Exodus 12:3 Cross References - Wycliffe

³ Speke ye to al the cumpanye of the sones of Israel, and seie ye to hem, In the tenthe dai of this monethe ech man take a lomb by hise meynees and housis;

⁴ and Abel offride of the first gendrid of his floc, and of the fatnesse of tho. And the Lord bihelde to Abel and to the yiftis of hym;

⁸ Abraham seide, My sone, God schal puruey to hym the beeste of brent sacrifice.

³⁰ And Aaron spak alle the wordis, whiche the Lord hadde seid to Moises, and he dide the signes bifore the puple;

⁶ Therfor seie thou to the sones of Israel, Y am the Lord, that schal lede out you of the prisoun of Egipcians; and Y schal delyuere fro seruage; and Y schal ayen bie in `an hiy arm, and in grete domes;

⁶ and ye schulen kepe hym til to the fouretenthe dai of this monethe; and al the multitude of the sones of Israel schal offre hym at euentid.

¹⁵ And the Lord seide to Moises, What criest thou to me? Speke thou to the sones of Israel, that thei go forth; forsothe reise thou thi yerde,

¹⁹ and seiden to Moises, Speke thou to vs, and we schulen here; the Lord speke not to vs, lest perauenture we dien.

² Speke thou to the sones of Israel, and thou schalt seie to hem, A man of you, that offrith to the Lord a sacrifice of beestis, that is, of oxun and of scheep, and offrith slayn sacrifices, if his offryng is brent sacrifice,

⁶ and the preest schal preie for hym, and for his synne.

¹ And the Lord spak to Moises in the deseert of Synay, in the tabernacle of the boond of pees, in the firste day of the secounde monethe, in the tother yeer of her goyng out of Egipt, ² and seide, Take ye `the summe of al the congregacioun of the sones of Israel, bi her kynredis, and howsis, and `the names of alle bi hem silf, what ³ euer thing is of male kynde fro the twentithe yeere and aboue, of alle the stronge men of Israel; and thou and Aaron schulen noumbre hem bi her cumpanies. ⁴ And the princes of lynagis and of housis, in her kynredis, schulen be with you, ⁵ of whiche princes these ben the names; of Ruben, Elisur, the sone of Sedeur; ⁶ of Symeon, Salamyel, the sone of Suri Sadday; ⁷ of Juda, Naason, the sone of Amynadab; of Ysacar, ⁸ Nathanael, the sone of Suar; ⁹ of Zabulon, Eliab, the sone of Elon; sotheli of the sones of Joseph, ¹⁰ of Effraym, Elisama, the sone of Amyud; of Manasses, Gamaliel the sone of Phadussur; ¹¹ of Beniamyn, Abidan, the sone of Gedeon; ¹² of Dan, Aiezer, the sone of Amysadday; ¹³ of Aser, Fegiel, the sone of Ochran; ¹⁴ of Gad, Elisaphan, the sone of Duel; ¹⁵ of Neptalym, Hayra, the sone of Henam. ¹⁶ These weren the noblest princes of the multitude, bi her lynagis, and kynredis, and the heedis of the oost of Israel, ¹⁷ whiche pryncis Moises and Aaron token, with al the multitude of the comyn puple. ¹⁸ And thei gaderiden in the firste dai of the secounde monethe, and telden hem bi kynredis, and housis, and meynees, and heedis, and names of alle by hem silf, fro the twentithe yeer and aboue, ¹⁹ as the Lord comaundide to Moises. ²⁰ And of Ruben the firste gendrid of Israel weren noumbrid, in the deseert of Synai, bi her generaciouns, and meynees, and housis, and bi the names of alle heedis, al thing that is of male kynde, fro `the twentithe yeer and aboue, of men goynge forth to batel, <sup>21</sup> sixe and fourti thousynd and fyue hundrid. <sup>22</sup> Of the sones of Symeon, bi her generaciouns, and meynees, and housis of her kyneredis, weren noumbrid, bi the names and heedis of alle, al that is of male kynde, fro `the twentithe yeer and aboue, of men goynge forth to batel, ²³ nyn and fifty thousand and thre hundrid. ²⁴ Of the sones of Gad, by generaciouns, and meynees, and housis of her kynredis, weren noumbrid, bi the names of alle, fro twenti yeer and aboue, alle men that yeden forth to batels, ²⁵ fyue and fourti thousand sixe hundrid and fifti. ²⁶ Of the sones of Juda, bi generaciouns, and meynees, and housis of her kynredis, by the names of alle, fro `the twentithe yeer and aboue, alle men that miyten go to batels, <sup>27</sup> weren noumbrid foure and seuenti thousand and sixe hundrid. <sup>28</sup> Of the sones of Ysacar, bi generaciouns, and meynees, and housis of her kynredis, bi the names of alle, fro `the twentithe yeer and aboue, alle men that yeden forth to batels, ²⁹ weren noumbrid foure and fifti thousande and foure hundrid. ³⁰ Of the sones of Zabulon, bi generaciouns, and meynees, and housis of her kynredis, weren noumbrid, bi the names of alle, fro `the twentithe yeer and aboue, alle men that myyten go forth to batels, <sup>31</sup> seuene and fifti thousynde and foure hundrid. <sup>32</sup> Of the sones of Joseph, of the sones of Effraym, bi generaciouns, and meynees, and housis of her kynredis, weren noumbrid, bi the names of alle, fro `the twentithe yeer and aboue, alle men that myyten go forth to batels, ³³ fourti thousynde and fyue hundrid. ³⁴ Forsothe of the sones of Manasses, bi generaciouns, and meynees, and housis of her kynredis, weren noumbrid, bi the names of alle, fro the twentithe yeer and aboue, alle men that myyten go forth to batels, ³⁵ two and thretti thousynd and two hundrid. ³⁶ Of the sones of Beniamyn, bi generaciouns, and meynees, and housis of her kynredis, weren noumbrid, bi the names of alle, fro twenti yeer and aboue, alle men that miyten go forth to batels, ³⁷ fyue and thretti thousinde and foure hundrid. ³⁸ Of the sones of Dan, bi generaciouns, and meynees, and housis of her kynredis, weren noumbrid, bi the names of alle, fro `the twentithe yere and aboue, alle men that myyten go forth to batels, <sup>39</sup> two and sixti thousynde and seuene hundrid. <sup>40</sup> Of the sones of Aser, bi generaciouns, and meynees, and housis of her kynredis, weren noumbrid, bi the names of alle, fro `the twentithe yeer and aboue, alle men that myyten go forth to batels, ⁴¹ fourti thousynde and a thousynde and fyue hundrid. ⁴² Of the sones of Neptalym, bi generaciouns, and meynees, and housis of her kynredis, weren noumbrid, bi the names of alle, fro `the twentithe yeer and aboue, alle men that myyten go forth to batels, <sup>43</sup> thre and fifty thousynde and foure hundrid. <sup>44</sup> These men it ben, whiche Moises and Aaron and the twelue princes of Israel noumbriden, alle bi the housis `of her kynredis. ⁴⁵ And alle men of the sones of Israel bi her housis, and meynees, fro `the twentithe yeer and aboue, that myyten go forth to batels, weren togidere <sup>46</sup> sixe hundrid thousynde and thre thousynde of men, fyue hundred and fifti. <sup>47</sup> Sotheli the dekenes in the lynage of her meynes weren not noumbrid with hem. <sup>48</sup> And the Lord spak to Moises, and seide, `Nyle thou noumbre the lynage of Leuy, ⁴⁹ nether sette thou the summe of hem with the sones of Israel; ⁵⁰ but thou schalt ordeyne hem on the tabernacle of witnessing, and on alle the vessels therof, and what euer thing perteyneth to cerymonyes ether sacrifices. Thei schulen bere the tabernacle, and alle purtenaunces therof, and thei schulen be in seruyce, and schulen sette tentis bi the cumpas of the tabernacle. ⁵¹ Whanne me schal go, the dekenes schulen do doun the tabernacle; whanne the tentis schulen be sette, thei schulen `reise the tabernacle. Who euer of straungeris neiyeth, he schal be slayn. <sup>52</sup> Sotheli the sones of Israel schulen sette tentis, ech man bi cumpenyes, and gaderyngis, and his oost; <sup>53</sup> forsothe the dekenes schulen sette tentis bi the cumpas of the tabernacle, lest indignacioun be maad on the multitude of the sones of Israel; and thei schulen wake in the kepyngis of the `tabernacle of witnessyng. ⁵⁴ Therfor the sones of Israel diden bi alle thingis whiche the Lord comaundide to Moises.

¹¹ So ye schulen do bi ech oxe, and ram,

¹⁴ And ye schulen come eerli, alle men bi youre lynagis; and whateuer lynage the lot schal fynde, it schal come bi hise meynees; and the meynee schal come bi housis, and the hous schal come bi men.

⁹ Forsothe Samuel took o soukynge lomb, and offride that hool in to brent sacrifice to the Lord. And Samuel criede to the Lord for Israel; and the Lord herde hym.

⁷ Ferthermore Josie yaf to al the puple, that was foundun there in the solempnytee of pask, lambren, and kidis of the flockis, and of residue scheep `he yaf thritti thousynde, and of oxis thre thousynde; these thingis of al the catel of the kyng.

²⁹ Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world.

³⁶ and he biheeld Jhesu walkinge, and seith, Lo! the lomb of God.

¹ Therfor Jhesus bifor sixe daies of pask cam to Bethanye, where Lazarus hadde be deed, whom Jhesus reiside.

¹² But on the morew a myche puple, that cam togidere to the feeste dai, whanne thei hadden herd, that Jhesus cam to Jerusalem,

⁷ Clense ye out the old sourdow, that ye be new sprengyng togidere, as ye ben therf. For Crist offrid is oure pask.

⁶ And Y say, and lo! in the myddil of the trone, and of the foure beestis, and in the myddil of the eldre men, a lombe stondynge as slayn, that hadde seuene hornes, and seuene iyen, whiche ben seuene spiritis of God, sent in to al the erthe. ⁷ And he cam, and took of the riythond of the sittere in the trone the book. ⁸ And whanne he hadde opened the book, the foure beestis and the foure and twenti eldre men fellen doun bifore the lomb; and hadden ech of hem harpis, and goldun violis ful of odours, whiche ben the preyeris of seyntis. ⁹ And thei sungun a newe song, and seiden, Lord oure God, thou art worthi to take the book, and to opene the seelis of it; for thou were slayn, and ayenbouytist vs to God in thi blood, of ech lynage, `and tunge, and puple, and nacioun; ¹⁰ and madist vs a kyngdom, and prestis to oure God; and we schulen regne on erthe. ¹¹ And Y say, and herde the vois of many aungels al aboute the trone, and of the beestis, and of the eldre men. And the noumbre of hem was thousyndis of thousyndis, seiynge with a greet vois, ¹² The lomb that was slayn, is worthi to take vertu, and godhed, and wisdom, and strengthe, and onour, and glorie, and blessing. ¹³ And ech creature that is in heuene, and that is on erthe, and vndur erthe, and the see, and whiche thingis ben in it, Y herde alle seiynge, To hym that sat in the trone, and to the lomb, blessyng, and onour, and glorie, and power, in to worldis of worldis.

⁹ Aftir these thingis Y sai a greet puple, whom no man myyte noumbre, of alle folkis, and lynagis, and puplis, and langagis, stondinge bifore the trone, in the siyt of the lomb; and thei weren clothid with white stoolis, and palmes weren in the hondis of hem. ¹⁰ And thei crieden with greet vois, and seiden, Heelthe to oure God, that sittith on the troone, and to the lombe. ¹¹ And alle aungels `stoden al aboute the trone, and the eldre men, and the foure beestis. And thei fellen doun in the siyt of the trone, on her faces, and worschipiden God, and seiden, Amen! ¹² blessyng, and clerenesse, and wisdom, and doynge of thankingis, and honour, and vertu, and strengthe to oure God, in to worldis of worldis. ¹³ Amen. And oon of the senyours answerde, and seide to me, Who ben these, that ben clothid with white stoolis? and fro whennus came thei? ¹⁴ And Y seide to hym, My lord, thou woost. And he seide to me, These ben thei, that camen fro greet tribulacioun, and waischiden her stoolis, and maden hem white in the blood of the lomb.

⁸ And alle men worschipiden it, that dwellen in erthe, whos names ben not writun in the book of lijf of the lomb, that was slayn fro the bigynnyng of the world.