Exodus 2:14 Cross References - Wycliffe

¹⁴ Which answeride, Who ordeynede thee prince, ether iuge on vs? Whether thou wolt sle me, as thou killidist yisterdai the Egipcian? Moises dredde, and seide, Hou is this word maad opun?

⁸ Therfor Abram seide to Loth, Y biseche, that no strijf be bitwixe me and thee, and bitwixe my scheepherdis and thi scheepherdis; for we ben britheren.

⁹ And thei seiden, Go thou fro hennus. And eft thei seiden, Thou entridist as a comelyng; wher that thou deme? therfor we schulen turment thee more than these. And thei diden violentli to Loth ful greetli. Thanne it was nyy that thei wolden breke the doris; and lo!

⁸ Hise britheren answerden, Whether thou shalt be oure kyng, ethir we shulen be maad suget to thi lordschip? Therfor this cause of sweuenys and wordis mynystride the nurschyng of enuye, and of hatrede. ⁹ Also Joseph seiy another sweuene, which he telde to the britheren, and seide, Y seiy bi a sweuene that as the sunne, and moone, and enleuen sterris worschipiden me. ¹⁰ And whanne he hadde teld this sweuene to his fadir, and britheren, his fadir blamyde him, and seide, What wole this sweuene to it silf which thou hast seyn? Whether Y and thi modir, and thi britheren, schulen worschipe thee on erthe? ¹¹ Therfor hise britheren hadden enuye to hym. Forsothe the fadir bihelde pryuely the thing,

¹⁹ thei thouyten to sle hym, and spaken to gidere, Lo! the dremere cometh, come ye, ²⁰ sle we hym, and sende we into an eld sisterne, and we schulen seie, A wielde beeste ful wickid hath deuourid hym; and thanne it schal appere what hise dremes profiten to hym.

³ And whanne `thei hadden stonde ayens Moises and Aaron, thei seiden, Suffice it to you, for al the multitude is of hooly men, and the Lord is in hem; whi ben ye reisid on the puple of the Lord?

¹³ Whethir is it litil to thee, that thou leddist vs out of the lond that flowide with mylk and hony, to sle vs in the deseert, no but also thou be lord of vs?

² The kyngis of erthe stoden togidere; and princes camen togidere ayens the Lord, and ayens his Crist? ³ Breke we the bondis of hem; and cast we awei the yok of hem fro vs. ⁴ He that dwellith in heuenes schal scorne hem; and the Lord schal bimowe hem. ⁵ Thanne he schal speke to hem in his ire; and he schal disturble hem in his stronge veniaunce. ⁶ Forsothe Y am maad of hym a kyng on Syon, his hooli hil; prechynge his comaundement.

¹² As the gnasting of a lioun, so and the ire of the king; and as deewe on eerbe, so and the gladnesse of the kyng.

²⁵ He that dredith a man, schal falle soon; he that hopith in the Lord, shal be reisid.

²³ And whanne he cam in to the temple, the princis of prestis and elder men of the puple camen to hym that tauyte, and seiden, In what power doist thou these thingis? and who yaf thee this power?

¹⁴ And he seyde to hym, Man, who ordeynede me a domesman, or a departere, on you?

¹⁴ But hise citeseyns hatiden hym, and senten a messanger aftir hym, and seiden, We wolen not, that he regne on vs.

²⁷ Netheles brynge ye hidur tho myn enemyes, that wolden not that Y regnede on hem, and sle ye bifor me.

²⁶ For in the dai suynge he apperide to hem chidinge, and he acordide hem in pees, and seide, Men, ye ben britheren; whi noyen ye ech othere? ²⁷ But he that dide the wronge to his neiybore, puttide hym awey, and seide, Who ordeynede thee prince and domesman on vs? ²⁸ Whethir thou wolt sle me, as yistirdai thou killidist the Egipcian?

³⁵ This Moises whom thei denyeden, seiynge, Who ordeynede thee prince and domesman on vs? God sente this prince and ayenbiere, with the hoond of the aungel, that apperide to hym in the busch.