Galatians 1:6 Cross References - Wycliffe

⁶ I wondur, that so soone ye be thus moued fro hym that clepid you in to the grace of Crist, in to another euangelie; which is not anothir,

¹³ And thei crieden to the Lord, whanne thei weren set in tribulacioun; and he delyuerede hem from her nedynessis.

¹³ And the Lord seide, For that this puple neiyeth with her mouth, and glorifieth me with her lippis, but her herte is fer fro me; and thei dredden me for the comaundement and techyngis of men, therfor lo!

¹² Heuenes, be ye astonyed on this thing, and, ye yatis of heuene, be ye desolat greetli, seith the Lord. ¹³ For whi my puple hath don tweyne yuels; thei han forsake me, the welle of quyke watir, and han diggid to hem cisternes, `that weren distried, that moun not holde watris.

⁶ And he wondride for the vnbileue of hem. And he wente aboute casteles on ech side, and tauyte.

³⁰ Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.

¹¹ But bi the grace of oure Lord Jhesu Crist we bileuen to be saued, as also thei.

² Bi whom we han niy goyng to, bi feith in to this grace, in which we stonden, and han glorie in the hope of the glorie of Goddis children.

³ For thei vnknowynge Goddis riytwisnesse, and sekynge to make stidefast her owne riytfulnesse, ben not suget to the riytwisnesse of God.

¹⁵ For whi if ye han ten thousynde of vndur maistris in Crist, but not many fadris; for in Crist Jhesu Y haue gendrid you bi the gospel.

⁴ For if he that cometh, prechith anothir Crist, whom we precheden not, or if ye taken another spirit, whom ye token not, or another gospel, which ye resseyueden not, riytli ye schulden suffre.

¹ Vnwitti Galathies, tofor whos iyen Jhesu Crist is exilid, and is crucified in you, who hath disseyued you, that ye obeyen not to treuthe? ² This oneli Y wilne to lerne of you, whether ye han vndurfonge the spirit of werkis of the lawe, or of heryng of bileue? ³ So ye ben foolis, that whanne ye han bigunne in spirit, ye ben endid in fleisch. ⁴ So grete thingis ye han suffrid without cause, if it be withoute cause. ⁵ He that yyueth to you spirit, and worchith vertues in you, whether of werkis of the lawe, or of hering of bileue?

⁹ But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue? ¹⁰ Ye taken kepe to daies, and monethis, and tymes, and yeris. ¹¹ But Y drede you, lest without cause Y haue trauelid among you. ¹² Be ye as Y, for Y am as ye. Britheren, Y biseche you, ye han hurt me no thing. ¹³ But ye knowen, that bi infirmyte of fleisch Y haue prechid to you now bifore; ¹⁴ and ye dispiseden not, nether forsoken youre temptacioun in my fleisch, but ye resseyueden me as an aungel of God, as `Crist Jhesu. ¹⁵ Where thanne is youre blessyng? For Y bere you witnesse, that if it myyte haue be don. ye wolden haue put out youre iyen, and haue yyuen hem to me.

⁴ And ye ben voidid awei fro Crist, and ye that be iustified in the lawe, ye han fallen awei fro grace.

⁷ Ye runnen wel; who lettide you that ye obeyede not to treuthe? ⁸ Consente ye to no man; for this counsel ys not of hym that hath clepid you.

¹⁴ Therfor, britheren, stonde ye, and holde ye the tradiciouns, that ye han lerud, ethir bi word, ethir bi oure pistle.

³ As Y preyede thee, that thou schuldist dwelle at Effesi, whanne Y wente into Macedonye, that thou schuldist denounce to summe men, that thei schulden not teche othere weie,

¹⁴ But the grace of oure Lord ouer aboundide, with feith and loue that is in Crist Jhesu.

⁹ that delyueride vs, and clepide with his hooli clepyng, not after oure werkis, but bi his purpos and grace, that is youun in Crist Jhesu bifore worldli tymes;

¹ Therfor thou, my sone, be coumfortid in grace that is in Crist Jhesu.

¹⁵ but lijk him that hath `clepid you hooli; that also `ye silf be hooli in `al lyuyng;

³ Hou alle thingis of his godlich vertu, that ben to lijf and pitee, ben youun to vs, bi the knowyng of hym, that clepide vs for his owne glorie and vertu.

²¹ The grace of oure Lord Jhesu Crist be with you alle. Amen.