1 Kings 21:15 Cross References - Wycliffe

¹⁵ Forsothe it was doon, whanne Jezabel hadde herd Naboth stonyd and deed, sche spak to Achab, Rise thou, take thou in possessioun the vyner of Naboth of Jezrael, which nolde assente to thee, and yyue it for money takun; for Naboth lyueth not, but is deed.

⁷ Therfor Jezabel, his wijf, seide to hym, Thou art of greet auctorite, and thou gouernest wel Israel; rise thou, and ete breed, and be thou `pacient, ethir coumfortid; Y schal yyue to thee the vyner of Naboth of Jezrael.

¹⁰ Mi sone, if synneris flateren thee, assente thou not to hem. ¹¹ If thei seien, Come thou with vs, sette we aspies to blood, hide we snaris of disseitis ayens an innocent without cause; ¹² swolowe we him, as helle swolowith a man lyuynge; and al hool, as goynge doun in to a lake; we schulen fynde al preciouse catel, ¹³ we schulen fille oure housis with spuylis; sende thou lot with vs, ¹⁴ o purs be of vs alle; ¹⁵ my sone, go thou not with hem; forbede thi foot fro the pathis of hem. ¹⁶ For the feet of hem rennen to yuel; and thei hasten to schede out blood.

¹⁷ Thei eten the breed of vnpite, and drinken the wyn of wickidnesse.