1 Peter 4:10 Cross References - Wycliffe

¹⁰ ech man as he hath resseyued grace, mynystringe it in to ech othere, as good dispenderis of the manyfold grace of God.

²⁸ As mannus sone cam not to be seruyd, but to serue, and to yyue his lijf redempcioun for manye.

¹⁴ And this gospel of the kyngdom schal be prechid in al the world, in witnessyng to al folc;

²¹ For thanne schal be greet tribulacioun, what maner `was not fro the bigynnyng of the world to now, nether schal be maad.

⁴⁵ Who gessist thou is a trewe seruaunt and prudent, whom his lord ordeyned on his meynee, to yyue hem mete in tyme?

¹⁴ For as a man that goith in pilgrimage, clepide hise seruauntis, and bitook to hem hise goodis; ¹⁵ and to oon he yaf fyue talentis, and to another tweyne, and to another oon, to ech after his owne vertu; and wente forth anoon.

⁴⁴ Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee?

⁴⁵ For whi mannus sone cam not, that it schulde be mynystrid to hym, but that he schulde mynystre, and yyue his lijf ayenbiyng for manye.

³ and Joone, the wijf of Chuse, the procuratoure of Eroude, and Susanne, and many othir, that mynystriden to hym of her ritchesse.

⁴² And the Lord seide, Who, gessist thou, is a trewe dispendere, and a prudent, whom the lord hath ordeyned on his meyne, to yyue hem in tyme mesure of whete?

¹ He seide also to hise disciplis, Ther was a riche man, that hadde a baili; and this was defamed to him, as he hadde wastid his goodis. ² And he clepide hym, and seide to hym, What here Y this thing of thee? yelde reckynyng of thi baili, for thou miyte not now be baili. ³ And the baili seide with ynne him silf, What schal Y do, for my lord takith awei fro me the baili? delfe mai Y not, I schame to begge. ⁴ Y woot what Y schal do, that whanne Y am remeued fro the baili, thei resseyue me in to her hous. ⁵ Therfor whanne alle the dettours of his lord weren clepid togider, he seide to the firste, Hou myche owist thou to my lord? ⁶ And he seide, An hundrid barelis of oyle. And he seide to hym, Take thi caucioun, and sitte soone, and write fifti. ⁷ Aftirward he seide to another, And hou myche owist thou? Which answerde, An hundrid coris of whete. And he seide to hym, Take thi lettris, and write foure scoore. ⁸ And the lord preiside the baili of wickydnesse, for he hadde do prudentli; for the sones of this world ben more prudent in her generacioun than the sones of liyt.

¹³ And whanne hise ten seruauntis weren clepid, he yaf to hem ten besauntis; and seide to hem, Chaffare ye, til Y come.

⁶ Therfor we that han yiftis dyuersynge, aftir the grace that is youun to vs, ⁷ ethir prophecie, aftir the resoun of feith; ethir seruise, in mynystryng; ether he that techith, in techyng; ⁸ he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

²⁵ Therfor now Y schal passe forth to Jerusalem, to mynystre to seyntis.

²⁷ For it pleside to hem, and thei ben dettouris of hem; for hethene men ben maad parteneris of her goostli thingis, thei owen also in fleischli thingis to mynystre to hem.

¹⁰ Aftir the grace `of God that is youun to me, as a wise maistir carpenter Y settide the foundement; and another bildith aboue. But ech man se, hou he bildith aboue.

¹ So a man gesse vs, as mynystris of Crist, and dispenderis of the mynysteries of God. ² Now it is souyt here among the dispenderis, that a man be foundun trewe.

⁷ Who demeth thee? And what hast thou, that thou hast not resseyued? And if thou hast resseyued, what gloriest thou, as thou haddist not resseyued?

⁴ And dyuerse graces ther ben, but it is al oon Spirit; ⁵ and dyuerse seruyces ther ben, but it is al oon Lord; and dyuerse worchingis ther ben, ⁶ but `al is oon God, that worchith alle thingis in alle thingis. ⁷ And to ech man the schewyng of spirit is youun to profit. The word of wisdom is youun to oon bi spirit; ⁸ to another the word of kunnyng, bi the same spirit; ⁹ feith to another, in the same spirit; to anothere, grace of helthis, in o spirit; ¹⁰ to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis. ¹¹ And oon and the same spirit worchith alle these thingis, departynge to ech bi hem silf as he wole.

¹⁰ But bi the grace of God Y am that thing that Y am; and his grace was not voide in me. For Y trauelide more plenteuously than alle thei; but not Y, but the grace of God with me.

¹ But we helpynge monesten, that ye resseyuen not the grace of God in veyn.

¹ For of the mynystrie that is maad to hooli men, it is to me of plente to write to you.

⁸ To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men,

¹¹ And he yaf summe apostlis, summe prophetis, othere euangelistis, othere scheepherdis and techeris,

¹⁸ The Lord yyue to hym to fynde merci of God in that dai. And hou grete thingis he mynystride to me at Effesi, thou knowist betere.

⁷ For it bihoueth a bischop to be without cryme, a dispendour of God, not proud, not wrathful, not drunkelew, not smytere, not coueytouse of foul wynnyng;

¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren.