1 Peter 3:13 Cross References - Wycliffe

¹³ And who is it that schal anoye you, if ye ben sueris and louyeris of goodnesse?

⁹ The lijf of the vnpitouse man is abhomynacioun to the Lord; he that sueth riytfulnesse, schal be loued of the Lord.

⁷ Whanne the weyes of man plesen the Lord, he schal conuerte, yhe, hise enemyes to pees.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis.

³ For princes ben not to the drede of good work, but of yuel. But wilt thou, that thou drede not power? Do thou good thing, and thou schalt haue preisyng of it;

¹ Sue ye charite, loue ye spiritual thingis, but more that ye prophecien.

¹ Therfor be ye foloweris of God, as moost dereworthe sones;

¹⁵ Se ye, that no man yelde yuel for yuel to ony man; but euere more sue ye that that is good, ech to othere and to alle men.

¹⁰ and hath witnessing in good werkis, if sche nurschede children, if sche resseyuede pore men to herbore, if sche hath waischun the feet of hooli men, if sche mynystride to men that suffriden tribulacioun, if sche folewide al good werk.

¹¹ Moost dere brothir, nyle thou sue yuel thing, but that that is good thing. He that doith wel, is of God; he that doith yuel, seeth not God.