Ephesians 4:16 Cross References - Wycliffe

¹⁶ of whom alle the bodi set togidere, and boundun togidere bi ech ioynture of vnder seruyng, bi worching in to the mesure of ech membre, makith encreesyng of the bodi, in to edificacioun of it silf in charite.

¹⁰ Whether thou hast not mylkid me as mylk, and hast cruddid me togidere as cheese? ¹¹ Thou clothidist me with skyn and fleisch; thou hast ioyned me togidere with boonys and senewis.

⁵ Y am a vyne, ye the braunchis. Who that dwellith in me, and Y in hym, this berith myche fruyt, for with outen me ye moun no thing do.

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth.

¹² For as ther is o body, and hath many membris, and alle the membris of the bodi whanne tho ben manye, ben o bodi, so also Crist. ¹³ For in o spirit alle we ben baptisid `in to o bodi, ether Jewis, ether hethene, ether seruauntis, ether free; and alle we ben fillid with drink in o spirit. <sup>14</sup> For the bodi is not o membre, but manye. <sup>15</sup> If the foot seith, For Y am not the hoond, Y am not of the bodi; not therfor it is not of the bodi. <sup>16</sup> And if the ere seith, For Y am not the iye, Y am not of the bodi; not therfor it is not of the bodi. <sup>17</sup> If al the bodi is the iye, where is heryng? and if al the bodi is heryng, where is smellyng? <sup>18</sup> But now God hath set membris, and ech of hem in the bodi, as he wolde. <sup>19</sup> That if alle weren o membre, where were the bodi? <sup>20</sup> But now ther ben many membris, but o bodi. <sup>21</sup> And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me. <sup>22</sup> But myche more tho that ben seyn to be the lowere membris of the bodi, ben more nedeful; <sup>23</sup> and thilke that we gessen to be the vnworthier membris of the bodi, we yyuen more honour `to hem; and tho membris that ben vnonest, han more oneste. ²⁴ For oure oneste membris han nede of noon; but God tempride the bodi, yyuynge more worschip to it, to whom it failide, ²⁵ that debate be not in the bodi, but that the membris be bisi in to the same thing ech for othere. ²⁶ And if o membre suffrith ony thing, alle membris suffren therwith; ethir if o membre ioieth, alle membris ioien togidere. ²⁷ And ye ben the bodi of Crist, and membris of membre. ²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.

⁴ Charite is pacient, it is benygne; charite enuyeth not, it doith not wickidli, it is not blowun, ⁵ it is not coueytouse, it sekith not tho thingis that ben hise owne, it is not stirid to wraththe, it thenkith not yuel, ⁶ it ioyeth not on wickidnesse, but it ioieth togidere to treuthe; ⁷ it suffrith alle thingis, it bileueth alle thingis, it hopith alle thingis, it susteyneth alle thingis. ⁸ Charite fallith neuere doun, whether prophecies schulen be voidid, ethir langagis schulen ceesse, ethir science schal be distried. ⁹ For a parti we knowun, and a parti we prophecien;

¹³ And now dwellen feith, hope, and charite, these thre; but the most of these is charite.

⁶ For in Jhesu Crist nether circumcisioun is ony thing worth, nether prepucie, but the bileue that worchith bi charite.

¹³ For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere. ¹⁴ For euery lawe is fulfillid in o word, Thou schalt loue thi neiybore as thi silf.

²² But the fruyt of the spirit is charite, ioye, pees, pacience, long abidyng,

⁴ as he hath chosun vs in hym silf bifor the makyng of the world, that we weren hooli, and with out wem in his siyt, in charite.

⁷ whos mynystre Y am maad, bi the yifte of Goddis grace, which is youun to me bi the worchyng of his vertu.

¹⁷ that Crist dwelle bi feith in youre hertis; that ye rootid and groundid in charite,

¹² to the ful endyng of seyntis, in to the werk of mynystrie, in to edificacioun of Cristis bodi,

¹⁵ But do we treuthe in charite, and wexe in him by alle thingis, that is Crist oure heed;

⁹ And this thing Y preie, that youre charite be plenteuouse more and more in kunnyng, and in al wit;

² that her hertis ben coumfortid, and thei ben tauyt in charite, in to alle the richessis of the plente of the vndurstondyng, in to the knowyng of mysterie of God, the fadir of Jhesu Crist,

¹⁹ and not holdynge the heed, of which al the bodi, bi boondis and ioynyngis togidere vndur mynystrid and maad, wexith in to encreessing of God.

³ hauynge mynde of the werk of youre feith, and trauel, and charite, and abyding of the hope of oure Lord Jhesu Crist, bifor God and oure fadir.

¹³ Therfor we doon thankingis to God with outen ceessyng. For whanne ye hadden take of vs the word `of the heryng of God, ye token it not as the word of men, but as `it is verili, the word of God, that worchith in you that han bileued.

¹² And the Lord multiplie you, and make youre charite to be plenteuouse of ech to othere, and in to alle men, as also we in you;

⁹ But of the charite of britherhed we hadden no nede to write to you; ye silf han lerud of God, that ye loue togidere; ¹⁰ for ye don that in to alle britheren in al Macedonye. And, britheren, we preyen you, that ye abounde more; and taken kepe, that ye be quyet;

³ We owen to do thankyngis eueremore to God for you, britheren, so as it is worthi, for youre feith ouer wexith, and the charite of ech of you to othere aboundith.

⁵ For the ende of comaundement is charite of clene herte, and good conscience, and of feith not feyned.

²² And make ye chast youre soulis in obedience of charite, in loue of britherhod; of simple herte loue ye togidre more bisili.

¹⁶ And we han knowun, and bileuen to the charite, that God hath in vs. God is charite, and he that dwellith in charite, dwellith in God, and God in hym.