1 Corinthians 9:25 Cross References - Wycliffe

²⁵ Ech man that stryueth in fiyt, absteyneth hym fro alle thingis; and thei, that thei take a corruptible coroun, but we an vncorrupt.

⁵⁴ But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.

²³ benygnyte, goodnesse, myldenesse, feith, temperaunce, contynence, chastite; ayen suche thingis is no lawe.

¹² For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis. ¹³ Therfor take ye the armere of God, that ye moun ayenstonde in the yuel dai; and in alle thingis stonde perfit. ¹⁴ Therfor stonde ye, and be gird aboute youre leendis in sothefastnesse, and clothid with the haburioun of riytwisnesse, ¹⁵ and youre feet schood in making redi of the gospel of pees. ¹⁶ In alle thingis take ye the scheld of feith, in which ye moun quenche alle the firy dartis of `the worste. ¹⁷ And take ye the helm of helthe, and the swerd of the Goost, that is, the word of God. ¹⁸ Bi al preier and bisechyng preie ye al tyme in spirit, and in hym wakinge in al bisynesse, and bisechyng for alle hooli men, and for me;

¹² Stryue thou a good strijf of feith, catche euerlastinge lijf, in to which thou art clepid, and hast knoulechid a good knouleching bifor many witnessis.

⁵ For he that fiytith in a batel, schal not be corowned, but he fiyte lawfuli.

⁷ Y haue stryuun a good strijf, Y haue endid the cours, Y haue kept the feith. ⁸ In `the tothir tyme a coroun of riytwisnesse is kept to me, which the Lord, a iust domesman, schal yelde to me in that dai; and not oneli to me, but also to these that louen his comyng.

⁸ but holdinge hospitalite, benygne, prudent, sobre, iust,

² that elde men be sobre, chast, prudent, hool in feith, in loue, and pacience;

⁴ For ye ayenstoden not yit `til to blood, fiytyng ayens synne.

²⁸ Therfor we resseyuynge the kingdom vnmouable, haue we grace, bi which serue we plesynge to God with drede and reuerence.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

⁴ in to eritage vncorruptible, and vndefoulid, and that schal not fade, that is kept in heuenes for you,

⁴ And whanne the prince of scheepherdis schal appere, ye schulen resseyue the coroun of glorie, that may neuere fade.

⁶ in kunnyng abstinence, in abstynence pacience, in pacience pitee;

¹⁰ Drede thou no thing of these thingis, whiche thou schalt suffre. Lo! the deuel schal sende summe of you in to prisoun, that ye be temptid; and ye schulen haue tribulacioun ten daies. Be thou feithful to the deth, and Y schal yyue to thee a coroun of lijf.

¹¹ Lo! Y come soone; holde thou that that thou hast, that no man take thi coroun.

⁴ And in the cumpas of the seete weren foure and twenti smale seetis; and aboue the troones foure and twenti eldre men sittinge, hilid aboute with whijt clothis, and in the heedis of hem goldun corouns.

¹⁰ the foure and twenti eldre men fellen doun bifor hym that sat on the trone, and worschipiden hym that lyueth in to worldis of worldis. And thei casten her corouns bifor the trone,