Isaiah 43:11 Cross References - Wycliffe

¹¹ Y am, Y am the Lord, and with out me is no sauyour.

⁴ Thou Israel, here, thi Lord God is o God.

² Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe.

³ For Y am thi Lord God, the hooli of Israel, thi sauyour. I yaf thi merci Egipt; Ethiopie and Saba for thee.

⁶ The Lord, kyng of Israel, and ayenbiere therof, the Lord of oostis seith these thingis, Y am the firste and Y am the laste, and with outen me is no God.

⁸ Nyle ye drede, nether be ye disturblid; fro that tyme Y made thee for to here, and Y telde; ye ben my witnessis. Whethir a God is with out me, and a formere, whom Y knew not?

²¹ Telle ye, and come ye, and take ye councel togidere. Who made this herd fro the bigynnyng? fro that tyme Y bifor seide it. Whether Y am not the Lord, and no God is ferthere with out me? God riytful and sauynge is noon, outakun me. ²² Alle the coostis of erthe, be ye conuertid to me, and ye schulen be saaf; for Y am the Lord, and noon other is.

⁷ And Y schal haue merci on the hous of Juda, and Y schal saue hem in her Lord God; and Y schal not saue hem in bowe, and swerd, and batel, and in horsis, and in horse men, ether kniytis.

⁴ Forsothe Y am thi Lord God, `that ledde thee fro the loond of Egipt; and thou schalt not knowe God, outakun me, and no sauyour is, outakun me.

⁴⁷ and my spirit hath gladid in God, myn helthe.

¹¹ For a sauyoure is borun to dai to you, that is Crist the Lord, in the citee of Dauid.

²⁸ And Y yyue to hem euerelastynge lijf, and thei schulen not perische with outen ende, and noon schal rauysche hem fro myn hoond. ²⁹ That thing that my fadir yaf to me, is more than alle thingis; and no man may rauysche fro my fadris hoond. ³⁰ Y and the fadir ben oon.

¹² and heelthe is not in ony othir. For nether other name vndur heuene is youun to men, in which it bihoueth vs to be maad saaf.

¹⁰ but in alle thingis schewinge good feith, that thei onoure in alle thingis the doctryn of `God, oure sauyour.

¹³ abidinge the blessid hope and the comyng of the glorie of the greet God, and of oure sauyour Jhesu Crist;

⁴ But whanne the benygnyte and the manhed of oure sauyour God aperide, ⁵ not of werkis of riytwisnesse that we diden, but bi his merci he made vs saaf, bi waischyng of ayen bigetyng, and ayen newyng of the Hooli Goost, ⁶ whom he schedde into vs plenteuousli bi Jhesu Crist,

¹⁸ But wexe ye in the grace and the knowyng of oure Lord Jhesu Crist and oure Sauyour; to hym be glorie now and in to the dai of euerlastyngnesse. Amen.

¹⁴ And we sayen, and witnessen, that the fadir sente his sone sauyour of the world.

²⁰ And we witen, that the sone of God cam in fleisch, and yaf to vs wit, that we know veri God, and be in the veri sone of hym. ²¹ This is veri God, and euerlastynge lijf. My litle sones, kepe ye you fro maumetis.

²⁵ bi Jhesu Crist oure Lord, be glorie, and magnefiyng, empire, and power, bifore alle worldis, `and now and in to alle worldis of worldis. Amen.

¹¹ seiynge to me, Write thou in a book that thing that thou seest, and sende to the seuene chirchis that ben in Asie; to Ephesus, to Smyrma, and to Pergamus, and to Tiatira, and to Sardis, and to Filadelfia, and to Loadicia.

¹⁷ And whanne Y hadde seyn hym, Y felde doun at hise feet, as deed. And he puttide his riyt hond on me, and seide, Nyle thou drede; Y am the firste and the laste; and Y am alyue, and Y was deed; ¹⁸ and lo! Y am lyuynge in to worldis of worldis, and Y haue the keyes of deth and of helle.

¹⁰ And thei crieden with greet vois, and seiden, Heelthe to oure God, that sittith on the troone, and to the lombe. ¹¹ And alle aungels `stoden al aboute the trone, and the eldre men, and the foure beestis. And thei fellen doun in the siyt of the trone, on her faces, and worschipiden God, and seiden, Amen! ¹² blessyng, and clerenesse, and wisdom, and doynge of thankingis, and honour, and vertu, and strengthe to oure God, in to worldis of worldis.