Therfor, britheren, be it knowun to you, that bi hym remyssioun of synnes is teld to you, fro alle synnes, of whiche ye myyten not be iustified in the lawe of Moises. ³⁹ In this ech man that bileueth, is iustified.

²³ And whanne thei hadden ordeined a dai to hym, many men camen to hym in to the in. To whiche he expownede, witnessinge the kyngdom `of God, and counseilide hem of Jhesu, of the lawe of Moyses, and profetis, for the morewe til to euentid.

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God. ²⁰ For of the werkis of the lawe ech fleisch schal not be iustified bifor hym; for bi the lawe ther is knowyng of synne. ²¹ But now with outen the lawe the riytwisnesse of God is schewid, that is witnessid of the lawe and the profetis. ²² And the riytwisnesse of God is bi the feith of Jhesu Crist in to alle men and on alle men that bileuen in hym; for ther is no departyng. ²³ For alle men synneden, and han nede to the glorie of God; ²⁴ and ben iustified freli bi his grace, bi the ayenbiyng that is in `Crist Jhesu. ²⁵ Whom God ordeynede foryyuer, bi feith in his blood, to the schewyng of his riytwisnesse, for remyssioun of biforgoynge synnes, ²⁶ in the beryng up of God, to the schewyng of his riytwisnesse in this tyme, that he be iust, and iustifyynge hym that is of the feith of Jhesu Crist.

²⁰ And the lawe entride, that gilt schulde be plenteuouse; but where gilt was plenteuouse, ²¹ grace was more plenteuouse. That as synne regnede in to deth, so grace regne bi riytwisnesse in to euerlastynge lijf, bi `Crist Jhesu oure Lord.

¹⁴ For synne schal not haue lordschipe on you; for ye ben not vndur the lawe, but vndur grace.

⁸ For Y seie, that Jhesu Crist was a mynystre of circumcisioun for the treuthe of God, to conferme the biheestis of fadris. ⁹ And hethene men owen to onoure God for merci; as it is writun, Therfor, Lord, Y schal knowleche to thee among hethene men, and Y schal synge to thi name. ¹⁰ And eft he seith, Ye hethene men, be ye glad with his puple. ¹¹ And eft, Alle hethene men, herie ye the Lord; and alle puplis, magnefie ye hym. ¹² And eft Isaie seith, Ther schal be a roote of Jesse, that schal rise vp to gouerne hethene men, and hethene men schulen hope in hym.

²⁰ For whi hou many euer ben biheestis of God, in thilke is, `that is, ben fillid. And therfor and bi hym we seien amen to God, to oure glorie.

⁷ And if the mynystracioun of deth write bi lettris in stoonys was in glorie, so that the children of Israel myyten not biholde in to the face of Moises, for the glorie of his cheer, which is auoidid, ⁸ hou schal not the mynystracioun of the spirit be more in glorie? ⁹ For if the mynystracioun of dampnacioun was in glorie, myche more the mynysterie of riytwisnesse is plenteuouse in glorie. ¹⁰ For nether that that was cleer was glorified in this part for the excellent glorie; and if that that is auoidid,

¹⁰ For alle that ben of the werkis of the lawe, ben vndur curse; for it is writun, Ech man is cursid, that abidith not in alle thingis that ben writun in the book of the lawe, to do tho thingis. ¹¹ And that no man is iustified in the lawe bifor God, it is opyn, for a riytful man lyueth of bileue. ¹² But the lawe is not of bileue, but he that doith tho thingis of the lawe, schal lyue in hem. ¹³ But Crist ayenbouyte us fro the curse of the lawe, and was maad acursid for vs; for it is writun, Ech man is cursid that hangith in the tre;

¹⁷ But Y seie, this testament is confermed of God; the lawe that was maad after foure hundrid and thritti yeer, makith not the testament veyn to auoide awei the biheest.

⁵ And Moises was trewe in al his hous, as a seruaunt, in to witnessyng of tho thingis that weren to be seid; ⁶ but Crist as a sone in his hous. Which hous we ben, if we holden sad trist and glorie of hope in to the ende.

⁸ For he repreuynge hem seith, Lo! daies comen, seith the Lord, and Y schal make perfit a newe testament on the hous of Israel, and on the hous of Juda; ⁹ not lijk the testament that Y made to her fadris, `in the dai in which Y cauyte her hond, that Y schulde lede hem out of the loond of Egipt; for thei dwelliden not perfitli in my testament, and Y haue dispisid hem, seith the Lord. ¹⁰ But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple. ¹¹ And ech man schal not teche his neiyebore, and ech man his brother, seiynge, Knowe thou the Lord; for alle men schulen knowe me, fro the lesse to the more of hem. ¹² For Y schal be merciful to the wickidnesse of hem, and now Y schal not bithenke on the synnes of hem.

²² And almest alle thingis ben clensid in blood bi the lawe; and without scheding of blood remyssioun of synnes is not maad.

⁴ For it is impossible that synnes be doon awei bi blood of boolis, and of buckis of geet. ⁵ Therfor he entrynge in to the world, seith, Thou woldist not sacrifice and offryng; but thou hast schapun a bodi to me; ⁶ brent sacrificis also for synne plesiden not to thee. ⁷ Thanne Y seide, Lo! Y come; in the bigynnyng of the book it is writun of me, that Y do thi wille, God. ⁸ He seiynge bifor, That thou woldist not sacrificis, and offringis, and brent sacrifices for synne, ne tho thingis ben plesaunt to thee, whiche ben offrid bi the lawe, ⁹ thanne Y seide, Lo! Y come, that Y do thi wille, God. He doith awei the firste, that he make stidfast the secounde. ¹⁰ In which wille we ben halewid bi the offring of the bodi of Crist Jhesu onys.

³⁹ And alle these, preued bi witnessing of feith, token not repromyssioun; ⁴⁰ for God purueiede sum betere thing for vs, that thei schulden not be maad perfit with outen vs.

⁸ And whanne he hadde opened the book, the foure beestis and the foure and twenti eldre men fellen doun bifore the lomb; and hadden ech of hem harpis, and goldun violis ful of odours, whiche ben the preyeris of seyntis. ⁹ And thei sungun a newe song, and seiden, Lord oure God, thou art worthi to take the book, and to opene the seelis of it; for thou were slayn, and ayenbouytist vs to God in thi blood, of ech lynage, `and tunge, and puple, and nacioun; ¹⁰ and madist vs a kyngdom, and prestis to oure God; and we schulen regne on erthe.

⁹ Aftir these thingis Y sai a greet puple, whom no man myyte noumbre, of alle folkis, and lynagis, and puplis, and langagis, stondinge bifore the trone, in the siyt of the lomb; and thei weren clothid with white stoolis, and palmes weren in the hondis of hem. ¹⁰ And thei crieden with greet vois, and seiden, Heelthe to oure God, that sittith on the troone, and to the lombe. ¹¹ And alle aungels `stoden al aboute the trone, and the eldre men, and the foure beestis. And thei fellen doun in the siyt of the trone, on her faces, and worschipiden God, and seiden, Amen! ¹² blessyng, and clerenesse, and wisdom, and doynge of thankingis, and honour, and vertu, and strengthe to oure God, in to worldis of worldis. ¹³ Amen. And oon of the senyours answerde, and seide to me, Who ben these, that ben clothid with white stoolis? and fro whennus came thei? ¹⁴ And Y seide to hym, My lord, thou woost. And he seide to me, These ben thei, that camen fro greet tribulacioun, and waischiden her stoolis, and maden hem white in the blood of the lomb. ¹⁵ Therfor thei ben bifor the trone of God, and seruen to hym dai and niyt, in his temple. And he that sittith in the trone, dwellith on hem. ¹⁶ Thei schulen no more hungur, nether thirste, nether sunne schal falle on hem, ne ony heete. ¹⁷ For the lomb, that is in the myddil of the trone, schal gouerne hem, and schal lede forth hem to the wellis of watris of lijf; and God schal wipe awei ech teer fro the iyen of hem.