1 Peter 3:4 Cross References - Wycliffe

⁴ but thilke that is the hid man of herte, in vncorrupcioun, and of mylde spirit, which is riche in the siyt of God.

⁷ And the Lord seide to Samuel, Biholde thou not his cheer, nethir hiynesse of his stature; for Y castide hym awei, and Y demyde not bi `the siyt of man; for a man seeth tho thingis that ben opyn, but the Lord biholdith the herte.

⁹ God, leese thou not my soule with vnfeithful men; and my lijf with men of bloodis.

⁶ Thou louedist alle wordis of casting doun; with a gileful tunge.

² As he swoor to the Lord; he made a vowe to God of Jacob.

⁶ Which yyueth snow as wolle; spredith abrood a cloude as aische.

¹⁰ He dide not so to ech nacioun; and he schewide not hise domes to hem.

⁴ For the Lord is wel plesid in his puple; and he hath reisid mylde men in to heelthe.

⁴ but he schal deme in riytfulnesse pore men, and he schal repreue in equyte, for the mylde men of erthe. And he schal smyte the lond with the yerde of his mouth, and bi the spirit of his lippis he schal sle the wickid man.

¹⁹ and mylde men schulen encreesse gladnesse in the Lord, and pore men schulen make ful out ioie in the hooli of Israel.

¹⁵ For the Lord hiy, and enhaunsid, seith these thingis, that dwellith in euerlastyngnesse, and his hooli name in hiy place, and that dwellith in hooli, and with a contrite and meke spirit, that he quykene the spirit of meke men, and quykene the herte of contrit men.

¹ The spirit of the Lord is on me, for the Lord anoyntide me; he sente me to telle to mylde men, that Y schulde heele men contrite in herte, and preche foryyuenesse to caitifs, and openyng to prisoneris; and preche a plesaunt yeer to the Lord,

⁵⁹ The word which Jeremye, the profete, comaundide to Saraie, sone of Nerie, sone of Maasie, whanne he yede with Sedechie, the kyng, in to Babiloyne, in the fourthe yeer of his rewme; forsothe Saraie was prynce of profesie.

⁵ Blessid ben thei that mornen, for thei schulen be coumfortid.

²⁹ Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis.

⁵ thi kyng cometh to thee, meke, sittynge on an asse, and a fole of an asse vnder yok.

²⁶ Thou blynde Farisee, clense the cuppe and the plater with ynneforth, that that that is with outforth be maad clene.

⁴⁰ Foolis, whether he that made that that is withoutenforth, made not also that that is with ynne?

¹⁵ And he seide to hem, Ye it ben, that iustifien you bifor men; but God hath knowun youre hertis, for that that is hiy to men, is abhomynacioun bifor God.

²⁹ but he that is a Jew in hid, and the circumcisioun of herte, in spirit, not bi the lettre, whos preisyng is not of men, but of God.

⁶ witynge this thing, that oure olde man is crucified togidere, that the bodi of synne be distruyed, that we serue no more to synne.

²² For Y delite togidere to the lawe of God, aftir the ynnere man. But Y se another lawe in my membris,

¹⁶ For which thing we failen not, for thouy oure vtter man be corruptid; netheles the ynner man is renewid fro dai to dai.

¹ And Y my silf Poul biseche you, bi the myldenesse and softnesse of Crist, which in the face am meke among you, and Y absent triste in you.

²³ benygnyte, goodnesse, myldenesse, feith, temperaunce, contynence, chastite; ayen suche thingis is no lawe.

² in which ye ben clepid, with al mekenesse and myldenesse, with pacience supportinge ech other in charite,

²² Do ye awey bi the elde lyuyng the elde man, that is corrupt bi the desiris of errour; ²³ and be ye renewlid in the spirit of youre soule; ²⁴ and clothe ye the newe man, which is maad aftir God in riytwisnesse and hoolynesse of treuthe.

³ For ye ben deed, and youre lijf is hid with Crist in God.

⁹ Nyle ye lie togidere; spuyle ye you fro the elde man with his dedes, and clothe ye the newe man, ¹⁰ that is maad newe ayen in to the knowing of God, aftir the ymage of hym that made hym;

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

¹¹ and that ye do youre nede, and `ye worche with youre hoondis, as we han comaundid to you; and that ye wandre onestli to hem that ben with outforth, and that of no mannus ye desir ony thing.

¹² But we denouncen to hem that ben suche men, and bisechen in the Lord Jhesu Crist, that thei worchen with silence, and ete her owne breed.

² for kingis and alle that ben set in hiynesse, that we leden a quyet and a pesible lijf, in al pite and chastite.

²⁵ paciente, with temperaunce repreuynge hem that ayenstonden the treuthe, that sum tyme God yyue to hem forthenkyng, that thei knowen the treuthe,

² to blasfeme no man, to be not ful of chiding, but temperat, schewynge al myldenesse to alle men.

²¹ For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis.

¹³ Who is wijs, and tauyt among you? schewe he of good lyuyng his worching, in myldenesse of his wisdom. ¹⁴ That if ye han bitter enuye, and stryuyngis ben in youre hertis, nyle ye haue glorye, and be lyeris ayens the treuthe. ¹⁵ For this wisdom is not fro aboue comynge doun, but ertheli, and beestli, and feendli. ¹⁶ For where is enuye and strijf, there is vnstidfastnesse and al schrewid werk. ¹⁷ But wisdom that is from aboue, first it is chast, aftirward pesible, mylde, able to be counseilid, consentinge to goode thingis, ful of merci and of goode fruytis, demynge with out feynyng.

²³ And be ye borun ayen, not of corruptible seed, `but vncorruptible, bi the word of lyuynge God, and dwellynge in to with outen ende.

¹⁵ But halewe ye the Lord Crist in youre hertis, and euermore be ye redi to satisfaccioun to ech man axynge you resoun of that feith and hope that is in you,