1 Peter 2:13 Cross References - Wycliffe

¹³ Be ye suget to ech creature, for God; ethir to the kyng, as to hym that is hiyer in state,

¹¹ Euere an yuel man sekith stryues; forsothe a cruel aungel schal be sent ayens hym.

²¹ My sone, drede thou God, and the kyng; and be thou not medlid with bacbiteris.

⁷ And seke ye pees of the citees, to whiche Y made you to passe ouer; and preie ye the Lord for it, for in the pees therof schal be pees to you.

²¹ Thei seien to hym, The emperouris. Thanne he seide to hem, Therfor yelde ye to the emperoure tho thingis that ben the emperouris, and to God tho thingis that ben of God.

¹⁷ And Jhesus answeride and seide to hem, Thanne yelde ye to the emperour tho thingis that ben of the emperours; and to God tho thingis that ben of God.

²⁵ And he seide to hem, Yelde ye therfor to the emperoure tho thingis that ben the emperours, and tho thingis that ben of God, to God.

¹ Euery soule be suget to heiyere powers. For ther is no power but of God, and tho thingis that ben of God, ben ordeyned. ² Therfor he that ayenstondith power, ayenstondith the ordynaunce of God; and thei that ayenstonden, geten to hem silf dampnacioun. ³ For princes ben not to the drede of good work, but of yuel. But wilt thou, that thou drede not power? Do thou good thing, and thou schalt haue preisyng of it; ⁴ for he is the mynystre of God to thee in to good. But if thou doist yuel, drede thou; for not with outen cause he berith the swerd, for he is the mynystre of God, vengere in to wraththe to hym that doith yuel. ⁵ And therfor bi nede be ye suget, not oneli for wraththe, but also for conscience. ⁶ For therfor ye yyuen tributis, thei ben the mynystris of God, and seruen for this same thing. ⁷ Therfor yelde ye to alle men dettis, to whom tribut, tribut, to whom tol, tol, to whom drede, drede, to whom onour, onour.

²¹ Be ye suget togidere in the drede of Crist.

¹ Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men, ² for kingis and alle that ben set in hiynesse, that we leden a quyet and a pesible lijf, in al pite and chastite.

¹ Amoneste hem to be sugetis to prynces, and to poweris; to obeische to that that is seid, and to be redi to al good werk;

¹⁰ but more hem that walken aftir the fleisch, in coueytinge of vnclennesse, and dispisen lordschiping, and ben boold, plesynge hem silf, and dreden not to bringe in sectis, blasfemynge; where aungels,

⁸ In lijk maner also these that defoulen the fleisch, and dispisen lordschip, and blasfemen mageste. ⁹ Whanne Myyhel, arkaungel, disputide with the deuel, and stroof of Moises bodi, he was not hardi to brynge in dom of blasfemye, but seide, The Lord comaunde to thee. ¹⁰ But these men blasfemen, what euer thingis thei knowen not. For what euer thingis thei knowen kyndli as doumbe beestis, in these thei ben corupt.