2 Corinthians 12:12 Cross References - Wycliffe

¹² Thouy Y am nouyt, netheles the signes of myn apostilhed ben maad on you, in al pacience, and signes, and grete wondris, and vertues.

⁴⁸ Therfor Jhesus seide to him, But ye se tokenes and grete wondris, ye bileuen not.

¹⁸ For Y dar not speke ony thing of tho thingis, whiche Crist doith not bi me, in to obedience of hethene men, in word and dedis, ¹⁹ in vertu of tokenes and grete wondris, in vertu of the Hooli Goost, so that fro Jerusalem bi cumpas to the Illirik see Y haue fillid the gospel of Crist.

⁵ For in alle thingis ye ben maad riche in hym, in ech word, and in ech kunnyng, ⁶ as the witnessyng of Crist is confermyd in you; ⁷ so that no thing faile to you in ony grace, that abiden the schewyng of oure Lord Jhesu Crist;

¹ Whether Y am not fre? Am Y not apostle? Whether Y saiy not `Crist Jhesu, `oure Lord? Whether ye ben not my werk in the Lord? ² And thouy to othere Y am not apostle, but netheles to you Y am; for ye ben the litle signe of myn apostlehed in the Lord.

¹⁸ Y thanke my God, for Y speke in the langage of alle you;

² faile we not, but do we awei the preue thingis of schame, not walkinge in sutil gile, nether doynge auoutrye bi the word of God, but in schewynge of the treuthe comendynge vs silf to ech conscience of men bifor God.

⁴ but in alle thingis yyue we vs silf as the mynystris of God, in myche pacience, in tribulaciouns, ⁵ in nedis, in angwischis, in betyngis, in prisouns, in dissensiouns with ynne, in trauels, in wakyngis, in fastyngis, ⁶ in chastite, in kunnyng, in long abiding, in swetnesse, in the Hooli Goost, ⁷ in charite not feined, in the word of treuthe, in the vertu of God; bi armeris of riytwisnesse on the riythalf and on the lefthalf; ⁸ bi glorie and vnnoblei; bi yuel fame and good fame; as disseyueris, and trewe men; as thei that ben vnknowun, and knowun; ⁹ as men diynge, and lo! we lyuen; as chastisid, and not maad deed; ¹⁰ as sorewful, euere more ioiynge; as hauynge nede, but makynge many men riche; as no thing hauynge, and weldynge alle thingis.

⁴ For if he that cometh, prechith anothir Crist, whom we precheden not, or if ye taken another spirit, whom ye token not, or another gospel, which ye resseyueden not, riytli ye schulden suffre.

⁶ For thouy Y be vnlerud in word, but not in kunnyng. For in alle thingis Y am open to you.