1 Corinthians 10:33 Cross References - Wycliffe

³³ as Y bi alle thingis plese to alle men, not sekynge that that is profitable to me, but that that is profitable to manye men, that thei be maad saaf.

¹⁴ if in ony maner Y stire my fleisch for to folowe, and that Y make summe of hem saaf.

² Eche of vs plese to his neiybore in good, to edificacioun. ³ For Crist pleside not to hym silf, as it is writun, The repreues of men dispisynge thee, felden on me.

¹⁹ Forwhi whanne Y was fre of alle men, Y made me seruaunt of alle men, to wynne the mo men. ²⁰ And to Jewis Y am maad as a Jew, to wynne the Jewis; to hem that ben vndur the lawe, ²¹ as Y were vndur the lawe, whanne Y was not vndur the lawe, to wynne hem that weren vndur the lawe; to hem that weren with out lawe, as Y were with out lawe, whanne Y was not with out the lawe of God, but Y was in the lawe of Crist, to wynne hem that weren with out lawe. ²² Y am maad sijk to sike men, to wynne sike men; to alle men Y am maad alle thingis, to make alle men saaf. ²³ But Y do alle thingis for the gospel, that Y be maad partener of it.

²⁴ No man seke that thing that is his owne, but that thing that is of an othere.

²⁸ Withouten tho thingis that ben withoutforth, myn ech daies trauelyng is the bisynesse of alle chirchis. ²⁹ Who is sijk, and Y am not sijk? who is sclaundrid, and Y am not brent?

¹⁹ Sum tyme ye wenen, that we schulen excuse vs anentis you. Bifor God in Crist we speken; and, moost dere britheren, alle thingis for youre edifiyng.

¹⁰ For now whether counsele Y men, or God? or whether Y seche to plese men? If Y pleside yit men, Y were not Cristis seruaunt.