Exodus 3:10 Cross References - Wycliffe

¹⁰ But come thou, I schal sende thee to Farao, that thou lede out my puple, the sones of Israel, fro Egipt.

⁶ And Samuel seide to the puple, The Lord, that made Moises and Aaron, and ledde youre fadris out of the lond of Egipt, is present;

²⁰ For he smoot a stoon, and watris flowiden; and streemys yeden out in aboundaunce. Whether also he may yyue breed; ether make redi a bord to his puple?

⁶ The depthe of watris as a cloth is the clothing therof; watris schulen stonde on hillis. ⁷ Tho schulen fle fro thi blamyng; men schulen be aferd of the vois of thi thundur.

²⁶ And he reiside his hond on hem; to caste doun hem in desert.

¹¹ And he hadde mynde on the daies of the world, of Moises, and of his puple. Where is he, that ledde hem out of the see, with the scheepherdis of his floc? Where is he, that settide the spirit of his holi in the myddil therof; ¹² whiche ledde out Moises to the riyt half in the arm of his maieste? which departide watris bifore hem, that he schulde make to hym silf a name euerlastynge;

¹³ But bi a profete the Lord ledde Israel out of Egipt, and bi a profete he was kept.

⁴ For Y ledde thee out of the lond of Egipt, and of the hous of seruage Y delyuerede thee; and Y sente bifore thi face Moises, and Aaron, and Marye.

³⁴ Y seynge say the turmentyng of my puple that is in Egipt, and Y herde the mornyng of hem, and Y cam doun to delyuere hem. And now come thou, and Y schal sende thee in to Egipt.

³⁶ This Moises ledde hem out, and dide wondris and signes in the loond of Egipt, and in the reed see, and in desert fourti yeeris.