Job 6:26 Cross References - Wycliffe

²⁶ Ye maken redi spechis oneli for to blame, and ye bryngen forth wordis in to wynde.

¹⁰ And Joob seide, Thou hast spoke as oon of the fonned wymmen; if we han take goodis of the hond of the Lord, whi forsothe suffren we not yuels? In alle these thingis Joob synnede not in hise lippis.

³ and the nyyt in which it was seid, The man is conceyued. ⁴ Thilke dai be turnede in to derknessis; God seke not it aboue, and be it not in mynde, nethir be it liytned with liyt. ⁵ Derknessis make it derk, and the schadewe of deeth and myist occupie it; and be it wlappid with bittirnesse. ⁶ Derk whirlwynde holde that niyt; be it not rikynyd among the daies of the yeer, nethir be it noumbrid among the monethes. ⁷ Thilke nyyt be soleyn, and not worthi of preisyng. ⁸ Curse thei it, that cursen the dai, that ben redi to reise Leuyathan. ⁹ Sterris be maad derk with the derknesse therof; abide it liyt, and se it not, nethir the bigynnyng of the morwetid risyng vp. ¹⁰ For it closide not the doris of the wombe, that bar me, nethir took awei yuels fro min iyen. ¹¹ Whi was not Y deed in the wombe? whi yede Y out of the wombe, and perischide not anoon? ¹² Whi was Y takun on knees? whi was Y suclid with teetis? ¹³ For now Y slepynge schulde be stille, and schulde reste in my sleep, ¹⁴ with kyngis, and consuls of erthe, that bilden to hem soleyn places; ¹⁵ ethir with prynces that han gold in possessioun, and fillen her housis with siluer; ¹⁶ ethir as a `thing hid not borun Y schulde not stonde, ethir whiche conseyued sien not liyt. ¹⁷ There wickid men ceessiden of noise, and there men maad wery of strengthe restiden. ¹⁸ And sum tyme boundun togidere with out disese thei herden not the voys of the wrongful axere. ¹⁹ A litil man and greet man be there, and a seruaunt free fro his lord. ²⁰ Whi is liyt youun to the wretche, and lijf to hem that ben in bitternesse of soule? ²¹ Whiche abiden deeth, and it cometh not; ²² as men diggynge out tresour and ioien greetly, whanne thei han founde a sepulcre? ²³ Whi is liyt youun to a man, whos weie is hid, and God hath cumpassid hym with derknessis? ²⁴ Bifore that Y ete, Y siyhe; and as of watir flowynge, so is my roryng. ²⁵ For the drede, which Y dredde, cam to me; and that, that Y schamede, bifelde. ²⁶ Whether Y dissymilide not? whether Y was not stille? whether Y restide not? and indignacioun cometh on me.

³ Lo! thou hast tauyt ful many men, and thou hast strengthid hondis maad feynt. ⁴ Thi wordis confermyden men doutynge, and thou coumfortidist knees tremblynge.

⁴ For the arowis of the Lord ben in me, the indignacioun of whiche drynkith vp my spirit; and the dredis of the Lord fiyten ayens me.

⁹ And he that bigan, al to-breke me; releesse he his hond, and kitte me doun?

² Hou longe schalt thou speke siche thingis? The spirit of the word of thi mouth is manyfold.

¹ Yt anoieth my soule of my lijf; Y schal lete my speche ayens me, Y schal speke in the bitternesse of my soule.

³ and the throte demeth metis bi taast. ⁴ Chese we doom to vs; and se we among vs, what is the betere. ⁵ For Job seide, Y am iust, and God hath distried my doom. ⁶ For whi lesynge is in demynge me, and myn arowe is violent with out ony synne. ⁷ Who is a man, as Joob is, that drynkith scornyng as watir? ⁸ that goith with men worchynge wickidnesse, and goith with vnfeithful men? ⁹ For he seide, A man schal not plese God, yhe, thouy he renneth with God.

² and seide, Who is this man, wlappynge sentences with vnwise wordis?

⁵ and be thou reisid an hiy, and be thou gloriouse, and be thou clothid `in faire clothis.

⁸ Hide thou hem in dust togidere, and drenche doun her faces in to a diche.

³ Who is this, that helith counsel with out kunnyng? Therfor Y spak vnwiseli, and tho thingis that passiden ouer mesure my kunnyng.

⁷ Forsothe aftir that the Lord spak these wordis to Joob, he seide to Eliphat Themanytes, My stronge veniaunce is wrooth ayens thee, and ayens thi twey frendis [Note: God seith not ayenus Helyu, ether ayenus Joob; for whi to do synne bi presumpcioun, ether bi vnwar speking, as Helyu and Joob diden, is not so greuouse synne as to do synne bi afermyng of falsnesse, which bifelde to these thre men. for he synnede liytly, and dide penaunce therfor perfitly. ]; for ye `spaken not bifor me riytful thing, as my seruaunt Joob dide.

¹ Effraym fedith wynd, and sueth heete. Al dai he multiplieth leesyng, and distriyng; and he made boond of pees with Assiriens, and bar oile in to Egipt.

³⁷ for of thi wordis thou schalt be iustified, and of thi wordis thou shalt be dampned.

¹⁴ that we be not now litle children, mouynge as wawis, and be not borun aboute with ech wynd of teching, in the weiwardnesse of men, in sutil wit, to the disseyuyng of errour.