Ecclesiastes 4:4 Cross References - Wycliffe

⁴ Eft Y bihelde alle the trauelis of men, and bisynesses; and Y perseyuede that tho ben opyn to the enuye of neiybore; and therfor in this is vanyte, and superflu bisynesse. ⁴ and it is myche betere to make not a vowe, than aftir a vowe to yelde not biheestis.

⁴ and Abel offride of the first gendrid of his floc, and of the fatnesse of tho. And the Lord bihelde to Abel and to the yiftis of hym; ⁵ sotheli he bihelde not to Cayn and to hise yiftis. And Cayn was wrooth greetli, and his cheer felde doun. ⁶ And the Lord seide to hym, Whi art thou wrooth, and whi felde doun thi face? ⁷ Whether not if thou schalt do wel, thou schalt resseyue; but if thou doist yuele, thi synne schal be present anoon in the yatis? but the desir therof schal be vndur thee, and thou schalt be lord therof. ⁸ And Cayn seide to Abel his brother, Go we out. And whanne thei weren in the feeld, Cayn roos ayens his brother Abel, and killide him.

² Joseph whanne he was of sixtene yeer, yit a child, kepte a flok with hise britheren, and was with the sones of Bala and Zelfa, wyues of his fadir; and he accuside his britheren at the fadir of `the worste synne. <sup>3</sup> Forsothe Israel louyde Joseph ouer alle hise sones, for he hadde gendrid hym in eelde; and he made to Joseph a cote of many colours. <sup>4</sup> Forsothe hise britheren sien that he was loued of the fader more than alle, and thei hatiden hym, and myyten not speke ony thing pesibli to hym. <sup>5</sup> And it bifelde that he telde to hise britheren a sweuene seyn, which cause was `the seed of more hatrede. ⁶ And Joseph seide to his britheren, Here ye the sweuene which Y seiy, ⁷ Y gesside that we bounden to gidere handfuls, and that as myn handful roos, and stood, and that youre handfuls stoden aboute and worschipiden myn handful. ⁸ Hise britheren answerden, Whether thou shalt be oure kyng, ethir we shulen be maad suget to thi lordschip? Therfor this cause of sweuenys and wordis mynystride the nurschyng of enuye, and of hatrede. ⁹ Also Joseph seiy another sweuene, which he telde to the britheren, and seide, Y seiy bi a sweuene that as the sunne, and moone, and enleuen sterris worschipiden me. ¹⁰ And whanne he hadde teld this sweuene to his fadir, and britheren, his fadir blamyde him, and seide, What wole this sweuene to it silf which thou hast seyn? Whether Y and thi modir, and thi britheren, schulen worschipe thee on erthe? ¹¹ Therfor hise britheren hadden enuye to hym. Forsothe the fadir bihelde pryuely the thing,

⁸ Saul was wrooth greetli, and this word displeside `in his iyen; and he seide, Thei yauen ten thousynde to Dauid, and `thei yauen a thousynde to me; what leeueth to hym, no but the rewme aloone? ⁹ Therfor Saul bihelde Dauid not with `riytful iyen, `fro that dai and afterward.

¹⁴ And Dauid dide warli in alle hise weies, and the Lord was with hym; ¹⁵ and so Saul siy that Dauid was ful prudent, and he bigan to be war of Dauid. ¹⁶ Forsothe al Israel and Juda louyden Dauid; for he entride and yede out bifor hem.

²⁹ Forsothe Mychol, `the douyter of Saul, louide Dauid, and Saul bigan more to drede Dauid; and Saul was maad enemye to Dauid in alle daies. ³⁰ And the princes of Filisteis yeden out; forsothe fro the bigynnyng of her goyng out Dauyd bar hym silf more warli than alle the men of Saul; and the name of Dauid was maad ful solempne.

⁴ Ire hath no merci, and woodnesse brekynge out `hath no merci; and who mai suffre the fersnesse of a spirit stirid?

¹⁴ I siy alle thingis that ben maad vndur the sunne, and lo! alle thingis ben vanyte and turment of spirit.

²¹ For whi whanne another man trauelith in wisdom, and techyng, and bisynesse, he leeueth thingis getun to an idel man; and therfor this is vanyte, and greet yuel.

²⁶ God yaf wisdom, and kunnyng, and gladnesse to a good man in his siyt; but he yaf turment, and superflu bisynesse to a synnere, that he encreesse, and gadere togidere, and yyue to hym that plesith God; but also this is vanyte, and veyn bisynesse of soule.

¹⁶ The noumbre of puple, of alle that weren bifore hym, is greet with outen mesure, and thei that schulen come aftirward, schulen not be glad in hym; but also this is vanyte and turment of the spirit.

⁹ It is betere to se that, that thou coueitist, than to desire that, that thou knowist not; but also this is vanyte, and presumpcioun of spirit.

¹¹ Wordis ben ful manye, and han myche vanyte in dispuytinge.

¹⁸ For he wiste, that bi enuye thei bitraieden hym.

⁹ And the patriarkis hadden enuye to Joseph, and selden hym in to Egipt.

⁵ Whether ye gessen, that the scripture seith veynli, The spirit that dwellith in you, coueitith to enuye?

¹² not as Caym, that was of the yuele, and slouy his brother. And for what thing slouy he him? for hise werkis weren yuele, and hise brotheris iust.