2 Corinthians 6:15 Cross References - Wycliffe

¹⁵ and what acording of Crist to Belial? or what part of a feithful with the vnfeithful?

² And Filisteis tokun the arke of God, and brouyten it to the temple of Dagon, and settiden it bisidis Dagon. ³ And whanne men of Azotus hadden rise eerli in the todir dai, lo! Dagon lay low in the erthe bifor the arke of the Lord. And thei token Dagon, and restoriden hym in his place. ⁴ And eft thei risiden eerli in the tothir day, and founden Dagon liggynge on his face on the erthe bifor the arke of the Lord. Forsothe the heed of Dagon, and twei pawmes of his hondis weren kit of on the threisfold;

²¹ Forsothe Elie neiyede to al the puple of Israel, and seide, Hou long halten ye in to twey partis? If the Lord is God, sue ye hym; forsothe if Baal is God, sue ye hym. And the puple answeride not o word to hym.

³ And Zorobabel, and Josue, and the othere princes of the fadris of Israel, seiden to hem, It is not to vs and to you, that we bilde an hows to oure God; but we vs silf aloone schulen bilde to `oure Lord God, as Cirus, the kyng of Persis, comaundide to vs.

¹⁶ Who that bileueth, and is baptisid, schal be saaf; but he that bileueth not, schal be dampned.

¹⁴ And the multitude of men and of wymmen bileuynge in the Lord was more encreessid,

²⁰ But Petir seide to hym, Thi money be with thee into perdicioun, for thou gessidist the yifte of God schulde be had for monei.

²⁰ But tho thingis that hethene men offren, thei offren to deuelis, and not to God. But Y nyle, that ye ben maad felowis of feendis; for ye moun not drynke the cuppe of the Lord, and the cuppe of fendis; ²¹ ye moun not be parteneris of the boord of the Lord, and of the bord of feendis.

⁸ For if ony man hath not cure of his owne, and most of hise household men, he hath denyed the feith, and is worse than an vnfeithful man.

¹¹ And this is the witnessyng, for God yaf to you euerlastinge lijf, and this lijf is in his sone. ¹² He that hath the sone of God, hath also lijf; he that hath not the sone of God, hath not lijf. ¹³ I write to you these thingis, that ye wite, that ye han euerlastynge lijf, which bileuen in the name of Goddis sone.