Job 25:2 Cross References - Wycliffe

² Power and drede is anentis hym, that is, God, that makith acordyng in hise hiye thingis.

¹¹ Lord, worthi doyng is thin, and power, and glorie, and victorie, and heriyng is to thee; for alle thingis that ben in heuene and in erthe ben thine; Lord, the rewme is thin, and thou art ouer alle princes; ritchessis ben thin, and glorie is thin; ¹² thou art Lord of alle; in thin hond is vertu, and power, and in thin hond is greetnesse, and lordschipe of alle.

² and that a man comparisound to God schal not be maad iust. ³ If he wole stryue with God, he may not answere to God oon for a thousynde. ⁴ He is wiys in herte, and strong in myyt; who ayenstood hym, and hadde pees? ⁵ Which bar hillis fro o place to anothir, and thei wisten not; whiche he distriede in his strong veniaunce. ⁶ Which stirith the erthe fro his place, and the pilers therof schulen `be schakun togidere. <sup>7</sup> Which comaundith to the sunne, and it risith not; and he closith the sterris, as vndur a signet. <sup>8</sup> Which aloone stretchith forth heuenes, and goith on the wawis of the see. <sup>9</sup> Which makith Ariture, and Orionas, and Hiadas, `that is, seuene sterris, and the innere thingis of the south. ¹⁰ Which makith grete thingis, and that moun not be souyt out, and wondurful thingis, of whiche is noon noumbre.

⁵ Lo! giauntis weilen vnder watris, and thei that dwellen with hem. ⁶ Helle is nakid bifor hym, and noon hilyng is to perdicioun. ⁷ Which God stretchith forth the north on voide thing, and hangith the erthe on nouyt. ⁸ `Which God byndith watris in her cloudis, that tho breke not out togidere dounward. <sup>9</sup> `Whych God holdith the cheer of his seete, and spredith abrood theron his cloude. ¹⁰ He hath cumpassid a terme to watris, til that liyt and derknessis be endid. ¹¹ The pilers of heuene tremblen, and dreden at his wille. ¹² In the strengthe of hym the sees weren gaderid togidere sudeynly, and his prudence smoot the proude. ¹³ His spiryt ournede heuenes, and the crokid serpent was led out bi his hond, ledynge out as a mydwijf ledith out a child. ¹⁴ Lo! these thingis ben seid in partie of `hise weyes; and whanne we han herd vnnethis a litil drope of his word, who may se the thundur of his greetnesse?

⁹ And Y schal knowleche, that thi riyt hond may saue thee. ¹⁰ Lo! behemot, whom Y made with thee, schal as an oxe ete hey. ¹¹ His strengthe is in hise leendis, and his vertu is in the nawle of his wombe. ¹² He streyneth his tail as a cedre; the senewis of his `stones of gendrure ben foldid togidere. ¹³ Hise boonys ben as the pipis of bras; the gristil of hym is as platis of yrun. ¹⁴ He is the bigynnyng of the weies of God; he, that made hym, schal sette his swerd to hym.

¹ The titil of the nyne and nyntithe salm. `A salm to knouleche; `in Ebrew `thus, A salm for knouleching. ² Al erthe, singe ye hertli to God; serue ye the Lord in gladnesse. Entre ye in his siyt; in ful out ioiyng. ³ Wite ye, that the Lord hym silf is God; he made vs, and not we maden vs. His puple, and the scheep of his lesewe,

¹⁵ For the Lord hiy, and enhaunsid, seith these thingis, that dwellith in euerlastyngnesse, and his hooli name in hiy place, and that dwellith in hooli, and with a contrite and meke spirit, that he quykene the spirit of meke men, and quykene the herte of contrit men.

¹⁹ Y made the fruyt of lippis pees, pees to hym that is fer, and to hym that is niy, seide the Lord; and Y heelide hym.

⁶ Lord, noon is lijk thee; thou art greet, and thi name is greet in strengthe. ⁷ A! thou king of folkis, who schal not drede thee? for whi onour is thin among alle wise men of hethene men, and in alle the rewmes of hem noon is lijk thee.

³⁴ Now therfor Y Nabugodonosor herie, and magnefie, and glorifie the kyng of heuene; for alle hise werkis ben trewe, and alle his weies ben domes; and he may make meke hem that goon in pride.

⁹ Blessid ben pesible men, for thei schulen be clepid Goddis children.

¹³ but delyuere vs fro yuel.

¹⁸ And Jhesus cam nyy, and spak to hem, and seide, Al power in heuene and in erthe is youun to me.

¹⁸ And lo! alle thingis ben of God, which recounselide vs to hym bi Crist, and yaf to vs the seruyce of recounselyng. ¹⁹ And God was in Crist, recounselynge to hym the world, not rettynge to hem her giltes, and puttide in vs the word of recounselyng. ²⁰ Therfor we vsen message for Crist, as if God monestith bi vs; we bisechen for Crist, be ye recounselid to God. ²¹ God the fadir made hym synne for vs, which knewe not synne, that we schulden be maad riytwisnesse of God in hym.

²⁰ which he wrouyte in Crist, reisynge hym fro deth, and settynge him on his riyt half in heuenli thingis, ²¹ aboue ech principat, and potestat, and vertu, and domynacioun, and aboue ech name that is named, not oneli in this world, but also in the world to comynge;

¹⁶ makynge pees, to recounsele bothe in o bodi to God bi the cros, sleynge the enemytees in hym silf. ¹⁷ And he comynge prechide pees to you that weren fer, and pees to hem that weren niy;

²⁰ and bi hym alle thingis to be recounselid in to hym, and made pees bi the blood of his cros, tho thingis that ben in erthis, ether that ben in heuenes.

²⁵ bi Jhesu Crist oure Lord, be glorie, and magnefiyng, empire, and power, bifore alle worldis, `and now and in to alle worldis of worldis. Amen.

¹⁶ And thei seien to hillis and to stoonys, Falle ye on vs, and hide ye vs fro the face of hym that sittith on the trone, and fro the wrath of the lomb;