Deuteronomy 27:16 Cross References - Wycliffe

¹⁶ He is cursid that onoureth not his fadir and modir; and al the puple schal seie, Amen!

¹² Onoure thi fadir and thi moder, that thou be long lyuyng on the lond, which thi Lord God schal yyue to thee.

¹⁷ He that stelith a man, and sillith hym, if he is conuyt of the gilt, die bi deeth.

³ Ech man drede his fadir and his modir. Kepe ye my sabatis; Y am youre Lord God.

⁹ He that cursith his fadir, ether modir, die bi deeth; if a man cursith fadir and modir, his blood be on hym.

¹⁸ If a man gendrith a sone rebel, and ouerthewert, which herith not the comaundement of fadir and modir, and he is chastisid, ¹⁹ and dispisith to obei, thei schulen take hym, and schulen lede to the eldre men of that citee, and to the yate of doom; ²⁰ and thei schulen seie to hem, This oure sone is ouerthewert and rebel; he dispisith to here oure monestyngis, `ethir heestis, he yyueth tent to glotonyes, and letcherie, and feestis. ²¹ The puple of the citee schal oppresse hym with stoonus, and he schal die, that ye do awei yuel fro the myddis of you, and that al Israel here, and drede.

¹¹ A generacioun that cursith his fadir, and that blessith not his modir. ¹² A generacioun that semeth cleene to it silf, and netheles is not waischun fro hise filthis. ¹³ A generacioun whose iyen ben hiy, and the iye liddis therof ben reisid in to hiy thingis. ¹⁴ A generacioun that hath swerdis for teeth, and etith with hise wank teeth; that it ete nedi men of erthe, and the porails of men. ¹⁵ The watir leche hath twei douytris, seiynge, Brynge, bringe. Thre thingis ben vnable to be fillid, and the fourthe, that seith neuere, It suffisith; ¹⁶ helle, and the mouth of the wombe, and the erthe which is neuere fillid with water; but fier seith neuere, It suffisith. ¹⁷ Crowis of the stronde picke out thilke iye, that scorneth the fadir, and that dispisith the child beryng of his modir; and the briddis of an egle ete that iye.

⁷ Thei punyschiden with wrongis fadir and modir in thee, thei calengiden falsli a comelyng in the myddis of thee, thei maden sori a fadirles child and a widewe at thee.

⁴ For God seide, Honoure thi fadir and thi modir, and he that cursith fadir or modir, die bi deeth. ⁵ But ye seien, Who euer seith to fadir or modir, What euere yifte is of me, it schal profite to thee; ⁶ and he hath not worschipid his fadir or his modir; and ye han maad the maundement of God voide for youre tradicioun.