Ecclesiastes 9:16 Cross References - Wycliffe

¹⁶ And Y seide, that wisdom is betere than strengthe; hou therfor is the wisdom of a pore man dispisid, and hise wordis ben not herd?

¹⁵ The catel of a riche man is the citee of his strengthe; the drede of pore men is the nedynesse of hem.

²² A wijs man stiede `in to the citee of stronge men, and distriede the strengthe of trist therof.

⁵ A wijs man is strong, and a lerned man is stalworth and miyti.

¹⁹ It is good, that thou susteyne a iust man; but also withdrawe thou not thin hond from hym; for he that dredith God, is not necligent of ony thing.

² And whanne the sabat was come, Jhesus bigan to teche in a synagoge. And many herden, and wondriden in his techyng, and seiden, Of whennus to this alle these thingis? and what is the wisdom that is youun to hym, and siche vertues whiche ben maad bi hise hondis? ³ Whether this is not a carpenter, the sone of Marie, the brother of James and of Joseph and of Judas and of Symount? whether hise sistris ben not here with vs? And thei weren sclaundrid in hym.

⁴⁷ Therfor the Farisees answeriden to hem, Whether ye ben disseyued also? ⁴⁸ whether ony of the pryncis or of the Farisees bileueden in hym? ⁴⁹ But this puple, that knowith not the lawe, ben cursid.

²⁴ Therfor eftsoone thei clepiden the man, that was blynd, and seiden to hym, Yyue thou glorie to God; we witen, that this man is a synnere. ²⁵ Thanne he seide, If he is a synnere, Y woot neuer; o thing Y woot, that whanne Y was blynd, now Y se. ²⁶ Therfor thei seiden to hym, What dide he to thee? hou openyde he thin iyen? ²⁷ He answerde to hem, Y seide to you now, and ye herden; what wolen ye eftsoone here? whether ye wolen be maad hise discyplis? ²⁸ Therfor thei cursiden hym, and seiden, Be thou his disciple; we ben disciplis of Moises. ²⁹ We witen, that God spak to Moises; but we knowen not this, of whennus he is. ³⁰ Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen. ³¹ And we witen, that God herith not synful men, but if ony `man is worschypere of God, and doith his wille, he herith hym. ³² Fro the world it is not herd, that ony man openyde the iyen of a blynd borun man; but this were of God, ³³ he myyt not do ony thing. ³⁴ Thei answeriden, and seiden to hym, Thou art al borun in synnes, and techist thou vs? And thei putten hym out.

²⁶ But, britheren, se ye youre clepyng; for not many wise men aftir the fleisch, not many myyti, not many noble. ²⁷ But God chees tho thingis that ben fonned of the world, to confounde wise men; ²⁸ and God chees the feble thingis of the world, to confounde the stronge thingis; and God chees the vnnoble thingis `and dispisable thingis of the world, and tho thingis that ben not, to distruye tho thingis that ben; ²⁹ that ech man haue not glorie in his siyt.

² For if a man `that hath a goldun ring, and in a feire clothing, cometh in youre cumpany, and a pore man entrith in a foul clothing, ³ and if ye biholden in to hym that is clothid with clere clothing, and if ye seie to hym, Sitte thou here wel; but to the pore man ye seien, Stonde thou there, ethir sitte vndur the stool of my feet; whether ye demen not anentis you silf, ⁴ and ben maad domesmen of wickid thouytis? ⁵ Heere ye, my moost dereworthe britheren, whethir God chees not pore men in this world, riche in feith, and eiris of the kyngdom, that God bihiyte to men that louen him? ⁶ But ye han dispisid the pore man. Whether riche men oppressen not you bi power, and thei drawen you to domes?