1 Corinthians 12 Cross References - Wycliffe

¹ But of spiritual thingis, britheren, Y nyle that ye vnknowun. ² For ye witen, that whanne ye weren hethene men, hou ye weren led goynge to doumbe maumetis. ³ Therfor Y make knowun to you, that no man spekynge in the spirit of God, seith departyng fro Jhesu; and no man may seie the Lord Jhesu, but in the Hooli Goost. ⁴ And dyuerse graces ther ben, but it is al oon Spirit; ⁵ and dyuerse seruyces ther ben, but it is al oon Lord; and dyuerse worchingis ther ben, ⁶ but `al is oon God, that worchith alle thingis in alle thingis. <sup>7</sup> And to ech man the schewyng of spirit is youun to profit. The word of wisdom is youun to oon bi spirit; <sup>8</sup> to another the word of kunnyng, bi the same spirit; <sup>9</sup> feith to another, in the same spirit; to anothere, grace of helthis, in o spirit; <sup>10</sup> to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis. <sup>11</sup> And oon and the same spirit worchith alle these thingis, departynge to ech bi hem silf as he wole. <sup>12</sup> For as ther is o body, and hath many membris, and alle the membris of the bodi whanne tho ben manye, ben o bodi, so also Crist. <sup>13</sup> For in o spirit alle we ben baptisid `in to o bodi, ether Jewis, ether hethene, ether seruauntis, ether free; and alle we ben fillid with drink in o spirit. ¹⁴ For the bodi is not o membre, but manye. ¹⁵ If the foot seith, For Y am not the hoond, Y am not of the bodi; not therfor it is not of the bodi. ¹⁶ And if the ere seith, For Y am not the iye, Y am not of the bodi; not therfor it is not of the bodi. ¹⁷ If al the bodi is the iye, where is heryng? and if al the bodi is heryng, where is smellyng? ¹⁸ But now God hath set membris, and ech of hem in the bodi, as he wolde. ¹⁹ That if alle weren o membre, where were the bodi? ²⁰ But now ther ben many membris, but o bodi. ²¹ And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me. ²² But myche more tho that ben seyn to be the lowere membris of the bodi, ben more nedeful; ²³ and thilke that we gessen to be the vnworthier membris of the bodi, we yyuen more honour `to hem; and tho membris that ben vnonest, han more oneste. ²⁴ For oure oneste membris han nede of noon; but God tempride the bodi, yyuynge more worschip to it, to whom it failide, ²⁵ that debate be not in the bodi, but that the membris be bisi in to the same thing ech for othere. ²⁶ And if o membre suffrith ony thing, alle membris suffren therwith; ethir if o membre ioieth, alle membris ioien togidere. ²⁷ And ye ben the bodi of Crist, and membris of membre. ²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. ²⁹ Whether alle apostlis? whethir alle prophetis? whether alle techeris? whether alle vertues? ³⁰ whether alle men han grace of heelyngis? whether alle speken with langagis? whether alle expownen? ³¹ But sue ye the betere goostli yiftis. And yit Y schewe to you a more exellent weye.

²⁵ Forsothe euer eithir was nakid, that is, Adam and his wijf, and thei weren not aschamed.

⁷ And the iyen of bothe weren openid; and whanne thei knowen that thei weren nakid, thei sewden the leeues of a fige tre, and maden brechis to hem silf.

¹¹ To whom the Lord seide, Who forsothe schewide to thee that thou were nakid, no but for thou hast ete of the tre of which Y comaundide to thee that thou schuldist not ete?

³⁸ and alle his mynystris, and he spak to hem, Wher we moun fynde sich a man which is ful of Goddis spirit? ³⁹ Therfor Farao seide to Joseph, For God hath schewid to thee alle thingis whiche thou hast spoke, wher Y mai fynde a wisere man and lijk thee?

³ and Y haue fillid hym with the spirit of God, with wisdom, and vndirstondyng, and kunnyng in al werk,

³¹ And Moises seide, Nyle thou forsake vs, for thou knowist in whiche places we owen to sette tentis, and thou schalt be oure ledere; ³² and whanne thou schalt come with vs, what euer thing schal be the beste of the richessis whiche the Lord schal yyue to vs, we schulen yyue to thee.

¹⁷ that Y come doun, and speke to thee; and Y schal take awey of thi spirit, and Y schal yyue to hem, that thei susteyne with thee the birthun of the puple, and not thou aloone be greuyd.

²⁵ And the Lord cam doun bi a cloude, and spak to Moises, and took a weye of the spirit that was in Moises, and yaf to the seuenti men; and whanne the spirit hadde restid in hem, thei profesieden, and ceessiden not `aftirward. <sup>26</sup> Forsothe twei men dwelliden stille in the tentis, of whiche men oon was clepid Heldad, and the tothir Medad, on whiche the spirit restide; for also thei weren descryued, and thei yeden not out to the tabernacle. <sup>27</sup> And whanne thei profesieden in the tentis, a child ran, and teld to Moises, and seide, Heldad and Medad profecien in the tentis. <sup>28</sup> Anoon Josue, the sone of Nun, the `mynystre of Moises, and chosun of manye, seide, My lord Moises, forbede thou hem. ²⁹ And he seide, What hast thou enuye for me? who yyueth that al the puple profesie, and that God yyue his spirit to hem?

²³ his careyn schal not dwelle in the tre, but it schal be biried in the same dai; for he that hangith in the cros is cursid of God, and thou schalt not defoule thi lond which thi Lord God yaf thee in to possessioun.

⁸ Trees yeden to anoynte a kyng on hem; and tho seiden to the olyue tre, Comaunde thou to vs. ⁹ Whiche answeride, Whether Y may forsake my fatnesse, which bothe Goddis and men vsen, and come, that Y be auaunsid among trees? ¹⁰ And the trees seiden to the fige tree, Come thou, and take the rewme on vs. ¹¹ Which answeride to hem, Whether Y may forsake my swetnesse and swetteste fruytis, and go that Y be auaunsid among othere trees? ¹² Also `the trees spaken to the vyne, Come thou, and comaunde to vs. ¹³ Which answeride, Whether Y may forsake my wyn, that gladith God and men, and be auaunsid among othere trees? ¹⁴ And alle trees seiden to the ramne, ether theue thorn, Come thou, and be lord on vs. ¹⁵ Whiche answeride to hem, If ye maken me verili kyng to you, come ye, and reste vndur my schadewe; sotheli, if ye nylen, fier go out of the ramne, and deuoure the cedris of the Liban.

⁹ Sumtyme in Israel ech man goynge to counsel God spak thus, Come ye, and go we to the seere; for he, that is seid `to dai a profete, was clepid sumtyme a seere.

¹⁰ And thei camen to the forseid hil, and lo! a cumpeny of prophetis metynge hym; and the Spirit of the Lord `scippide on hym, and he propheciede in the myddis of hem. <sup>11</sup> Sotheli alle men, that knewen hym yisterdai and the thrid dai ago, sien that he was with the prophetis, and that he prophesiede, and thei seiden togidere, What thing bifelde to the sone of Cys? Whether also Saul is among prophetis? <sup>12</sup> And o man answeride to another man, and seide, And who is `his fadir? Therfor it was turned in to a prouerbe, Whether also Saul is among prophetis? ¹³ Forsothe Saul ceside to prophesie, and he cam to an hiy place.

²⁰ Therfor Saul sente sleeris, that thei schulden rauysche Dauid; and whanne thei hadden seyn the cumpeny of profetis profeciynge, and Samuel stondynge ouer hem, the Spirit of the Lord, `that is, the spirit of deuocioun, was maad in hem, and thei also bigunnen to prophecie. <sup>21</sup> And whanne this was teld to Saul, he sente also othere messangeris; `sotheli and thei profesieden. And eft Saul sente the thridde messangeris, and thei prophecieden. And Saul was wrooth `with irefulnesse; <sup>22</sup> and he also yede in to Ramatha, and he cam `til to the greet cisterne, which is in Socoth, and he axide, and seide, In what place ben Samuel and Dauid? And it was seid to hym, Lo! thei ben in Naioth in Ramatha. ²³ And he yede in `to Naioth in Ramatha; and the Spirit of the Lord was maad also on him; and he `yede, and entride, and propheciede, `til the while he cam `in to Naioth in Ramatha. ²⁴ And `he also dispuylide him silf of hise clothis, and propheciede with othere men bifor Samuel, and he profeciede nakid in al that dai and nyyt. Wherfor `a prouerbe, that is, a comyn word, yede out, Whether and Saul among prophetis?

³² And Dauid seide to Abigail, Blessid be the Lord God of Israel, that sente thee to dai in to my comyng, and blessid be thi speche;

¹ Forsothe these ben the laste wordis, whiche Dauid, the sone of Ysai, seide. The man seide, to whom it is ordeyned of Crist, of the God of Jacob, the noble salm makere of Israel; ² The spiryt of the Lord spak bi me, and his word bi my tunge.

⁵ Sotheli the Lord apperide to Salomon bi sleep in the nyyt, and seide, Axe thou `that, that thou wolt, that Y yyue to thee. <sup>6</sup> And Salomon seide, Thou hast do greet merci with thi seruaunt Dauid, my fadir, as he yede in thi siyt, in treuthe, and riytfulnesse, and riytful herte with thee; thou hast kepte to hym thi greet merci, and hast youun to hym a sone, sittynge on his trone, as it is to dai. <sup>7</sup> And now, Lord God, thou hast maad thi seruaunt to regne for Dauid, my fadir; forsothe Y am a litil child, and not knowynge myn outgoynge and entryng. <sup>8</sup> And thi seruaunt is in the myddis of the puple, which thou hast chose, of puple with outen noumbre, that may not be noumbrid and rikened, for multitude. <sup>9</sup> Therfor thou schalt yyue to thi seruaunt an herte able to be tauyt, `that is, liytned of thee, that he may deme the puple, and iuge bitwixe good and yuel; for who may deme this puple, thi puple, this miche puple? ¹⁰ Therfor the world pleside bifore the Lord, that Salomon hadde axid sich a thing. ¹¹ And the Lord seide to Salomon, For thou axidist this word, and axidist not to thee many daies, nether richessis, nether the lyues of thin enemyes, but thou axidist to thee wisdom to deme doom, lo! ¹² Y haue do to thee vpe thi wordis, and Y haue youe to thee a wyse herte and vndirstondynge, in so myche that no man bifor thee was lijk thee, nether schal rise aftir thee.

⁹ And Joas, kyng of Israel, sente ayen to Amasie, kyng of Juda, and seide, The cardue, `that is, a low eerbe, and ful of thornes, of the Liban sente to the cedre, which is in the Liban, and seide, Yyue thi douytir wijf to my sone; and the beestis of the forest, that ben in the Liban, passiden, and tredden doun the cardue.

¹ Therfor while Esdras preiede so, and bisouyte God, and wepte, and lai bifor the temple of God, a ful greet cumpenye of Israel, of men, and of wymmen, and of children, was gaderid to him; and the puple wepte bi myche weping. ² And Sechenye, the sone of Jehiel, of the sones of Helam, answeride, and seide to Esdras, We han trespasside ayens oure God, and han weddid wyues, alien wymmen, of `the puplis of the lond. And now, for penaunce is in Israel on this thing, <sup>3</sup> smyte we boond of pees with `oure Lord God, and caste we awei alle `wyues aliens, and hem that ben borun of tho wyues, bi the wille of the Lord; and of hem that dreden the comaundement of oure God, `be it don bi the lawe. ⁴ Rise thou, it `is thin office to deme, and we schulen be with thee; be thou coumfortid, and do. ⁵ Therfor Esdras roos, and chargide greetli the princes of prestis, and of dekenes, and of al Israel, to do after this word; and thei sworen.

¹⁶ And it was doon fro that dai, the half part of yonge men made werk, and the half part was redi to batel; `and speris, and scheldis, and bouwis, and harburiouns, and princes aftir hem, in al the hows of men of Juda, <sup>17</sup> bildynge in the wal, and berynge birthuns, and puttynge on; with her oon hond thei maden werk, and with the tother thei helden swerd. <sup>18</sup> For ech of the bilderis was gird with the swerd on the reynes; and thei bildiden, and sowneden with clariouns bisidis me. <sup>19</sup> And Y seide to the principal men, and magistratis, and to the tothir part of the comyn puple, The werk is greet and brood, and we ben departid fer in the wal, oon from anothir; <sup>20</sup> in what euer place ye heren the sown of the trumpe, renne ye togidere thidur to vs; for oure God schal fiyte for vs. <sup>21</sup> And we `vs silf schal make the werk, and the half part of vs holde speris, fro `the stiyng of the moreutid til that sterris go out.

²⁰ And thou yauest to hem thi good Spirit, that tauyte hem; and thou forbedist not thin aungels mete fro her mouth, and thou yauest to hem water in thirst.

¹¹ An eere herynge blesside me, and an iye seynge yeldide witnessyng to me;

⁸ But as Y se, spirit is in men, and the enspiryng `ether reuelacioun, of Almyyti God yyueth vndurstondyng.

²⁹ Lo! God worchith alle these thingis in thre tymes bi alle men;

⁹ As in the terryng to wraththe; bi the dai of temptacioun in desert. Where youre fadris temptiden me; thei preueden and sien my werkis.

³ His werk is knoulechyng and grete doyng; and his riytfulnesse dwellith in to the world of world.

⁵ I schal yelde my vowis to the Lord bifor al his puple;

⁷ O! Lord, for Y am thi seruant; Y am thi seruaunt, and the sone of thi handmaide. Thou hast broke my bondys,

⁶ Which made stidefast erthe on watris.

¹⁶ Which ledde ouer his puple thoruy desert.

¹³ I haue knowe, that the Lord schal make dom of a nedi man; and the veniaunce of pore men. ¹⁴ Netheles iust men schulen knouleche to thi name; and riytful men schulen dwelle with thi cheer.

¹⁰ Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me.

⁶ For the Lord yyueth wisdom; and prudence and kunnyng is of his mouth.

²⁸ The dignite of the king is in the multitude of puple; and the schenschipe of a prince is in the fewnesse of puple.

¹² An eere heringe, and an iye seynge, God made euere eithir.

⁹ Therfor it is betere, that tweyne be togidere than oon; for thei han profite of her felouschipe. ¹⁰ If oon fallith doun, he schal be vndurset of the tothere; wo to hym that is aloone, for whanne he fallith, he hath noon reisynge him. ¹¹ And if tweyne slepen, thei schulen be nurschid togidere; hou schal oon be maad hoot? ¹² And if ony man hath maistri ayens oon, tweyne ayen stonden hym; a threfolde corde is brokun of hard.

⁹ An auerouse man schal not be fillid of monei; and he that loueth richessis schal not take fruytis of tho; and therfor this is vanyte.

¹⁴ A litil citee, and a fewe men ther ynne; a greet kyng cam ayens it, and cumpasside it with palis, and he bildide strengthis bi cumpas; and bisegyng was maad perfit. ¹⁵ And a pore man and a wijs was foundun ther ynne; and he delyuerede the citee bi his wisdom, and no man bithouyte aftirward on that pore man.

¹ Mi derlyng, come in to his gardyn, to ete the fruyt of hise applis. Mi sister spousesse, come thou in to my gardyn. Y have rope my myrre, with my swete smellynge spices; Y haue ete an hony combe, with myn hony; Y haue drunke my wyn, with my mylk. Frendis, ete ye, and drynke; and derewortheste frendis, be ye fillid greetli.

² And the Spirit of the Lord schal reste on hym, the spirit of wisdom and of vndurstondyng, the spirit of counsel and of strengthe, the spirit of kunnyng and of pitee; ³ and the spirit of the drede of the Lord schal fille him. He schal deme not bi the siyt of iyen, nether he schal repreue bi the heryng of eeris;

¹⁷ Nedi men and pore seken watris, and tho ben not; the tunge of hem driede for thirst. Y the Lord schal here hem, I God of Israel schal not forsake hem. ¹⁸ Y schal opene floodis in hiy hillis, and wellis in the myddis of feeldis; Y schal sette the desert in to poondis of watris, and the lond without weie in to ryuers of watris.

³ For Y schal schede out watris on the thirsti, and floodis on the dry lond; Y schal schede out my spirit on thi seed, and my blessyng on thi generacioun. ⁴ And thei schulen buriowne among erbis, as salewis bisidis rennynge watris. ⁵ This man schal seie, Y am of the Lord, and he schal clepe in the name of Jacob; and this man schal write with his hoond to the Lord, and schal be licned in the name of Israel.

⁷ and settynge in his place; and he schal stonde, and schal not be mouyd fro his place; but also whanne thei crien to hym, he schal not here, and he schal not saue hem fro tribulacioun.

¹⁰ And Y telle fro the bigynnyng the laste thing, and fro the bigynnyng tho thingis that ben not maad yit; and Y seie, My councel schal stonde, and al my wille schal be don.

⁴ The Lord yaf to me a lerned tunge, that Y kunne susteyne hym bi word that failide; erli the fadir reisith, erli he reisith an eere to me, that Y here as a maister.

¹ Alle that thirsten, come ye to watris, and ye han not siluer, haaste, bie ye, and ete ye; come ye, bie ye, with out siluer and with outen ony chaungyng, wyn and mylk.

²¹ This is my boond of pees with hem, seith the Lord; My spirit which is in thee, and my wordis whiche Y haue set in thi mouth, schulen not go awei fro thi mouth, and fro the mouth of thi seed, seith the Lord, fro hennus forth and til into with outen ende.

⁵ Idols ben maad in the licnesse of a palm tree, and schulen not speke; tho schulen be takun and be borun, for tho moun not go; therfor nyle ye drede tho, for tho moun nether do yuel, nethir wel.

²⁵ And Y schal schede out clene watir on you, and ye schulen be clensid fro alle youre filthis; and Y schal clense you fro alle youre idols. ²⁶ And Y schal yyue to you a newe herte, and Y schal sette a newe spirit in the myddis of you; and Y schal do awei an herte of stoon fro youre fleisch, and Y schal yyue to you an herte of fleisch, ²⁷ and Y schal sette my spirit in the myddis of you. And Y schal make that ye go in my comaundementis, and kepe and worche my domes.

²¹ and he chaungith tymes and ages, he translatith rewmes and ordeyneth; he yyueth wisdom to wise men, and kunnyng to hem that vndurstonden techyng, ether chastisyng;

²⁸ And it schal be, aftir these thingis Y schal schede out my spirit on ech man, and youre sones and youre douytris schulen profesie; youre elde men schulen dreme dremes, and youre yonge men schulen se visiouns.

¹⁴ And thei crieden to the Lord, and seiden, Lord, we bisechen, that we perische not in the lijf of this man, and that thou yyue not on vs innocent blood; for thou, Lord, didist as thou woldist.

¹⁸ What profitith the `grauun ymage, for his makere grauyde it, a wellid thing togidere and fals ymage? for the makere therof hopide in makyng, that he made doumbe symylacris. ¹⁹ Wo to hym that seith to a tre, Wake thou; Rise thou, to a stoon beynge stille; whether he schal mow teche? Lo! this is kyuerid with gold and siluer, and no spirit is in his entrails.

¹⁵ And the Lord God schal synge in a trumpe, and schal go in whirlwynd of the south; the Lord of oostis schal defende hem, and thei schulen deuoure, and make suget with stoonys of a slynge; and thei drynkynge schulen be fillid as with wyn, and schulen be fillid as viols, and as hornes of the auter. ¹⁶ And the Lord God `of hem schal saue hem in that dai, as a floc of his puple, for hooli stoonus schulen be reisid on the lond of hym. ¹⁷ For what is the good of hym, and what is the faire of hym, no but whete of chosun men, and wyn buriownynge virgyns?

¹¹ Y waische you in water, in to penaunce; but he that shal come after me is strongere than Y, whos schoon Y am not worthi to bere; he shal baptise you in the Hooli Goost and fier.

⁶ Blessid ben thei that hungren and thristen riytwisnesse, for thei schulen be fulfillid.

⁸ heele ye sike men, reise ye deede men, clense ye mesels, caste ye out deuelis; freeli ye han takun, freli yyue ye.

²⁶ so, fadir, for so it was plesynge tofore thee.

¹¹ And he answeride, and seide to hem, `For to you it is youun to knowe the priuytees of the kyngdom of heuenes; but it is not youun to hem.

¹⁴ Suffre ye hem; thei ben blynde, and leederis of blynde men. And if a blynd man lede a blynd man, bothe fallen doun in to the diche.

¹⁶ Symount Petre answeride, and seide, Thou art Crist, the sone of God lyuynge. ¹⁷ Jhesus answeride, and seide to him, Blessid art thou, Symount Bariona; for fleisch and blood schewide not to thee, but my fadir that is in heuenes.

¹⁹ Jhesus seith to hem, For youre vnbileue. Treuli Y seie to you, if ye han feith, as a corn of seneueye, ye schulen seie to this hil, Passe thou hennus, and it schal passe; and no thing schal be vnpossible to you; ²⁰ but this kynde is not caste out, but bi preiyng and fastyng.

¹⁵ Whether it is not leueful to me to do that that Y wole? Whether thin iye is wickid, for Y am good?

²¹ And Jhesus answeride, and seide to hem, Treuli Y seie to you, if ye haue feith, and douten not, not oonli ye schulen do of the fige tree, but also if ye seyn to this hil, Take, and caste thee in to the see, it schal be don so.

⁴³ He seith to hem, Hou thanne Dauid in spirit clepith hym Lord,

¹⁰ Nether be ye clepid maistris, for oon is youre maister, Crist.

¹⁴ For as a man that goith in pilgrimage, clepide hise seruauntis, and bitook to hem hise goodis; ¹⁵ and to oon he yaf fyue talentis, and to another tweyne, and to another oon, to ech after his owne vertu; and wente forth anoon. ¹⁶ And he that hadde fyue besauntis, wente forth, and wrouyte in hem, and wan othere fyue. ¹⁷ Also and he that hadde takun tweyne, wan othere tweyne. ¹⁸ But he that hadde takun oon, yede forth, and dalf in to the erthe, and hidde the money of his lord. ¹⁹ But after long tyme, the lord of tho seruauntis cam, and rekenede with hem. ²⁰ And he that hadde takun fyue besauntis, cam, and brouyte othere fyue, and seide, Lord, thou bytokist to me fyue besauntis, loo! Y haue getun aboue fyue othere. ²¹ His lord seide to hym, Wel be thou, good seruaunt and feithful; for on fewe thingis thou hast be trewe, Y schal ordeyne thee on manye thingis; entre thou in to the ioye of thi lord. ²² And he that hadde takun twey talentis, cam, and seide, Lord, thou bitokist to me twey besauntis; loo! ²³ Y haue wonnen ouer othir tweyne. His lord seide to him, Wel be thou, good seruaunt and trewe; for on fewe thingis thou hast be trewe, Y schal ordeyne thee on many thingis; entre thou in to the ioie of thi lord. ²⁴ But he that hadde takun o besaunt, cam, and seide, Lord, Y woot that thou art an hard man; thou repist where thou hast not sowe, and thou gederist togidere where thou hast not spred abrood; ²⁵ and Y dredynge wente, and hidde thi besaunt in the erthe; lo! thou hast that that is thin. ²⁶ His lord answeride, and seide to hym, Yuel seruaunt and slowe, wistist thou that Y repe where Y sewe not, and gadir to gidere where Y spredde not abrood? ²⁷ Therfor it bihofte thee to bitake my money to chaungeris, that whanne Y cam, Y schulde resseyue that that is myn with vsuris. ²⁸ Therfor take awei fro hym the besaunt, and yyue ye to hym that hath ten besauntis. ²⁹ For to euery man that hath me schal yyue, and he schal encreese; but fro hym that hath not, also that that hym semeth to haue, schal be taken awey fro him. ³⁰ And caste ye out the vnprofitable seruaunt in to vtmer derknessis; ther schal be wepyng, and gryntyng of teeth.

¹³ And thei castiden out many feendis, and anoyntiden with oyle many sijk men, and thei weren heelid.

³⁹ He that is not ayens vs, is for vs.

²² And Jhesus answeride and seide to hem, Haue ye the feith of God; ²³ treuli Y seie to you, that who euer seith to this hil, Be thou takun, and cast in to the see; and doute not in his herte, but bileueth, that what euer he seie, schal be don, it schal be don to hym.

¹⁷ And these tokenes schulen sue hem, that bileuen. In my name thei schulen caste out feendis; thei schulen speke with newe tungis; ¹⁸ thei schulen do awei serpentis; and if thei drynke ony venym, it schal not noye hem. Thei schulen sette her hondis on sijk men, and thei schulen wexe hoole.

²⁰ And thei yeden forth, and prechiden euery where, for the Lord wrouyte with hem, and confermyde the word with signes folewynge.

¹⁶ Joon answeride, and seide to alle men, Y baptize you in watir; but a stronger than Y schal come aftir me, of whom Y am not worthi to vnbynde the lace of his schoon; he schal baptize you in the Hooli Goost and fier.

¹⁴ Symount, whom he clepide Petir, and Andrew, his brothir, James and Joon,

² And he sente hem for to preche the kyngdom of God, and to heele sijk men.

⁹ and heele ye the sijke men that ben in that citee. And seie ye to hem, The kyngdom of God schal neiye in to you.

²¹ In thilk our he gladide in the Hooli Goost, and seide, Y knouleche to thee, fadir, Lord of heuene and of erthe, for thou hast hid these thingis fro wise men and prudent, and hast schewid hem to smale children. Yhe, fadir, for so it pleside bifor thee.

⁴² but o thing is necessarie.

³² Nile ye, litil flok, drede, for it pleside to youre fadir to yyue you a kyngdom.

⁵ And the apostlis seiden to the Lord, Encrese to vs feith. ⁶ And the Lord seide, If ye han feith as the corn of seneuei, ye schulen seie to this more tre, Be thou drawun vp bi the rote, and be ouerplauntid in to the see, and it schal obeie to you.

⁴⁹ And Y schal sende the biheest of my fadir in to you; but sitte ye in the citee, til that ye be clothid with vertu from an hiy.

¹⁶ and of the plente of hym we alle han takun, and grace for grace.

³³ And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost.

⁵ Jhesus answeride, Treuli, treuli, Y seie to thee, but a man be borun ayen of watir, and of the Hooli Goost, he may not entre in to the kyngdom of God.

⁸ The spirit brethith where he wole, and thou herist his vois, but thou wost not, fro whennus he cometh, ne whidir he goith; so is ech man that is borun of the spirit.

²⁷ Joon answerde, and seide, A man may not take ony thing, but it be youun to hym fro heuene.

¹⁰ Jhesus answerde, and seide to hir, If thou wistist the yifte of God, and who `he is, that seith to thee, Yyue me drynk, thou perauenture woldist haue axid of hym, and he schulde haue youun to thee quyk watir.

¹⁴ schal be maad in hym a welle `of watir, spryngynge vp in to euerlastynge lijf.

¹⁷ And Jhesus answeride to hem, My fadir worchith til now, and Y worche.

²¹ For as the fadir reisith deed men, and quykeneth, so the sone quykeneth whom he wole.

⁶³ Therfor if ye seen mannus sone stiynge, where he was bifor?

³⁷ But in the laste dai of the greet feeste, Jhesus stood, and criede, and seide, If ony man thirstith, come he to me, and drynke. ³⁸ He that bileueth in me, as the scripture seith, Floodis of quyk watir schulen flowe fro his wombe. ³⁹ But he seide this thing of the Spirit, whom men that bileueden in hym schulden take; for the Spirit was not yit youun, for Jhesus was not yit glorified.

¹³ Ye clepen me maistir and lord, and ye seien wel; for Y am.

¹² Ellis bileue ye for thilke werkis. Treuli, treuli, Y seie to you, if a man bileueth in me, also he schal do the werkis that Y do; and he schal do grettere werkis than these, for Y go to the fadir.

²⁶ But whanne the coumfortour schal come, which Y schal sende to you fro the fadir, a spirit of treuthe, which cometh of the fadir, he schal bere witnessyng of me; and ye schulen bere witnessyng, for ye ben with me fro the bigynnyng.

¹³ But whanne thilke spirit of treuthe cometh, he schal teche you al trewthe; for he schal not speke of hym silf, but what euer thinges he schal here, he schal speke; and he schal telle to you tho thingis that ben to come. ¹⁴ He schal clarifie me, for of myne he schal take, and schal telle to you. ¹⁵ Alle thingis `whiche euer the fadir hath, ben myne; therfor Y seide to you, for of myne he schal take, and schal telle to you.

²¹ that all ben oon, as thou, fadir, in me, and Y in thee, that also thei in vs be oon; that the world bileue, that thou hast sent me. ²² And Y haue youun to hem the clerenesse, that thou hast youun to me, that thei ben oon, ²³ as we ben oon; Y in hem, and thou in me, that thei be endid in to oon; and that the world knowe, that thou sentist me, and hast loued hem, as thou hast loued also me. ²⁴ Fadir, thei whiche thou yauest to me, Y wole that where Y am, that thei be with me, that thei see my clerenesse, that thou hast youun to me; for thou louedist me bifor the makyng of the world. ²⁵ Fadir, riytfuli the world knew thee not, but Y knew thee, and these knewen, that thou sentist me. ²⁶ And Y haue maad thi name knowun to hem, and schal make knowun; that the loue bi which thou `hast loued me, be in hem, and Y in hem.

⁵ for Joon baptiside in watir, but ye schulen be baptisid in the Hooli Goost, aftir these fewe daies.

⁸ but ye schulen take the vertu of the Hooli Goost comynge fro aboue in to you, and ye schulen be my witnessis in Jerusalem, and in al Judee, and Samarie, and to the vtmeste of the erthe.

⁴ And alle weren fillid with the Hooli Goost, and thei bigunnen to speke diuerse langagis, as the Hooli Goost yaf to hem for to speke. ⁵ And ther weren in Jerusalem dwellinge Jewis, religiouse men, of ech nacioun that is vndur heuene. ⁶ And whanne this vois was maad, the multitude cam togidere, and thei weren astonyed in thouyt, for ech man herde hem spekinge in his langage. ⁷ And alle weren astonyed, and wondriden, and seiden togidere, Whether not alle these that speken ben men of Galyle, ⁸ and hou herden we ech man his langage in which we ben borun?

⁸ and hou herden we ech man his langage in which we ben borun? ⁹ Parthi, and Medi, and Elamyte, and thei that dwellen at Mesopotami, Judee, and Capodosie, and Ponte,

⁹ Parthi, and Medi, and Elamyte, and thei that dwellen at Mesopotami, Judee, and Capodosie, and Ponte, ¹⁰ and Asie, Frigie, and Pamfilie, Egipt, and the parties of Libie, that is aboue Sirenen, and `comelingis Romayns, and Jewis,

¹⁰ and Asie, Frigie, and Pamfilie, Egipt, and the parties of Libie, that is aboue Sirenen, and `comelingis Romayns, and Jewis, ¹¹ and proselitis, men of Crete, and of Arabie, we han herd hem spekynge in oure langagis the grete thingis of God.

¹¹ and proselitis, men of Crete, and of Arabie, we han herd hem spekynge in oure langagis the grete thingis of God. ¹² And alle weren astonyed, and wondriden, `and seiden togidere, What wole this thing be?

¹⁷ And it schal be in the laste daies, the Lord seith, Y schal helde out my spirit on ech fleisch; and youre sones and youre douytris schulen prophesie, and youre yonge men schulen se visiouns, and youre eldris schulen dreme sweuenes. ¹⁸ And on my seruauntis and myn handmaidens in tho daies Y schal schede out of my spirit, and thei schulen prophecie.

²⁹ Britheren, be it leueful boldli to seie to you of the patriark Dauid, for he is deed and biried, and his sepulcre is among vs in to this dai. ³⁰ Therfore whanne he was a prophete, and wiste, that with a greet ooth God hadde sworn to hym, that of the fruyt of his leende schulde oon sitte on his seete,

⁶ But Petre seide, Y haue nether siluer ne gold; but that that Y haue, Y yiue to thee. In the name of Jhesu Crist of Nazareth, rise thou vp, and go. ⁷ And he took hym bi the riythoond, and heuede hym vp; and anoon hise leggis and hise feet weren sowdid togidere; ⁸ and he lippide, and stood, and wandride. And he entride with hem in to the temple, and wandride, and lippide, and heriede God.

²⁹ And now, Lord, biholde in to the thretnyngis of hem, and graunte to thi seruauntis to speke thi word with al trist, ³⁰ in that thing that thou holde forth thin hond, that heelthis and signes and wondris be maad bi the name of thin hooli sone Jhesu. ³¹ And whanne thei hadden preyed, the place was moued, in which thei weren gaderid; and alle weren fillid with the Hooli Goost, and spaken the word of God with trist.

³ And Petre seide to hym, Anany, whi hath Sathanas temptid thin herte, that thou lye to the Hooli Goost, and to defraude of the prijs of the feeld?

¹⁵ so that thei brouyten out sike men in to stretis, and leiden in litle beddis and couchis, that whanne Petre cam, nameli the schadew of hym schulde schadewe ech of hem, and thei schulden be delyuerid fro her syknessis.

³ Therfor, britheren, biholde ye men of you of good fame, ful of the Hooli Goost and of wisdom, whiche we schulen ordeyne on this werk;

³⁶ God sente a word to the children of Israel, schewinge pees bi Jhesu Crist; this is Lord of alle thingis.

³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

⁴⁶ For thei herden hem spekynge in langagis, and magnyfiynge God. ⁴⁷ Thanne Petre answeride, Whether ony man may forbede watir, that these ben not baptisid, that han also resseyued the Hooli Goost as we?

²⁸ And oon of hem roos vp, Agabus bi name, and signefiede bi the spirit a greet hungur to comynge in al the world, which hungur was maad vndur Claudius.

¹ And profetis and doctouris weren in the chirche that was at Antioche, in which Barnabas, and Symount, that was clepid Blac, and Lucius Cironense, and Manaen, that was the soukynge fere of Eroude tetrarke, and Saul weren. ² And whanne thei mynystriden to the Lord, and fastiden, the Hooli Goost seide to hem, Departe ye to me Saul and Barnabas, in to the werk to which Y haue takun hem. ³ Thanne thei fastiden, and preieden, and leiden hondis on hem, and leten hem go.

⁶ And whanne Poul hadde leid on hem his hoondis, the Hooli Goost cam in hem, and thei spaken with langagis, and profecieden.

¹¹ And God dide vertues not smale bi the hoond of Poul, ¹² so that on sijk men the sudaries weren borun fro his bodye, and sijknessis departiden fro hem, and wickid spiritis wenten out.

²⁸ Take ye tente to you, and to al the flocke, in which the Hooli Goost hath set you bischops, to reule the chirche of God, which he purchaside with his blood.

⁹ And to hym weren foure douytris, virgyns, that profecieden. ¹⁰ And whanne we dwelliden there bi summe daies, a profete, Agabus bi name, cam ouer fro Judee.

²⁹ Whethir of Jewis is God oneli? Whether he is not also of hethene men? Yhis, and of hethene men.

¹¹ And he took a signe of circumcisioun, a tokenyng of riytwisnesse of the feith which is in prepucie, that he be fadir of alle men bileuynge bi prepucie, that it be arettid also to hem to riytwisnesse;

³ Whether, britheren, ye knowen not, that whiche euere we ben baptisid in Crist Jhesu, we ben baptisid in his deth? ⁴ For we ben togidere biried with hym bi baptym `in to deth; that as Crist aroos fro deth bi the glorie of the fadir, so walke we in a newnesse of lijf. ⁵ For if we plauntid togidere ben maad to the licnesse of his deth, also we schulen be of the licnesse of his risyng ayen; ⁶ witynge this thing, that oure olde man is crucified togidere, that the bodi of synne be distruyed, that we serue no more to synne.

⁹ But ye ben not in fleisch, but in spirit; if netheles the spirit of God dwellith in you. But if ony hath not the spirit of Crist, this is not his. ¹⁰ For if Crist is in you, the bodi is deed for synne, but the spirit lyueth for iustefiyng. ¹¹ And if the spirit of hym that reiside Jhesu Crist fro deth dwellith in you, he that reiside Jhesu Crist fro deth, shal quykene also youre deedli bodies, for the spirit of hym that dwellith in you.

³ For Y my silf desiride to be departid fro Crist for my britheren, that ben my cosyns aftir the fleisch, that ben men of Israel;

¹⁸ Therfor of whom God wole, he hath merci; and whom he wole, he endurith.

⁹ That if thou knoulechist in thi mouth the Lord Jhesu Crist, and bileuest in thin herte, that God reiside hym fro deth, thou schalt be saaf.

³ For Y seie, bi the grace that is youun to me, to alle that ben among you, that ye sauere no more than it bihoueth to sauere, but for to sauere to sobrenesse; and to ech man, as God hath departid the mesure of feith. ⁴ For as in o bodi we han many membris, but alle the membris han not the same dede;

⁴ For as in o bodi we han many membris, but alle the membris han not the same dede; ⁵ so we many ben o bodi in Crist, and eche ben membris oon of anothir.

⁵ so we many ben o bodi in Crist, and eche ben membris oon of anothir.

⁵ so we many ben o bodi in Crist, and eche ben membris oon of anothir. ⁶ Therfor we that han yiftis dyuersynge, aftir the grace that is youun to vs,

⁶ Therfor we that han yiftis dyuersynge, aftir the grace that is youun to vs,

⁶ Therfor we that han yiftis dyuersynge, aftir the grace that is youun to vs, ⁷ ethir prophecie, aftir the resoun of feith; ethir seruise, in mynystryng; ether he that techith, in techyng; ⁸ he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

¹⁰ louynge togidere the charite of britherhod. Eche come bifore to worschipen othere;

¹⁵ for to ioye with men that ioyen, for to wepe with men that wepen.

⁸ For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. ⁹ For whi for this thing Crist was deed, and roos ayen, that he be Lord bothe of quyke and of deed men.

¹⁹ in vertu of tokenes and grete wondris, in vertu of the Hooli Goost, so that fro Jerusalem bi cumpas to the Illirik see Y haue fillid the gospel of Crist.

⁵ For in alle thingis ye ben maad riche in hym, in ech word, and in ech kunnyng,

¹⁰ But, britheren, Y biseche you, bi the name of oure Lord Jhesu Crist, that ye alle seie the same thing, and that dissenciouns be not among you; but be ye perfit in the same wit, and in the same kunnyng. ¹¹ For, my britheren, it is teld to me of hem that ben at Cloes, that stryues ben among you. ¹² And Y seie that, that ech of you seith, For Y am of Poul, and Y am of Apollo, and Y am of Cefas, but Y am of Crist.

³⁰ But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

⁶ For we speken wisdom among perfit men, but not wisdom of this world, nether of princes of this world, that ben distried; ⁷ but we speken the wisdom of God in mysterie, `which wisdom is hid; which wisdom God bifor ordeynede bifor worldis in to oure glorie, ⁸ which noon of the princes of this world knew; for if thei hadden knowe, thei schulden neuere haue crucified the Lord of glorie. ⁹ But as it is writun, That iye say not, ne eere herde, nether it stiede in to herte of man, what thingis God arayede to hem that louen hym; ¹⁰ but God schewide to vs bi his spirit. For whi the spirit serchith alle thingis, yhe, the depe thingis of God.

³ For while strijf is among you, whether ye ben not fleischli, and ye gon aftir man?

⁵ Thei ben mynystris of hym, to whom ye han bileuyd; and to ech man as God hath youun.

⁷ Therfor nether he that plauntith is ony thing, nethir he that moistith, but God that yiueth encreessyng.

¹¹ And ye weren sum tyme these thingis; but ye ben waischun, but ye ben halewid, but ye ben iustefied in the name of oure Lord Jhesu Crist, and in the spirit of oure God.

⁷ For Y wole, that alle men be as my silf. But eche man hath his propre yifte of God; oon thus, and another thus.

¹⁷ But as the Lord hath departid to ech, and as God hath clepid ech man, so go he, as Y teche in alle chirchis.

²¹ Thou seruaunt art clepid, be it no charge to thee; but if thou maist be fre, `the rather vse thou. ²² He that is a seruaunt, and is clepid in the Lord, is a freman of the Lord. Also he that is a freman, and is clepid, is the seruaunt of Crist.

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth.

⁶ netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym.

¹ Britheren, Y nyle, that ye vnknowe, that alle oure fadris weren vndur cloude, and alle passiden the see; ² and alle weren baptisid in Moises, in the cloude and in the see;

¹⁷ For we manye ben o breed and o bodi, alle we that taken part of o breed and of o cuppe.

³² Be ye with outen sclaundre to Jewis, and to hethene men, and to the chirche of God;

⁴ And dyuerse graces ther ben, but it is al oon Spirit;

⁴ And dyuerse graces ther ben, but it is al oon Spirit; ⁵ and dyuerse seruyces ther ben, but it is al oon Lord; and dyuerse worchingis ther ben, ⁶ but `al is oon God, that worchith alle thingis in alle thingis.

⁶ but `al is oon God, that worchith alle thingis in alle thingis. ⁷ And to ech man the schewyng of spirit is youun to profit. The word of wisdom is youun to oon bi spirit; ⁸ to another the word of kunnyng, bi the same spirit; ⁹ feith to another, in the same spirit; to anothere, grace of helthis, in o spirit; ¹⁰ to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis.

¹⁰ to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis. ¹¹ And oon and the same spirit worchith alle these thingis, departynge to ech bi hem silf as he wole.

¹¹ And oon and the same spirit worchith alle these thingis, departynge to ech bi hem silf as he wole. ¹² For as ther is o body, and hath many membris, and alle the membris of the bodi whanne tho ben manye, ben o bodi, so also Crist.

¹⁴ For the bodi is not o membre, but manye.

¹⁴ For the bodi is not o membre, but manye. ¹⁵ If the foot seith, For Y am not the hoond, Y am not of the bodi; not therfor it is not of the bodi. ¹⁶ And if the ere seith, For Y am not the iye, Y am not of the bodi; not therfor it is not of the bodi. ¹⁷ If al the bodi is the iye, where is heryng? and if al the bodi is heryng, where is smellyng? ¹⁸ But now God hath set membris, and ech of hem in the bodi, as he wolde.

¹⁸ But now God hath set membris, and ech of hem in the bodi, as he wolde. ¹⁹ That if alle weren o membre, where were the bodi?

¹⁹ That if alle weren o membre, where were the bodi? ²⁰ But now ther ben many membris, but o bodi. ²¹ And the iye may not seie to the hond, Y haue no nede to thi werkis; or eft the heed to the feet, Ye ben not necessarie to me. ²² But myche more tho that ben seyn to be the lowere membris of the bodi, ben more nedeful;

²⁴ For oure oneste membris han nede of noon; but God tempride the bodi, yyuynge more worschip to it, to whom it failide,

²⁷ And ye ben the bodi of Crist, and membris of membre.

²⁷ And ye ben the bodi of Crist, and membris of membre. ²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.

²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.

²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis.

²⁸ But God sette sum men in the chirche, fyrst apostlis, the secunde tyme prophetis, the thridde techeris, aftirward vertues, aftirward graces of heelyngis, helpyngis, gouernails, kyndis of langagis, interpretaciouns of wordis. ²⁹ Whether alle apostlis? whethir alle prophetis? whether alle techeris? whether alle vertues?

²⁹ Whether alle apostlis? whethir alle prophetis? whether alle techeris? whether alle vertues?

²⁹ Whether alle apostlis? whethir alle prophetis? whether alle techeris? whether alle vertues? ³⁰ whether alle men han grace of heelyngis? whether alle speken with langagis? whether alle expownen?

³⁰ whether alle men han grace of heelyngis? whether alle speken with langagis? whether alle expownen?

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge.

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge. ² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt.

² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt.

⁸ Charite fallith neuere doun, whether prophecies schulen be voidid, ethir langagis schulen ceesse, ethir science schal be distried.

¹ Sue ye charite, loue ye spiritual thingis, but more that ye prophecien.

¹ Sue ye charite, loue ye spiritual thingis, but more that ye prophecien.

¹ Sue ye charite, loue ye spiritual thingis, but more that ye prophecien. ² And he that spekith in tunge, spekith not to men, but to God; for no man herith. But the spirit spekith mysteries.

² And he that spekith in tunge, spekith not to men, but to God; for no man herith. But the spirit spekith mysteries. ³ For he that prophecieth, spekith to men to edificacioun, and monestyng, and coumfortyng.

³ For he that prophecieth, spekith to men to edificacioun, and monestyng, and coumfortyng. ⁴ He that spekith in tunge, edifieth hym silf; but he that prophecieth, edifieth the chirche of God.

⁴ He that spekith in tunge, edifieth hym silf; but he that prophecieth, edifieth the chirche of God. ⁵ And Y wole, that alle ye speke in tungis, but more that ye prophecie. For he that prophecieth, is more than he that spekith in langagis; but perauenture he expoune, that the chirche take edificacioun.

⁵ And Y wole, that alle ye speke in tungis, but more that ye prophecie. For he that prophecieth, is more than he that spekith in langagis; but perauenture he expoune, that the chirche take edificacioun.

⁵ And Y wole, that alle ye speke in tungis, but more that ye prophecie. For he that prophecieth, is more than he that spekith in langagis; but perauenture he expoune, that the chirche take edificacioun. ⁶ But now, britheren, if Y come to you, and speke in langagis, what schal Y profite to you, but if Y speke to you ethir in reuelacioun, ethir in science, ethir in prophecie, ether in techyng? ⁷ For tho thingis that ben withouten soule, and yyueth voices, ethir pipe, ether harpe, but tho yyuen distinccioun of sownyngis, hou schal it be knowun that is sungun, ether that that is trumpid? ⁸ For if a trumpe yyue an vncerteyn soune, who schal make hym silf redi to batel? ⁹ So but ye yyuen an opyn word bi tunge, hou schal that that is seid be knowun? For ye schulen be spekynge in veyn. ¹⁰ There ben many kyndis of langagis in this world, and no thing is with outen vois. ¹¹ But if Y knowe not the vertu of a vois, Y schal be to hym, to whom Y schal speke, a barbarik; and he that spekith to me, schal be a barbarik. ¹² So ye, for ye ben loueris of spiritis, seke ye that ye be plenteuouse to edificacioun of the chirche.

¹² So ye, for ye ben loueris of spiritis, seke ye that ye be plenteuouse to edificacioun of the chirche. ¹³ And therfor he that spekith in langage, preie, that he expowne. ¹⁴ For if Y preye in tunge, my spirit preieth; myn vndurstondyng is with outen fruyt. ¹⁵ What thanne? Y schal preye in spirit, Y schal preye in mynde; Y schal seie salm, in spirit, Y schal seie salm also in mynde. ¹⁶ For if thou blessist in spirit, who fillith the place of an ydiot, hou schal he seie Amen on thi blessyng, for he woot not, what thou seist? ¹⁷ For thou doist wel thankyngis, but an othir man is not edefied.

¹⁷ For thou doist wel thankyngis, but an othir man is not edefied. ¹⁸ Y thanke my God, for Y speke in the langage of alle you; ¹⁹ but in the chirche Y wole speke fyue wordis in my wit, that also Y teche othere men, than ten thousynde of wordis in tunge.

²² Therfor langagis ben in to tokene, not to feithful men, but to men out of the feith; but prophecies ben not to men out of the feith, but to feithful men. ²³ Therfor if alle the chirche come togidere in to oon, and alle men speken in tungis, if idiotis, ether men out of the feith, entren, whether thei schulen not seie, What ben ye woode?

²³ Therfor if alle the chirche come togidere in to oon, and alle men speken in tungis, if idiotis, ether men out of the feith, entren, whether thei schulen not seie, What ben ye woode? ²⁴ But if alle men prophecien, if ony vnfeithful man or idiot entre, he is conuyct of alle, he is wiseli demyd of alle.

²⁴ But if alle men prophecien, if ony vnfeithful man or idiot entre, he is conuyct of alle, he is wiseli demyd of alle. ²⁵ For the hid thingis of his herte ben knowun, and so he schal falle doun on the face, and schal worschipe God, and schewe verili that God is in you. ²⁶ What thanne, britheren? Whanne ye comen togidere, ech of you hath a salm, he hath techyng, he hath apocalips, he hath tunge, he hath expownyng; alle thingis be thei don to edificacioun.

²⁶ What thanne, britheren? Whanne ye comen togidere, ech of you hath a salm, he hath techyng, he hath apocalips, he hath tunge, he hath expownyng; alle thingis be thei don to edificacioun. ²⁷ Whether a man spekith in tunge, bi twei men, ethir thre at the moste, and bi partis, that oon interprete. ²⁸ But if there be not an interpretour, be he stille in the chirche, and speke he to hym silf and to God. ²⁹ Prophetis tweine or thre seie, and othere wiseli deme.

³¹ For ye moun `prophecie alle, ech bi hym silf, that alle men lerne, and alle moneste. ³² And the spiritis of prophetis ben suget to prophetis;

³⁷ If ony man is seyn to be a prophete, or spiritual, knowe he tho thingis that Y write to you, for tho ben the comaundementis of the Lord.

³⁹ `Therfor, britheren, loue ye to prophecie, and nyle ye forbede to speke in tungis.

²⁸ And whanne alle thingis ben suget to hym, thanne the sone hym silf schal be suget to hym, that made `alle thingis suget to hym, that God be alle thingis in alle thingis.

³⁸ and God yyueth to it a bodi, as he wole, and to ech of seedis a propir bodi.

²² If ony man loueth not oure Lord Jhesu Crist, be he cursid, Maranatha.

⁸ For, britheren, we wolen that ye wite of oure tribulacioun, that was don in Asie; for ouer maner we weren greued ouer myyt, so that it anoiede vs, yhe, to lyue.

¹¹ while also ye helpen in preier for vs; that of the persones of many faces of that yyuyng that is in vs, thankyngis ben don for vs bi many men to God.

⁵ not that we ben sufficient to thenke ony thing of vs, as of vs, but oure sufficience is of God.

¹³ And we han the same spirit of feith, as it is writun, Y haue bileuyd, Y haue spoke; and we bileuen, wherfor also we speken;

¹² Therfor thouy Y wroot to you, Y wroot not for hym that dide the iniurie, nether for hym that suffride, but to schewe oure bisinesse, which we han for you bifor God.

⁷ But as ye abounden in alle thingis, in feith, and word, and kunnyng, and al bisynesse, more ouer and in youre charite in to vs, that and in this grace ye abounden.

¹⁶ And Y do thankyngis to God, that yaf the same bisynesse for you in the herte of Tite,

¹³ For we schulen not haue glorie ouer mesure, but bi the mesure of the reule which God mesuride to vs, the mesure that stretchith to you.

⁴ For if he that cometh, prechith anothir Crist, whom we precheden not, or if ye taken another spirit, whom ye token not, or another gospel, which ye resseyueden not, riytli ye schulden suffre.

²⁸ Withouten tho thingis that ben withoutforth, myn ech daies trauelyng is the bisynesse of alle chirchis. ²⁹ Who is sijk, and Y am not sijk? who is sclaundrid, and Y am not brent?

¹¹ Britheren, `hennus forward ioye ye, be ye perfit, excite ye; vndurstonde ye the same thing; haue ye pees, and God of pees and of loue schal be with you.

⁵ He that yyueth to you spirit, and worchith vertues in you, whether of werkis of the lawe, or of hering of bileue?

¹³ But Crist ayenbouyte us fro the curse of the lawe, and was maad acursid for vs; for it is writun, Ech man is cursid that hangith in the tre;

¹⁶ The biheestis weren seid to Abraham and to his seed; he seith not, In seedis, as in many, but as in oon, And to thi seed, that is, Crist.

²³ And tofor that bileue cam, thei weren kept vndur the lawe, enclosid in to that bileue that was to be schewid.

²⁸ Ther is no Jewe, ne Greke, ne bond man, ne fre man, ne male, ne female; for alle ye ben oon in `Jhesu Crist.

⁸ But thanne ye vnknowynge God, serueden to hem that in kynde weren not goddis.

² Ech bere othere chargis, and so ye schulen fulfille the lawe of Crist.

⁵ Which hath bifor ordeyned vs in to adopcioun of sones bi Jhesu Crist in to hym, bi the purpos of his wille,

⁹ to make knowun to vs the sacrament of his wille, bi the good plesaunce of hym; the which sacrament he purposide in

¹¹ In whom we ben clepid bi sort, bifor ordeyned bi the purpos of hym that worchith alle thingis bi the counsel of his wille;

¹⁷ that God of oure Lord Jhesu Crist, the fadir of glorie, yyue to you the spirit of wisdom and of reuelacioun, in to the knowyng of hym; ¹⁸ and the iyen of youre herte liytned, that ye wite, which is the hope of his clepyng, and whiche ben the richessis of the glorie of his eritage in seyntis; ¹⁹ and whych is the excellent greetnesse of his vertu in to vs that han bileuyd, bi the worchyng of the myyt of his vertu, ²⁰ which he wrouyte in Crist, reisynge hym fro deth, and settynge him on his riyt half in heuenli thingis, ²¹ aboue ech principat, and potestat, and vertu, and domynacioun, and aboue ech name that is named, not oneli in this world, but also in the world to comynge; ²² and made alle thingis suget vndur hise feet, and yaf hym to be heed ouer al the chirche, ²³ that is the bodi of hym, and the plente of hym, which is alle thingis in alle thingis fulfillid.

²³ that is the bodi of hym, and the plente of hym, which is alle thingis in alle thingis fulfillid.

⁸ For bi grace ye ben sauyd bi feith, and this not of you; for it is the yifte of God,

¹¹ For which thing be ye myndeful, that sumtyme ye weren hethene in fleisch, which weren seid prepucie, fro that that is seid circumcisioun maad bi hond in fleisch;

¹¹ For which thing be ye myndeful, that sumtyme ye weren hethene in fleisch, which weren seid prepucie, fro that that is seid circumcisioun maad bi hond in fleisch; ¹² and ye weren in that time with out Crist, alienyd fro the lyuyng of Israel, and gestis of testamentis, not hauynge hope of biheest, and with outen God in this world.

¹² and ye weren in that time with out Crist, alienyd fro the lyuyng of Israel, and gestis of testamentis, not hauynge hope of biheest, and with outen God in this world. ¹³ But now in Crist Jhesu ye that weren sum tyme fer, ben maad nyy in the blood of Crist. ¹⁴ For he is oure pees, that made bothe oon, and vnbyndynge the myddil wal of a wal with out morter, enmytees in his fleisch; ¹⁵ and auoidide the lawe of maundementis bi domes, that he make twei in hym silf in to a newe man, ¹⁶ makynge pees, to recounsele bothe in o bodi to God bi the cros, sleynge the enemytees in hym silf. ¹⁷ And he comynge prechide pees to you that weren fer, and pees to hem that weren niy; ¹⁸ for bi hym we bothe han niy comyng in o spirit to the fadir. ¹⁹ Therfor now ye ben not gestis and straungeris, but ye ben citeseyns of seyntis, and houshold meine of God; ²⁰ aboue bildid on the foundement of apostlis and of profetis, vpon that hiyeste corner stoon, Crist Jhesu;

²⁰ aboue bildid on the foundement of apostlis and of profetis, vpon that hiyeste corner stoon, Crist Jhesu; ²¹ in whom ech bildyng maad waxith in to an hooli temple in the Lord. ²² In whom also `be ye bildid togidere in to the habitacle of God, in the Hooli Goost.

⁵ Which was not knowun to othere generaciouns to the sones of men, as it is now schewid to his hooli apostlis and prophetis in the spirit, ⁶ that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie;

⁴ O bodi and o spirit, as ye ben clepid in oon hope of youre cleping;

⁴ O bodi and o spirit, as ye ben clepid in oon hope of youre cleping; ⁵ o Lord,

⁵ o Lord, ⁶ o feith, o baptym, o God and fadir of alle, which is aboue alle men, and bi alle thingis, and in vs alle.

⁶ o feith, o baptym, o God and fadir of alle, which is aboue alle men, and bi alle thingis, and in vs alle. ⁷ But to ech of vs grace is youun bi the mesure of the yyuyng of Crist;

⁷ But to ech of vs grace is youun bi the mesure of the yyuyng of Crist; ⁸ for which thing he seith, He stiynge an hiy, ledde caitifte caitif, he yaf yiftis to men. ⁹ But what is it, that he stiede vp, no but that also he cam doun first in to the lowere partis of the erthe? ¹⁰ He it is that cam doun, and that stiede on alle heuenes, that he schulde fille alle thingis. ¹¹ And he yaf summe apostlis, summe prophetis, othere euangelistis, othere scheepherdis and techeris,

¹¹ And he yaf summe apostlis, summe prophetis, othere euangelistis, othere scheepherdis and techeris,

¹¹ And he yaf summe apostlis, summe prophetis, othere euangelistis, othere scheepherdis and techeris, ¹² to the ful endyng of seyntis, in to the werk of mynystrie, in to edificacioun of Cristis bodi,

¹² to the ful endyng of seyntis, in to the werk of mynystrie, in to edificacioun of Cristis bodi,

¹² to the ful endyng of seyntis, in to the werk of mynystrie, in to edificacioun of Cristis bodi, ¹³ til we rennen alle, in to vnyte of feith and of knowyng of Goddis sone, in to a parfit man, aftir the mesure of age of the plente of Crist;

¹⁵ But do we treuthe in charite, and wexe in him by alle thingis, that is Crist oure heed; ¹⁶ of whom alle the bodi set togidere, and boundun togidere bi ech ioynture of vnder seruyng, bi worching in to the mesure of ech membre, makith encreesyng of the bodi, in to edificacioun of it silf in charite. ¹⁷ Therfor Y seie and witnesse this thing in the Lord, that ye walke not now, as hethene men walken, in the vanyte of her wit; ¹⁸ that han vndurstondyng derkned with derknessis, and ben alienyd fro the lijf of God, bi ignoraunce that is in hem, for the blyndenesse of her herte.

²⁵ For which thing `ye putte awei leesyng, and speke ye treuthe ech man with his neiybore, for we ben membris ech to othere.

²³ as to the Lord, for the man is heed of the wymman, as Crist is heed of the chirche; he is sauyour of his bodi.

²⁶ and clenside it with the waisching of watir, in the word of lijf,

³⁰ And we ben membris of his bodi, of his fleisch, and of his boonys.

⁸ witinge that ech man, what euere good thing he schal do, he schal resseyue this of the Lord, whether seruaunt, whether fre man.

³ no thing bi strijf, nether by veyn glorie, but in mekenesse, demynge eche othere to be heiyer than hym silf;

¹¹ and ech tunge knouleche, that the Lord Jhesu Crist is in the glorie of God the fadir.

¹³ For it is God that worchith in you, bothe to wilne, and to performe, for good wille.

⁸ Netheles Y gesse alle thingis to be peirement for the cleer science of Jhesu Crist my Lord. For whom Y made alle thingis peyrement, and Y deme as drit,

¹⁸ And he is heed of the bodi of the chirche; which is the bigynnyng and the firste bigetun of deede men, that he holde the firste dignyte in alle thingis.

²⁴ and now Y haue ioye in passioun for you, and Y fille tho thingis that failen of the passiouns of Crist in my fleisch, for his bodi, that is the chirche.

²⁷ to whiche God wold make knowun the richessis of the glorie of this sacrament in hethene men, which is Crist in you, the hope of glorie.

²⁹ In which thing also Y trauele in stryuynge bi the worching of hym, that he worchith in me in vertu.

¹¹ In whom also ye ben circumcidid in circumcisioun not maad with hoond, in dispoyling of the bodi of fleisch, but in circumcisioun of Crist; ¹² and ye ben biried togidere with hym in baptim, in whom also ye han rise ayen bi feith of the worching of God, that reiside hym fro deth.

¹⁹ and not holdynge the heed, of which al the bodi, bi boondis and ioynyngis togidere vndur mynystrid and maad, wexith in to encreessing of God.

¹¹ where is not male and female, hethene man and Jew, circumcisioun and prepucie, barbarus and Scita, bonde man and fre man, but alle thingis and in alle thingis Crist.

¹⁵ And the pees of Crist enioye in youre hertis, in which ye ben clepid in o bodi, and be ye kynde.

⁹ For thei schewen of you, what maner entre we hadden to you, and hou ye ben conuertid to God fro maumettis, to serue to the lyuynge God and veri; and to abide his sone fro heuenes,

¹³ For if we bileuen, that Jhesu was deed, and roos ayen, so God schal lede with hym hem that ben deed bi Jhesu.

²⁰ nyle ye dispise prophecies.

¹⁷ The prestis that ben wel gouernoures, be thei had worthi to double onour; moost thei that trauelen in word and teching.

⁹ Moneste thou seruauntis to be suget to her lordis; in alle thingis plesinge, not ayenseiynge, not defraudynge, ¹⁰ but in alle thingis schewinge good feith, that thei onoure in alle thingis the doctryn of `God, oure sauyour.

³ For we weren sum tyme vnwise, vnbileueful, errynge, and seruynge to desiris, and to dyuerse lustis, doynge in malice and enuye, worthi to be hatid, hatinge ech othere. ⁴ But whanne the benygnyte and the manhed of oure sauyour God aperide, ⁵ not of werkis of riytwisnesse that we diden, but bi his merci he made vs saaf, bi waischyng of ayen bigetyng, and ayen newyng of the Hooli Goost, ⁶ whom he schedde into vs plenteuousli bi Jhesu Crist,

⁴ For God witnesside to gidere bi myraclis, and wondris, and grete merueilis, and dyuerse vertues, and departyngis of the Hooli Goost, bi his wille.

⁴ Bi feith Abel offride a myche more sacrifice than Caym to God, bi which he gat witnessyng to be iust, for God bar witnessyng to hise yiftis; and bi that feith he deed spekith yit.

³³ whiche bi feith ouercamen rewmes, wrouyten riytwisnesse, gaten repromyssiouns; thei stoppiden the mouthis of liouns,

³ Thenke ye on boundun men, as ye weren togidere boundun, and of trauelinge men, as ye silf dwellinge in the body.

¹⁷ Obeie ye to youre souereyns, and be ye suget to hem; for thei perfitli waken, as to yeldinge resoun for youre soulis, that thei do this thing with ioie, and not sorewinge; for this thing spedith not to you.

²¹ schape you in al good thing, that ye do the wille of hym; and he do in you that thing that schal plese bifor hym, bi Jhesu Crist, to whom be glorie in to worldis of worldis. Amen.

²⁴ Grete ye wel alle youre souereyns, and alle hooli men. The britheren of Italie greten you wel.

¹⁸ For wilfulli he bigat vs bi the word of treuthe, that we be a bigynnyng of his creature.

¹⁴ If ony of you is sijk, lede he in preestis of the chirche, and preie thei for hym, and anoynte with oile in the name of the Lord; ¹⁵ and the preier of feith schal saue the sijk man, and the Lord schal make hym liyt; and if he be in synnes, thei schulen be foryouun to hym.

¹⁸ ethir siluer, ye ben bouyt ayen of youre veyn liuynge of fadris tradicioun,

⁸ And in feith alle of oon wille in preier be ye eche suffringe with othere, loueris of britherhod, merciful, mylde, meke;

²¹ And so baptym of lijk forme makith vs saaf; not the puttyng awei of the filthis of fleisch, but the axyng of a good conscience in God, bi the ayenrysyng of oure Lord Jhesu Crist, that is in the riyt half of God,

³ For the time that is passid is ynow to the wille of hethene men to be endid, whiche walkiden in letcheries, and lustis, in myche drinking of wyn, in vnmesurable etyngis, and drynkyngis, and vnleueful worschiping of mawmetis.

¹⁰ ech man as he hath resseyued grace, mynystringe it in to ech othere, as good dispenderis of the manyfold grace of God.

¹⁰ ech man as he hath resseyued grace, mynystringe it in to ech othere, as good dispenderis of the manyfold grace of God. ¹¹ If ony man spekith, speke he as the wordis of God; if ony man mynystrith, as of the vertu which God mynystrith; that God be onourid in alle thingis bi Jhesu Crist oure Lord, to whom is glorie and lordschip in to worldis `of worldis.

¹ Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men, ² that ben among you, fede ye the flok of God, that is among you, and puruey ye, not as constreyned, but wilfulli, bi God; not for loue of foule wynnyng, ³ but wilfulli, nether as hauynge lordschip in the clergie, but that ye ben maad ensaumple of the floc, of wille. ⁴ And whanne the prince of scheepherdis schal appere, ye schulen resseyue the coroun of glorie, that may neuere fade.

²⁰ And firste vndurstonde ye this thing, that ech prophesie of scripture is not maad bi propre interpretacioun; ²¹ for prophesie was not brouyt ony tyme bi mannus wille, but the hooli men of God inspirid with the Hooli Goost spaken.

⁸ But, ye moost dere, this o thing be not hid to you, that o dai anentis God is as a thousynde yeeris, and a thousynde yeeris ben as o dai.

¹ Moost dere britheren, nyle ye bileue to ech spirit, but preue ye spiritis, if thei ben of God; for many false prophetis wenten out in to the world. ² In this thing the spirit of God is knowun; ech spirit that knowlechith that Jhesu Crist hath come in fleisch, is of God; ³ and ech spirit that fordoith Jhesu, is not of God. And this is antecrist, of whom ye herden, that he cometh; and riyt now he is in the world.

¹⁰ Y was in spirit in the Lordis dai, and Y herde bihynde me a greet vois, as of a trumpe,

² Y woot thi werkis, and trauel, and thi pacience, and that thou maist not suffre yuele men; and thou hast asaied hem that seien that thei ben apostlis, and ben not, and thou hast foundun hem lieris;

¹¹ and seiden, Thou, Lord `oure God, art worthi to take glorie, and onour, and vertu; for thou madist of nouyt alle thingis, and for thi wille tho weren, and ben maad of nouyt.