Isaiah 24:16 Cross References - Wycliffe

¹⁶ Fro the endis of erthe we han herd heriyngis, the glorye of the iust. And Y seide, My priuyte to me, my pryuyte to me. Wo to me, trespassours han trespassid, and han trespassid bi trespassyng of brekeris of the lawe.

¹¹ Lord, who is lijk thee in stronge men, who is lijk thee? thou art greet doere in hoolynesse; ferdful, and preisable, and doynge myraclis.

⁸ Axe thou of me, and Y schal yyue to thee hethene men thin eritage; and thi possessioun the termes of erthe.

¹⁰ I schal kepe my strengthe to thee;

⁷ God is in his hooli place; God that makith men of o wille to dwelle in the hous. Which leedith out bi strengthe hem that ben boundun; in lijk maner hem that maken scharp, that dwellen in sepulcris.

⁸ Thei thouyten and spaken weiwardnesse; thei spaken wickidnesse an hiy. ⁹ Thei puttiden her mouth in to heuene; and her tunge passide in erthe. ¹⁰ Therfor my puple schal be conuertid here; and fulle daies schulen be foundun in hem. ¹¹ And thei seiden, How woot God; and whether kunnyng is an heiye, `that is, in heuene?

³ Knouleche thei to thi greet name, for it is ferdful and hooli;

¹⁵ The mercies of the Lord knouleche to hym; and hise merueils knouleche to the sones of men.

¹ The `title of the hundrid and seuenthe salm. The song of `the salm of Dauid. ² Min herte is redi, God, myn herte is redi; Y schal singe, and Y schal seie salm in my glorie. ³ My glorie, ryse thou vp, sautrie and harp, rise thou vp; Y schal rise vp eerli. ⁴ Lord, Y schal knouleche to thee among puplis; and Y schal seie salm to thee among naciouns. ⁵ For whi, God, thi merci is greet on heuenes; and thi treuthe is til to the cloudis. ⁶ God, be thou enhaunsid aboue heuenes; and thi glorie ouer al erthe. ⁷ That thi derlingis be delyuerid, make thou saaf with thi riythond, and here me; God spak in his hooli. ⁸ I schal make ful out ioye, and Y schal departe Siccimam; and Y schal mete the grete valei of tabernaclis. ⁹ Galaad is myn, and Manasses is myn; and Effraym is the vptaking of myn heed. Juda is my king; Moab is the caudron of myn hope. ¹⁰ In to Ydume Y schal stretche forth my scho; aliens ben maad frendis to me. ¹¹ Who schal lede me forth in to a stronge citee; who schal lede me forth til in to Idume? ¹² Whether not thou, God, that hast put vs awei; and, God, schalt thou not go out in oure vertues? ¹³ Yyue thou help to vs of tribulacioun; for the heelthe of man is veyn. ¹⁴ We schulen make vertu in God; and he schal bringe oure enemyes to nouyt.

¹⁶ For this thing the lordli gouernour, Lord of oostis, schal sende thinnesse in the fatte men of hym, and his glorie kyndlid vndur schal brenne as `the brenning of fier.

⁴ And it schal be, in that dai the glorie of Jacob schal be maad thinne, and the fatnesse of his fleisch shal fade.

² An hard reuelacioun is teld to me; he that is vnfeithful, doith vnfeithfuli; and he that is a distriere, distrieth. Thou Helam, stie, and thou, Meda, biseche; Y made al the weilyng therof for to ceesse.

¹⁵ thou hast foryoue to a folc. Whether thou art glorified? thou hast maad fer fro thee all the endis of erthe.

⁵ In that dai the Lord of oostis schal be a coroun of glorie, and a garlond of ful out ioiyng, to the residue of his puple;

¹ Wo to thee, that robbest; whether and thou schalt not be robbid? and that dispisist, whether and thou schalt not be dispisid? Whanne thou hast endid robbyng, thou schalt be robbid; and whanne thou maad weri ceessist to dispise, thou schalt be dispisid.

²² Alle the coostis of erthe, be ye conuertid to me, and ye schulen be saaf; for Y am the Lord, and noon other is. ²³ Y swoor in my silf, a word of riytfulnesse schal go out of my mouth, and it schal not turne ayen; ²⁴ for ech kne schal be bowid to me, and ech tunge schal swere. ²⁵ Therfor thei schulen sei in the Lord, Riytfulnessis and empire ben myne; alle that fiyten ayens hym schulen come to hym, and schulen be aschamed.

⁸ Nether thou herdist, nether thou knewist, nether thin eere was openyd fro that tyme; for Y woot, that thou trespassynge schal trespasse, and Y clepide thee a trespassour fro the wombe.

¹⁰ The Lord hath maad redi his hooli arm in the iyen of alle folkis, and alle the endis of the erthe schulen se the helthe of oure God.

²¹ Forsothe thi puple alle iust men, withouten ende schulen enherite the lond, the seed of my plauntyng, the werk of myn hond for to be glorified.

¹⁹ And Y schal sette a signe in hem, and Y schal sende of hem that ben sauyd to hethene men, in to the see, in to Affrik, and in to Liddia, and to hem that holden arowe, in to Italie, and Greek lond, to ilis fer, to hem that herden not of me, and sien not my glorie. And thei schulen telle my glorie to hethene men, ²⁰ and thei schulen brynge alle youre britheren of alle folkis a yifte to the Lord, in horsis, and charis, and in literis, and in mulis, and in cartis, to myn hooli hil, Jerusalem, seith the Lord; as if the sones of Israel bryngen a yifte in a cleene vessel in to the hous of the Lord.

²⁰ But as if a womman dispisith hir louyere, so the hous of Israel dispiside me, seith the Lord.

¹¹ For whi the hous of Israel and the hous of Juda hath trespassid bi trespassyng ayens me, seith the Lord;

¹ Forsothe, Lord, thou art iust; if Y dispute with thee, netheles Y schal speke iust thingis to thee. Whi hath the weie of wickid men prosperite? It is wel to alle men that breken the lawe, and doen wickidli?

⁶ For whi bothe thi britheren and the hous of thi fadir, yhe, thei fouyten ayens thee, and crieden with ful vois aftir thee; bileue thou not to hem, whanne thei speken goodis to thee.

² Beth. It wepynge wepte in the niyt, and the teeris therof ben in `the chekis therof; `noon is of alle the dereworthe therof, that coumfortith it; alle the frendis therof forsoken it, and ben maad enemyes to it.

⁷ Thei trespassiden ayens the Lord, for thei gendriden alien sones; now the monethe schal deuoure hem with her partis.

⁷ But thei as Adam braken the couenaunt; there thei trespassiden ayens me.

⁴ And he schal stonde, and schal fede in the strengthe of the Lord, in the heiythe of the name of his Lord God; and thei schulen be conuertid, for now he schal be magnefied til to the endis of al erthe.

³ Whi schewidist thou to me wickidnesse and trauel, for to se prey and vnriytwisnesse ayens me? Whi biholdist thou dispiseris, and art stille, the while an vnpitouse man defoulith a riytfulere than hym silf? And thou schalt make men as fischis of the see, and as crepynge thingis not hauynge a ledere; and doom is maad, and ayenseiyng is more miyti.

²⁷ And thanne he schal sende hise aungelis, and schal geder hise chosun fro the foure wyndis, fro the hiyest thing of erthe til to the hiyest thing of heuene.

⁴⁷ For so the Lord comaundide vs, Y haue set thee in to liyt to hethen men, that thou be in to helthe to the vtmest of erthe.

³ and syngynge the song of Moises, the seruaunt of God, and the song of the lomb, and seiden, Grete and wondurful ben thi werkis, Lord God almyyti; thi weies ben iust and trewe, Lord, kyng of worldis.

⁵ Just art thou, Lord, that art, and that were hooli, that demest these thingis; ⁶ for thei schedden out the blood of halewis and prophetis, and thou hast youun to hem blood to drinke; for thei ben worthi. ⁷ And I herde anothir seiynge, Yhe! Lord God almiyti, trewe and iust ben thi domes.

¹ Aftir these thingis Y herde as a greet vois of many trumpis in heuene, seiynge, Alleluya; heriynge, and glorie, and vertu is to oure God; ² for trewe and iust ben the domes of hym, whiche demede of the greet hoore, that defoulide the erthe in her letcherye, and vengide the blood of hise seruauntis, of the hondis of hir. ³ And eft thei seiden, Alleluya. And the smoke of it stieth vp, in to worldis of worldis. ⁴ And the foure and twenti senyouris and foure beestis felden doun, and worschipiden God sittynge on the trone, and seiden, Amen, Alleluya. ⁵ And a vois wente out of the trone, and seide, Alle the seruauntis of oure God, seie ye heriyngus to oure God, and ye that dreden God, smale and grete. ⁶ And Y herde a vois of a grete trumpe, as the vois of many watris, and as the vois of grete thundris, seiynge, Alleluya; for oure Lord God almyyti hath regned.