Ezekiel 3:3 Cross References - Wycliffe

³ And he seide to me, Sone of man, thi wombe schal ete, and thin entrails schulen be fillid with this volym, which Y yyue to thee. And Y eet it, and it was maad as swete hony in my mouth.

¹² Y yede not awei fro the comaundementis of hise lippis; and Y hidde in my bosum the wordis of his mouth.

¹⁸ For Y am ful of wordis, and the spirit of my wombe, `that is, mynde, constreyneth me. <sup>19</sup> Lo! my wombe is as must with out `spigot, ether a ventyng, that brekith newe vessels.

¹⁰ Lord, make thou saaf the kyng; and here thou vs in the dai in which we inwardli clepen thee.

¹⁰ If wysdom entrith in to thin herte, and kunnyng plesith thi soule, ¹¹ good councel schal kepe thee, and prudence schal kepe thee; that thou be delyuered fro an yuel weie,

¹¹ Therfor Y am ful of the strong veniaunce of the Lord, and Y trauelide suffrynge. Schede thou out on a litil child with outforth, and on the counsel of yonge men togidere; for a man with his wijf schal be takun, and an eeld man with him that is ful of daies.

¹⁶ Thi wordis ben foundun, and Y eet tho; and thi word was maad to me in to ioye, and in to gladnesse of myn herte; for thi name, Lord God of oostis, is clepid to help on me.

⁹ And Y seide, Y schal not haue mynde on hym, and Y schal no more speke in his name. And the word of the Lord was maad, as fier swalynge in myn herte, and cloosid in my boonys; and Y failide, not suffryng to bere.

⁵³ Therfor the Jewis chidden togidere, and seiden, Hou may this yyue to vs his fleisch to ete? ⁵⁴ Therfor Jhesus seith to hem, Treuli, treuli, Y seie to you, but ye eten the fleisch of mannus sone, and drenken his blood, ye schulen not haue lijf in you. ⁵⁵ He that etith my fleisch, and drynkith my blood, hath euerlastynge lijf, and Y schal ayen reise hym in the laste dai. ⁵⁶ For my fleisch is veri mete, and my blood is very drynk. ⁵⁷ He that etith my fleisch, and drynkith my blood, dwellith in me, and Y in hym. ⁵⁸ As my fadir lyuynge sente me, and Y lyue for the fadir, and he that etith me, he schal lyue for me. ⁵⁹ This is breed, that cam doun fro heuene. Not as youre fadris eten manna, and ben deed; he that etith this breed, schal lyue withouten ende. ⁶⁰ He seide these thingis in the synagoge, techynge in Cafarnaum. ⁶¹ Therfor many of hise disciplis herynge, seiden, This word is hard, who may here it? ⁶² But Jhesus witynge at hym silf, that hise disciplis grutchiden of this thing, seide to hem, This thing sclaundrith you? ⁶³ Therfor if ye seen mannus sone stiynge, where he was bifor?

³⁸ He that bileueth in me, as the scripture seith, Floodis of quyk watir schulen flowe fro his wombe.

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

⁹ And Y wente to the aungel, and seide to hym, that he schulde yyue me the book. And he seide to me, Take the book, and deuoure it; and it schal make thi wombe to be bittir, but in thi mouth it schal be swete as hony. ¹⁰ And Y took the book of the aungels hond, and deuouride it, and it was in my mouth as swete hony; and whanne Y hadde deuourid it, my wombe was bittere. And he seide to me, It bihoueth thee eftsoone to prophesie to hethene men, and to puplis, and langagis, and to many kingis.