Jeremiah 24:5 Cross References - Wycliffe

⁵ and seide, The Lord God of Israel seith these thingis, As these figis ben goode, so Y schal knowe the transmygracioun of Juda, which I sente out fro this place in to the lond of Caldeis, in to good.

¹⁶ and fedde thee with manna in the wildirnesse, which manna thi fadris knewen not. And after that the Lord turmentid thee, and preuede, at the last he hadd mersi on thee,

⁷ The Lord is good, and coumfortynge in the dai of tribulacioun, and knowynge hem that hopen in hym.

⁹ And Y schal lede the thridde part bi fier, and Y schal brenne hem, as siluer is brent, and Y schal preue hem, as gold is preuyd. He schal clepe to help my name, and Y schal graciously here him; and Y schal seie, Thou art my puple, and he schal seie, Thou art my Lord God.

¹² And he answeride, and seide, Treuli Y seie to you, Y knowe you not.

²⁷ My scheep heren my vois, and Y knowe hem, and thei suen me.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

³ And if ony man loueth God, this is knowun of hym.

⁹ But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue?

¹⁹ But the sad foundement of God stondith, hauynge this marke, The Lord knowith whiche ben hise, and, Ech man that nameth the name of the Lord, departith fro wickidnesse.

⁵ And ye han foryet the coumfort that spekith to you as to sones, and seith, My sone, nyle thou dispise the teching of the Lord, nether be thou maad weri, the while thou art chastisid of hym. ⁶ For the Lord chastisith hym that he loueth; he betith euery sone that he resseyueth. ⁷ Abide ye stille in chastising; God proferith hym to you as to sones. For what sone is it, whom the fadir chastisith not? ⁸ That if ye `ben out of chastising, whos parteneris ben ye alle maad, thanne ye ben auowtreris, and not sones. ⁹ And aftirward we hadden fadris of oure fleisch, techeris, and we with reuerence dredden hem. Whethir not myche more we schulen obeische to the fadir of spiritis, and we schulen lyue? ¹⁰ And thei in tyme of fewe dayes tauyten vs bi her wille; but this fadir techith to that thing that is profitable, in resseyuynge the halewing of hym.

¹⁹ Y repreue, and chastise whom Y loue; therfor sue thou goode men, and do penaunce.