Deuteronomy 24:13 Cross References - Wycliffe

¹³ but anoon thou schalt yelde to hym bifor the goyng doun of the sunne, that he slepe in his cloth, and blesse thee, and thou haue riytfulnesse bifor thi Lord God.

⁶ Abram bileuede to God, and it was arettid to hym to riytfulnesse.

²⁶ If thou takist of thi neiybore `a wed a clooth, thou schalt yelde to hym bifore the goyng doun of the sunne; ²⁷ for that aloone is the cloothing of his fleisch, with which he is hilid, nether he hath another, in which he slepith; if he crieth to me, Y schal here hym; for Y am mercyful.

²⁵ And he schal be merciful to vs, if we schulen do and kepe alle hise heestis, bifor oure Lord God, as he comaundide to vs.

⁹ Be thou war lest perauenture wickid thouyt crepe priueli to thee, and thou seie in thin herte, The seuenthe yeer of remyssioun neiyeth; and thou turne awey the iyen fro thi pore brother, and thou nyle yyue to hym the loone that he axith; lest he crie ayens thee to the Lord, and it be maad to thee in to synne. ¹⁰ But thou schalt yyue to hym, and thou schalt `not do ony thing falsly in releuynge `hise nedis, that thi Lord God blesse thee in al tyme, and in alle thingis to whiche thou schalt sette to hond.

¹⁵ but in the same dai thou schalt yelde to hym the prijs of his trauel, bifor the goyng doun of the sunne, for he is pore, and susteyneth therof his lijf; lest he crye ayens thee to the Lord, and it be arettid to thee into synne.

⁷ Thei leeuen men nakid, and taken awei the clothis, to whiche men is noon hiling in coold; ⁸ whiche men the reynes of munteyns weeten, and thei han noon hilyng, and biclippen stoonys.

¹¹ An eere herynge blesside me, and an iye seynge yeldide witnessyng to me; ¹² for Y hadde delyueride a pore man criynge, and a fadirles child, that hadde noon helpere. ¹³ The blessyng of a man `to perische cam on me, and Y coumfortide the herte of a widewe.

¹⁶ If Y denyede to pore men that, that thei wolden, and if Y made the iyen of a wydewe to abide; ¹⁷ if Y aloone eet my mussel, and a faderles child eet not therof; ¹⁸ for merciful doyng encreesside with me fro my yong childhed, and yede out of my modris wombe with me; ¹⁹ if Y dispiside a man passynge forth, for he hadde not a cloth, and a pore man with out hilyng; ²⁰ if hise sidis blessiden not me, and was not maad hoot of the fleeces of my scheep;

³⁰ And thei weren glad, for tho weren stille; and he ladde hem forth in to the hauene of her wille. ³¹ The mercies of the Lord knouleche to hym; and hise merueilis to the sones of men.

⁹ Which makith a bareyn womman dwelle in the hous; a glad modir of sones.

⁸ Thanne thi liyt schal breke out as the morewtid, and thin helthe schal rise ful soone; and thi riytfulnesse schal go bifore thi face, and the glorie of the Lord schal gadere thee.

⁷ and makith not a man sori, yeldith the wed to the dettour, rauyschith no thing bi violence, yyueth his breed to the hungri, and hilith a nakid man with a cloth;

¹² makynge soreuful a nedy man and pore, rauyschynge raueyns, not yeldinge a wed, reisynge hise iyen to idols, doynge abhomynacioun; yiuynge to vsure, and takynge more;

¹⁶ and makith not sori a man, witholdith not a wed, and rauyschith not raueyn, yyueth his breed to the hungri, and hilith the nakid with a cloth;

¹⁵ and if thilke wickid man restorith a wed, and yeldith raueyn, and goith in comaundementis of lijf, and doith not ony vniust thing, he schal lyue bi lijf, and schal not die.

²⁷ and the kyng answeride, and seide, Whether this is not Babiloyne, the greet citee, which Y bildide in to the hous of rewme, in the miyt of my strengthe, and in the glorie of my fairnesse?

⁸ And thei eeten on clothis leid to wedde bisidis ech auter, and drunken the wyn of dampned men in the hous of her God.

¹³ bi the preuyng of this mynystrie, which glorifien God in the obedience of youre knouleching in the gospel of Crist, and in symplenesse of comynycacioun in to hem and in to alle, ¹⁴ and in the biseching of hem for you, that desiren you for the excellent grace of God in you.

²⁶ Be ye wrooth, and nyle ye do synne; the sunne falle not doun on youre wraththe.

¹⁶ The Lord yyue merci to the hous of Onesyforus, for ofte he refreischide me, and schamyde not my chayne. ¹⁷ But whanne he cam to Rome, he souyte me bisili, and foond. ¹⁸ The Lord yyue to hym to fynde merci of God in that dai. And hou grete thingis he mynystride to me at Effesi, thou knowist betere.

²⁷ A clene religioun, and an vnwemmed anentis God and the fadir, is this, to visite fadirles and modirles children, and widewis in her tribulacioun, and to kepe hym silf vndefoulid fro this world.

¹³ For whi dom with out merci is to hym, that doith no mercy; but merci aboue reisith dom. ¹⁴ Mi britheren, what schal it profite, if ony man seie that he hath feith, but he hath not the werkis? whether feith schal mowe saue hym? ¹⁵ And if a brother ethir sister be nakid, and han nede of ech daies lyuelode, ¹⁶ and if ony of you seie to hem, Go ye in pees, be ye maad hoot, and be ye fillid; but if ye yyuen not to hem tho thingis that ben necessarie to bodi, what schal it profite? ¹⁷ So also feith, if it hath not werkis, is deed in it silf. ¹⁸ But summan schal seie, Thou hast feith, and Y haue werkis; schewe thou to me thi feith with out werkis, and Y schal schewe to thee my feith of werkis. ¹⁹ Thou bileuest, that o God is; thou doist wel; and deuelis bileuen, and tremblen. ²⁰ But wolt thou wite, thou veyn man, that feith with out werkis is idul? ²¹ Whether Abraham, oure fadir, was not iustified of werkis, offringe Ysaac, his sone, on the auter? ²² Therfor thou seest, that feith wrouyte with hise werkis, and his feith was fillid of werkis. ²³ And the scripture was fillid, seiynge, Abraham bileuede to God, and it was arettid to hym to riytwisnesse, and he was clepid the freend of God.