Colossians 2:20 Cross References - Wycliffe

²⁰ For if ye ben deed with Crist fro the elementis of this world, what yit as men lyuynge to the world demen ye?

¹⁹ If ye hadden be of the world, the world schulde loue that thing that was his; but for ye ben not of the world, but Y chees you fro the world, therfor the world hatith you.

¹⁴ Y yaf to hem thi word, and the world hadde hem in hate; for thei ben not of the world, as Y am not of the world. ¹⁵ Y preye not, that thou take hem awei fro the world, but that thou kepe hem fro yuel. ¹⁶ They ben not of the world, as Y am not of the world.

² God forbede. For hou schulen we that ben deed to synne, lyue yit ther ynne? ³ Whether, britheren, ye knowen not, that whiche euere we ben baptisid in Crist Jhesu, we ben baptisid in his deth? ⁴ For we ben togidere biried with hym bi baptym `in to deth; that as Crist aroos fro deth bi the glorie of the fadir, so walke we in a newnesse of lijf. <sup>5</sup> For if we plauntid togidere ben maad to the licnesse of his deth, also we schulen be of the licnesse of his risyng ayen; <sup>6</sup> witynge this thing, that oure olde man is crucified togidere, that the bodi of synne be distruyed, that we serue no more to synne. <sup>7</sup> For he that is deed, is iustefied fro synne. <sup>8</sup> And if we ben deed with Crist, we bileuen that also we schulen lyue togidere with hym; <sup>9</sup> witinge for Crist, rysynge ayen fro deth, now dieth not, deeth schal no more haue lordschip on hym. <sup>10</sup> For that he was deed to synne, he was deed onys; but that he lyueth, he liueth to God. <sup>11</sup> So ye deme you silf to be deed to synne, but lyuynge to God in `Jhesu Crist oure Lord.

⁴ And so, my britheren, ye ben maad deed to the lawe bi the bodi of Crist, that ye ben of another, that roos ayen fro deth, that ye bere fruyt to God. ⁵ For whanne we weren in fleisch, passiouns of synnes, that weren bi the lawe, wrouyten in oure membris, to bere fruyt to deth. ⁶ But now we ben vnboundun fro the lawe of deth, in which we weren holdun, so that we seruen in newnesse of spirit, and not in eldnesse of lettre.

³ For we walkynge in fleisch, fiyten not aftir the fleisch.

¹⁹ For bi the lawe Y am deed to the lawe, and Y am fitchid to the crosse, that Y lyue to God with Crist. ²⁰ And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

³ So we, whanne we weren litle children, we serueden vndur the elementis of the world.

⁹ But now whanne ye han knowe God, and ben knowun of God, hou ben ye turned eftsoone to the febil and nedi elementis, to the whiche ye wolen eft serue? ¹⁰ Ye taken kepe to daies, and monethis, and tymes, and yeris. ¹¹ But Y drede you, lest without cause Y haue trauelid among you. ¹² Be ye as Y, for Y am as ye. Britheren, Y biseche you, ye han hurt me no thing.

¹⁴ But fer be it fro me to haue glorie, no but in the crosse of oure Lord Jhesu Crist, bi whom the world is crucified to me, and Y to the world.

¹⁵ and auoidide the lawe of maundementis bi domes, that he make twei in hym silf in to a newe man,

⁸ Se ye that no man disseyue you bi filosofie and veyn fallace, aftir the tradicioun of men, aftir the elementis of the world, and not aftir Crist.

¹⁴ foryyuynge to you alle giltis, doynge awei that writing of decre that was ayens vs, that was contrarie to vs; and he took awei that fro the myddil, pitchinge it on the cros;

¹⁶ Therfor no man iuge you in mete, or in drink, or in part of feeste dai, or of neomenye,

³ For ye ben deed, and youre lijf is hid with Crist in God.

⁹ Nyle ye be led awei with dyuerse `techingis, and straunge. For it is best to stable the herte with grace, not with metis, whiche profitiden not to men wandringe in hem.

⁴ Auowtreris, witen not ye, that the frenschip of this world is enemye to God? Therfor who euere wole be frend of this world, is maad the enemye of God.

¹ Therfor for Crist suffride in fleisch, be ye also armed bi the same thenkynge; for he that suffride in fleisch ceesside fro synnes, ² that that is left now in fleisch lyue not now to the desiris of men, but to the wille of God. ³ For the time that is passid is ynow to the wille of hethene men to be endid, whiche walkiden in letcheries, and lustis, in myche drinking of wyn, in vnmesurable etyngis, and drynkyngis, and vnleueful worschiping of mawmetis.

¹⁹ We witen, that we ben of God, and al the world is set in yuel.