Colossians 3:10 Cross References - Wycliffe

¹⁰ that is maad newe ayen in to the knowing of God, aftir the ymage of hym that made hym;

²⁶ Make we man to oure ymage and liknesse, and be he souereyn to the fischis of the see, and to the volatilis of heuene, and to vnresonable beestis of erthe, and to ech creature, and to ech `crepynge beest, which is moued in erthe. ²⁷ And God made of nouyt a man to his ymage and liknesse; God made of nouyt a man, to the ymage of God; God made of nouyt hem, male and female.

¹⁴ Y was clothid with riytfulnesse; and Y clothide me as with a cloth, and with my `doom a diademe.

¹⁰ Forsothe Y, as a fruytful olyue tre in the hous of God; hopide in the merci of God with outen ende, and in to the world of world.

¹ Rise thou, Sion, rise thou, be thou clothid in thi strengthe; Jerusalem, the citee of the hooli, be thou clothid in the clothis of thi glorie; for a man vncircumcidid and a man vncleene schal no more leie to, that he passe by thee.

¹⁷ He is clothid with riytfulnesse as with an harburioun, and the helm of helthe is in his heed; he is clothid with clothis of veniaunce, and he is hilid as with a mentil of feruent worchyng.

¹⁹ And Y schal yyue to hem oon herte, and Y schal yyue a newe spirit in the entrails of hem; and Y schal take awei a stony herte fro the fleisch of hem, and Y schal yyue to hem an herte of fleisch;

³¹ Caste awei fro you alle youre trespassingis, bi whiche ye trespassiden, and make ye a newe herte and a newe spirit to you, and whi schulen ye die, the hous of Israel?

²⁶ And Y schal yyue to you a newe herte, and Y schal sette a newe spirit in the myddis of you; and Y schal do awei an herte of stoon fro youre fleisch, and Y schal yyue to you an herte of fleisch,

³ And this is euerlastynge lijf, that thei knowe thee very God aloone, and whom thou hast sent, Jhesu Crist.

²⁹ For thilke that he knewe bifor, he bifor ordenede bi grace to be maad lijk to the ymage of his sone, that he be the first bigetun among many britheren.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

¹² The nyyt wente bifore, but the dai hath neiyed. Therfor caste we awei the werkis of derknessis, and be we clothid in the armeris of liyt.

¹⁴ but be ye clothid in the Lord Jhesu Crist, and do ye not the bisynesse of fleisch in desiris.

⁵³ For it byhoueth this corruptible thing to clothe vncorrupcioun, and this deedli thing to putte awei vndeedlinesse. ⁵⁴ But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.

¹⁸ And alle we that with open face seen the glorie of the Lord, ben transformed in to the same ymage, fro clerenesse in to clerenesse, as of the spirit of the Lord.

⁶ For God, that seide liyt to schyne of derknessis, he hath youe liyt in oure hertis, to the liytnyng of the science of the clerenesse of God, in the face of Jhesu Crist.

¹⁷ Therfor if ony newe creature is in Crist, the elde thingis ben passid.

²⁷ For alle ye that ben baptisid, ben clothid with Crist.

¹⁵ For in Jhesu Crist nether circumcisioun is ony thing worth, ne prepucie, but a newe creature.

¹⁰ For we ben the makyng of hym, maad of nouyt in Crist Jhesu, in good werkis, whiche God hath ordeyned, that we go in tho werkis.

¹⁵ and auoidide the lawe of maundementis bi domes, that he make twei in hym silf in to a newe man,

²³ and be ye renewlid in the spirit of youre soule; ²⁴ and clothe ye the newe man, which is maad aftir God in riytwisnesse and hoolynesse of treuthe.

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

¹⁴ And vpon alle these thingis haue ye charite, that is the boond of perfeccioun.

⁶ that thei be renewid eftsoone to penaunce. Whiche eftsones crucifien to hem silf the sone of God, and han to scorn.

¹⁴ as sones of obedience, not made lijk to the formere desiris of youre vnkunnyngnesse, ¹⁵ but lijk him that hath `clepid you hooli; that also `ye silf be hooli in `al lyuyng;

³ And in this thing we witen, that we knowen hym, if we kepen hise comaundementis.

⁵ But the charite of God is perfit verili in hym, that kepith his word. In this thing we witen, that we ben in hym, if we ben perfit in hym.

⁵ And he seide, that sat in the trone, Lo! Y make alle thingis newe. And he seide to me, Write thou, for these wordis ben moost feithful and trewe.