Isaiah 53:3 Cross References - Wycliffe

³ and we desiriden hym, dispisid, and the laste of men, a man of sorewis, and knowynge sikenesse. And his cheer was as hid and dispisid; wherfor and we arettiden not hym.

¹⁵ The louede puple was `maad fat, and kikide ayen; maad fat withoutforth, maad fat with ynne, and alargid; he forsook God his makere, and yede awei fro `God his helthe.

⁶ And thi merci schal sue me; in alle the daies of my lijf. And that Y dwelle in the hows of the Lord; in to the lengthe of daies.

⁷ The Lord, ayenbiere of Israel, the hooli therof, seith these thingis to a dispisable soule, and to a folk had in abhomynacioun, to the seruaunt of lordis, Kyngis schulen se, and princes schulen rise togidere, and schulen worschipe, for the Lord, for he is feithful, and for the hooli of Israel, that chees thee.

⁶ I yaf my bodi to smyteris, and my chekis to pulleris; Y turnede not a wei my face fro men blamynge, and spetynge on me.

⁴ Verili he suffride oure sikenessis, and he bar oure sorewis; and we arettiden hym as a mesel, and smytun of God, and maad low.

¹⁰ and the Lord wolde defoule hym in sikenesse. If he puttith his lijf for synne, he schal se seed long durynge, and the wille of the Lord schal be dressid in his hond.

⁸ And Y kittide doun thre scheepherdis in o monethe, and my soule is drawun togidere in hem; for also the soule of hem variede in me.

¹² And Y seide to hem, If it is good in youre iyen, brynge ye my meede; and if nai, reste ye. And thei weieden my meede, thretti platis of siluer. ¹³ And the Lord seide to me, Caste awei it to a makere of ymagis, the fair prijs, bi which Y am preisid of hem. And Y took thritti platis of siluer, and Y castide forth hem in the hous of the Lord, to the makere of ymagis.

³⁷ And whanne he hadde take Peter, and twei sones of Zebedee, he bigan to be heuy and sori. ³⁸ Thanne he seide to hem, My soule is soreuful to the deeth; abide ye here, and wake ye with me.

⁶⁷ Thanne thei speten `in to his face, and smyten hym with buffatis; and othere yauen strokis with the pawme of her hondis in his face,

⁹ Thanne that was fulfillid, that was seid bi the prophete Jeremye, seiynge, And thei han takun thretti pans, the prijs of a man preysid, whom thei preiseden of the children of Israel; ¹⁰ and thei yauen hem in to a feeld of a potter, as the Lord hath ordenyd to me.

³⁹ And men that passiden forth blasfemeden hym, ⁴⁰ mouynge her heedis, and seiynge, Vath to thee, that distriest the temple of God, and in the thridde dai bildist it ayen; saue thou thi silf; if thou art the sone of God, come doun of the cross. ⁴¹ Also and princis of prestis scornynge, with scribis and elder men, ⁴² seiden, He made othere men saaf, he may not make hym silf saaf; if he is kyng of Israel, come he now doun fro the crosse, and we bileuen to hym; ⁴³ he tristide in God; delyuer he hym now, if he wole; for he seide, That Y am Goddis sone. ⁴⁴ And the theues, that weren crucified with hym, vpbreididen hym of the same thing.

⁶³ and seiden, Sir, we han mynde, that thilke giloure seide yit lyuynge, Aftir thre daies Y schal rise ayen to lijf.

¹² And Y seie to you, that Helie is comun, and thei diden to hym what euer thingis thei wolden, as it is writun of hym.

³⁴ And he seide to hem, My soule is soreweful to the deeth; abide ye here, and wake ye with me.

¹⁹ And thei smyten his heed with a reed, and bispatten hym; and thei kneliden, and worschipiden hym.

⁵³ And thei scorneden hym, and wisten that sche was deed.

²² and seide these thingis, For it bihoueth mannus sone to suffre many thingis, and to be repreued of the elder men, and of the princis of prestis, and of scribis, and to be slayn, and the thridde dai to rise ayen.

¹⁴ But the Farisees, that weren coueytous, herden alle these thingis, and thei scorneden hym.

³¹ And Jhesus took hise twelue disciplis, and seide to hem, Lo! we gon vp to Jerusalem, and alle thingis schulen be endid, that ben writun bi the prophetis of mannus sone. ³² For he schal be bitraied to hethen men, and he schal be scorned, and scourgid, and bispat; ³³ and aftir that thei han scourgid, thei schulen sle hym, and the thridde dai he schal rise ayen.

⁴¹ And whanne he neiyede, `he seiy the citee,

¹⁸ And al the puple criede togidir, and seide, Do `awei hym, and delyuer to vs Barabas; <sup>19</sup> which was sent `in to prisoun for disturblyng maad in the cite, and for mansleynge. ²⁰ And eftsoone Pilat spak to hem, and wolde delyuer Jhesu. ²¹ And thei vndurcrieden, and seiden, Crucifie, crucifie hym. ²² And the thridde tyme he seide to hem, For what yuel hath this don? Y fynde no cause of deeth in hym; therfor Y schal chastise hym, and Y schal delyuer. ²³ And thei contynueden with greet voicis axynge, that he schulde be crucified; and the voicis of hem woxen stronge. ²⁴ And Pilat demyde her axyng to be don. ²⁵ And he delyueride to hem hym, that for mansleyng and sedicioun was sent in to prisoun, whom thei axiden; but he bitook Jhesu to her wille.

¹⁰ He was in the world, and the world was maad bi hym, and the world knew hym not. ¹¹ He cam in to his owne thingis, and hise resseyueden hym not.

⁴⁸ Therfor the Jewis answeriden, and seiden, Whether we seien not wel, that thou art a Samaritan, and hast a deuel?

³⁵ And Jhesus wepte. Therfor the Jewis seiden,

¹³ God of Abraham, and God of Ysaac, and God of Jacob, God of oure fadris, hath glorified his sone Jhesu, whom ye bitraieden, and denyeden bifor the face of Pilat, whanne he demede hym to be delyuered. ¹⁴ But ye denyeden the hooli and the riytful, and axiden a mansleer to be youun to you. ¹⁵ And ye slowen the maker of lijf, whom God reiside fro deth, of whom we ben witnessis.

¹⁵ and that he schulde delyuere hem that bi drede of deth, `bi al lijf weren boundun to seruage. ¹⁶ And he took neuere aungelis, but he took the seed of Abraham. ¹⁷ Wherfor he ouyte to be likned to britheren bi alle thingis, that he schulde be maad merciful and a feithful bischop to God, that he schulde be merciful to the trespassis of the puple. ¹⁸ For in that thing in which he suffride, and was temptid, he is miyti to helpe also hem that ben temptid.

¹⁵ For we han not a bischop, that may not haue compassioun on oure infirmytees, but was temptid bi alle thingis bi lycnesse, with oute synne.

⁷ Which in the daies of his fleisch offride, with greet cry and teeris, preieris and bisechingis to hym that myyte make hym saaf fro deth, and was herd for his reuerence.

² biholdinge in to the makere of feith, and the perfit endere, Jhesu; which whanne ioye was purposid to hym, he suffride the cros, and dispiside confusioun, and sittith on the riythalf of the seet of God. ³ And bithenke ye on hym that suffride siche `ayen seiynge of synful men ayens hym silf, that ye be not maad wery, failinge in youre soulis.