John 12:48 Cross References - Wycliffe

⁴⁸ He that dispisith me, and takith not my wordis, hath hym that schal iuge hym; thilke word that Y haue spokun, schal deme hym in the last dai.

¹⁸ Y schal reise to hem a prophete, lijk thee, of the myddis of her britheren, and Y schal putte my wordis in his mouth, and he schal speke to hem alle thingis, whiche I schal comaunde to him. ¹⁹ Forsothe Y schal be vengere of `that man, that nyle here the wordis `of hym, whiche he schal speke in my name.

⁷ Forsothe the Lord seide to Samuel, Here thou the vois of the puple in alle thingis whiche thei speken to thee; for thei han not caste awey thee, but me, that Y regne not on hem.

¹⁹ Forsothe to day ye han caste awei youre Lord God, which aloone sauyde you fro alle youre yuelis and tribulaciouns; and ye seiden, Nay, but ordeyne thou a kyng on vs. Now therfor stonde ye bifor the Lord bi youre lynagis, and bi meynees.

³ and we desiriden hym, dispisid, and the laste of men, a man of sorewis, and knowynge sikenesse. And his cheer was as hid and dispisid; wherfor and we arettiden not hym.

⁴² Jhesus seith to hem, Redden ye neuer in scripturis, The stoon which bilderis repreueden, this is maad in to the heed of the corner? Of the Lord this thing is don, and it is merueilous bifor oure iyen.

³¹ Whanne mannus sone schal come in his maieste, and alle hise aungels with hym, thanne he schal sitte on the sege of his maieste;

³¹ And he bigan to teche hem, that it bihoueth mannus sone to suffre many thingis, and to be repreued of the elder men, and of the hiyest prestis, and the scribis, and to be slayn, and aftir thre dayes, to rise ayen.

¹⁰ Whether ye han not red this scripture, The stoon which the bilderis han disspisid, this is maad in to the heed of the corner?

¹⁶ Who that bileueth, and is baptisid, schal be saaf; but he that bileueth not, schal be dampned.

³⁰ but the Farisees and the wise men of the lawe, that weren not baptisid of hym, dispisiden the counsel of God ayens hem silf.

²² and seide these thingis, For it bihoueth mannus sone to suffre many thingis, and to be repreued of the elder men, and of the princis of prestis, and of scribis, and to be slayn, and the thridde dai to rise ayen.

²⁶ For who so schameth me and my wordis, mannus sone schal schame hym, whanne he cometh in his maieste, and of the fadris, and of the hooli aungels.

¹⁶ He that herith you, herith me; and he that dispisith you, dispisith me; and he that dispisith me, dispisith hym that sente me.

²⁵ But first it bihoueth hym to suffre many thingis, and to be repreued of this generacioun.

¹⁷ But he bihelde hem, and seide, What thanne is this that is writun, The stoon which men bildynge repreueden, this is maad in to the heed of the corner?

¹⁷ For God sente not his sone in to the world, that he iuge the world, but that the world be saued bi him. ¹⁸ He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God. ¹⁹ And this is the dom, for liyt cam in to the world, and men loueden more derknessis than liyt; for her werkes weren yuele. ²⁰ For ech man that doith yuele, hatith the liyt; and he cometh not to the liyt, that hise werkis be not repreued.

⁴⁵ Nyle ye gesse, that Y am to accuse you anentis the fadir; it is Moises that accusith you, in whom ye hopen.

²⁴ Martha seith to hym, Y woot, that he schal rise ayen in the ayen risyng in the laste dai.

²³ And it schal be, that euery man that schal not here the ilke profete, schal be distried fro the puple.

¹⁶ in the dai whanne God schal deme the priuy thingis of men aftir my gospel, bi Jhesu Crist.

¹⁵ for we ben the good odour of Crist to God, among these that ben maad saaf, and among these that perischen. ¹⁶ To othere sotheli odour of deth in to deth, but to othere we ben odour of lijf in to lijf. And to these thingis who is so able?

³ For if also oure gospel is kyuerid, in these that perischen it is kyuerid;

⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist.

³ hou schulen we ascape, if we despisen so greet an heelthe? Which, whanne it hadde takun bigynnyng to be teld out by the Lord, of hem that herden is confermyd in to vs.

²⁷ And as it is ordeynede to men, ²⁸ onys to die, but aftir this is the dom, so Crist was offrid onys, to auoyde the synnes of many men; the secounde tyme he schal appere with outen synne to men that abiden him in to heelthe.

²⁹ hou myche more gessen ye, that he disserueth worse turmentis, which defouleth the sone of God, and holdith the blood of the testament pollut, in which he is halewid, and doith dispit to the spirit of grace? ³⁰ For we knowen him that seide, To me veniaunce, and Y schal yelde. And eft, For the Lord schal deme his puple. ³¹ It is ferdful to falle in to the hondis of God lyuynge.

²⁵ Se ye, that ye forsake not the spekere; for if thei that forsaken him that spak on the erthe, aschapide not, myche more we that turnen awei fro him that spekith to vs fro heuenes.